వేసవిలో రానున్న అక్కినేని యంగ్ హీరో సినిమా.. రిలీజ్ డేట్ అనౌన్స్ చేసిన ‘మోస్ట్ ఎలిజిబుల్ బ్యాచిలర్’..

Most Eligible Bachelor : అక్కినేని యంగ్ హీరో అఖిల్ సరైన హిట్ లేక సతమత పడుతున్నాడు. చేసిన సినిమాల్లో ఒకటికి కూడా అఖిల్ కు హిట్ ను తెచ్చిపెట్టలేక పోయాయి. ప్రస్తుతం ఈ కుర్ర హీరో ఆశలన్నీ మోస్ట్ ఎలిజిబుల్ బ్యాచిలర్ సినిమా పైనే. బొమ్మరిల్లు భాస్కర్ దర్శకత్వం వహిస్తున్న ఈ సినిమాలో బుట్టబొమ్మ పూజాహెగ్డే హీరోయిన్ గా నటిస్తుంది. రొమాంటిక్ ఎంటర్టైనర్ గా తెరకెక్కుతున్న ఈ మూవీ కోసం అఖిల్ జుట్టు, గెడ్డం పెంచి సరికొత్త లుక్‌లోకి మారిపోయాడు. అల్లు అరవింద్ సమర్పణలో, జీఎ2 పిక్చర్స్ బ్యానర్‌పై బన్నీవాసు, దర్శకుడు వాసువర్మ కలిసి ఈ సినిమాను నిర్మిస్తున్నారు.

ఇప్పటికే విడుదలైన పోస్టర్ లు పాటలు, టీజర్ సినిమాపై మంచి అంచనాలను క్రియేట్ చేసాయి. తాజాగా ఈ సినిమా రిలీజ్ డేట్ ను అనౌన్స్ చేసారు చిత్రయూనిట్.  జూన్ `19న ప్రపంచవ్యాప్తంగా విడుదల చేయనున్నారు. ఈ మేరకు పోస్టర్ ను విడుదల చేశారు చిత్రయూనిట్. నిజానికి సంక్రాంతికే సినిమా విడుదల చేస్తామని చిత్రయూనిట్‌ ప్రకటించింది. కానీ వరుసగా సినిమాలు పోటీ పడటంతో సోలోగా రావడమే బెటర్ అని సినిమాను జూన్ కు వాయిదా వేశారు. ఈ సినిమాతో ఎలాగైన హిట్ కొట్టాలని కసిమీదున్నాడు అఖిల్. చూడాలి మరి ఈ సినిమా అయినా అఖిల్ కు హిట్ ఇస్తుందేమో చూడాలి. ఇక ఈ సినిమాకు  గోపి సుందర్ సంగీతం అందిస్తున్నారు. ఈ సినిమా తర్వాతేనా అఖిల్‌ సురేందర్‌ రెడ్డి డైరెక్షన్‌లో థ్రిల్లర్‌ మూవీ చేయనున్నాడు.

మరిన్ని ఇక్కడ చదవండి : 

Nithin’s Check Movie Trailer : అంచనాలను పెంచేసిన నితిన్ మూవీ.. ఆకట్టుకుంటున్న ‘చెక్’ ట్రైలర్..