‘మహర్షి’ దూకుడు స్టార్ట్…

సూపర్‌స్టార్ మహేశ్‌బాబు 25వ చిత్రంగా తెరకెక్కిన ‘మహర్షి’ గురువారం(మే 9) ప్రపంచవ్యాప్తంగా రిలీజయ్యింది. మిక్స్‌డ్ రివ్యూస్ తెచ్చుకున్నప్పటికీ ఈ సినిమా తొలిరోజు బాక్సాఫీసును షేక్ చేసింది. తొలిరోజు తెలుగు రాష్ట్రాల్లో ‘మహర్షి’ రూ.33.5 కోట్ల గ్రాస్ రాబట్టినట్లు తెలుస్తోంది. ప్రపంచవ్యాప్తంగా ఏకంగా రూ.61 కోట్ల గ్రాస్ కలెక్షన్లు వసూలు చేసినట్లు ట్రేడ్ వర్గాలు చెబుతున్నాయి. ఇది మహేశ్‌బాబు కెరీర్లోనే హయ్యస్ట్ ఫస్ట్ డే కలెక్షన్లని సినీవర్గాల సమాచారం. ‘భరత్ అనే నేను’ సినిమా తొలిరోజు వరల్డ్ వైడ్‌గా రూ.55 కోట్ల గ్రాస్ రాబడితే ఆ రికార్డును ‘మహర్షి’ బ్రేక్ చేసేసింది.

సూపర్ స్టార్ మహేష్ బాబు సినిమా అంటే బడ్జెట్ రూ.వంద కోట్లు దాటేస్తోంది. ‘మహర్షి’ సినిమాకు రూ.135 కోట్ల బడ్జెట్ అయినట్లు తెలుస్తోంది. అయితే ఏపీ, నైజాం, ఓవర్సీస్ అన్నీ కలుపుకుని రూ. 95 కోట్ల మేర ప్రీ రిలీజ్ బిజినెస్ జరిగినట్టు సమాచారం. వీటితో పాటు శాటిలైట్ రైట్స్, డిజిటల్ రైట్ మరో రూ. 50 కోట్ల బిజినెస్ సాధించడంతో నిర్మాతలు సినిమా విడుదలకు ముందే సేఫ్ జోన్‌లోకి వెళ్లిపోయారు. బయ్యర్లు నష్టాల్లేకుండా బయటపడాలంటే ఈ సినిమా రూ.100 కోట్లు షేర్ రాబట్టాల్సి ఉంది.