‘మ‌న్మథుడు 2’ టీజ‌ర్‌ ఎప్పుడంటే?

కింగ్ నాగార్జున హీరోగా వచ్చిన మన్మథుడు చిత్రం సెన్సేషనల్ హిట్ సాధించింది. ఈ మూవీనే అమ్మాయిల్లో నాగ్ క్రేజ్‌ను మరో రేంజ్‌కి తీసుకెళ్లింది. తాజాగా ఆ మూవీకి సీక్వెల్‌గా మన్మథుడు 2 తెరకెక్కుతోన్న విషయం తెలిసిందే. మ‌నం ఎంట‌ర్‌ప్రైజ‌స్‌, ఆనంది ఆర్ట్ క్రియేష‌న్స్‌, వ‌య్‌కామ్ 18 స్టూడియోస్‌ సంయుక్తంగా ఈ చిత్రాన్ని నిర్మిస్తున్నాయి. చిలసౌతో దర్శకుడిగా మంచి సక్సెస్‌ అందుకున్న  రాహుల్ ర‌వీంద్రన్ ఈ సినిమాని డైరెక్ట్ చేస్తున్నాడు. నాగార్జున స్వయంగా జెమిని కిర‌ణ్‌‌తో కలిసి ఈ సినిమాను నిర్మిస్తున్నాడు.

ప్రస్తుతం శరవేగంగా షూటింగ్ జరుపుకుంటున్న ఈ మూవీ ఒక షెడ్యూల్ మిన‌హా  చిత్రీక‌ర‌ణ అంతా పూర్తయ్యింది. త్వర‌లోనే చివరి షెడ్యూల్  కూడా ప్లాన్ చేస్తున్నారు. ఇప్పటి వ‌ర‌కు ఈ సినిమాకు సంబంధించిన నాగార్జున స్టైలిష్ లుక్‌తో పాటు రకుల్, కీర్తి సురేష్ ఫోటోలు సోష‌ల్ మీడియాలో హ‌ల్ చ‌ల్ చేశాయి.

ఈ అంచ‌నాల‌ను మ‌రింత పెంచేలా జూన్ 13న ఈ సినిమా టీజ‌ర్‌ను విడుద‌ల చేస్తున్నారు. టీజర్‌ రిలీజ్‌ డేట్‌ను ఎనౌన్స్‌ చేస్తూ ఇంట్రస్టింగ్‌ పోస్టర్‌ను రిలీజ్ చేశారు చిత్రయూనిట్‌. మ‌న్మథుడు ఇన్‌స్పిరేష‌న్‌తో, రాహుల్ ర‌వీంద్రన్ ద‌ర్శక‌త్వంలో ఈ ఫ‌న్ రైడ‌ర్ తెర‌కెక్కుతోంది. చైత‌న్ భ‌ర‌ద్వాజ్ సంగీతం అందిస్తోన్న ఈ చిత్రానికి ఎం.సుకుమార్ సినిమాటోగ్రఫీ అందిస్తున్నారు.