అమ్మాయిల ఫోటోలను ఫోన్లకు పంపి హైటెక్ వ్యభిచారం నిర్వహిస్తున్న సినీ నటుడు అరెస్ట్: ‘బాబోయ్‌.. అది నేను కాదు!’
ప్రముఖ నటుడు మంజునాథ్ అలియాస్ సంజును బెంగళూరు పోలీసులు సోమవారం (జనవరి 16) అరెస్ట్ చేశారు. ఓ ఆన్‌లైన్‌ యాప్ ద్వారా అసాంఘీక కార్యక్రమాలు నిర్వహిస్తున్న మంజునాథ్‌ను..
కన్నడ నటుడు మంజునాథ్ అలియాస్ సంజును బెంగళూరు పోలీసులు సోమవారం (జనవరి 16) అరెస్ట్ చేశారు. ఓ ఆన్‌లైన్‌ యాప్ ద్వారా అసాంఘీక కార్యక్రమాలు నిర్వహిస్తున్న మంజునాథ్‌ను పోలీసులు అరెస్ట్ చేశారు. అరెస్టు అనంతరం మంజునాథ్ ఫొటో బయటికి రావడంతో అతను సినీ నటుడనే వార్త సోషల్‌ మీడియాలో చక్కర్లు కొట్టింది. అసలేం జరిగిందంటే.. Lokantu అనే యాప్ ద్వారా వ్యభిచార రాకెట్‌ నడుపుతున్నట్లు సమాచారం అందుకున్న బెంగళూరులోని సద్గుగుంటె పాళ్య పోలీసులు మంజునాథ్‌తో పాటు ఐదుగురిని అరెస్టు చేశారు. పోలీసులు ఐదుగురిపై కేసు నమోదు చేసి దర్యాప్తు ప్రారంభించారు.
ఈ క్రమంలో కొన్ని మీడియా సంస్థలు నిందితుడి ఫోటోను గమనించి పొరపాటున సినీ నటుడు మంజేష్ అని భావించాయి. ఈ గందరగోళానికి కారణం.. నిందితుడికి, నటుడు మంజేష్‌కు కొన్ని దగ్గరి పోలికలు ఉండటమే. తాజాగా దీనిపై స్పందించిన యువ నటుడు మంజేష్ ఈ కేసులో అకారణం తన పరువు తీస్తున్నారంటూ మండిమడ్డారు. దీనితో తప్పు గ్రహించిన మీడియ సంస్థలు దిద్దుబాటు చర్యలకు పూనుకొంది. 2019లో విడుదలైన ‘న్యూరాన్’ సినిమాలో మంజేష్ ప్రధాన పాత్రలో నిటించారు.
మరిన్ని జాతీయ వార్తల కోసం క్లిక్‌ చేయండి.
