ఆకట్టుకుంటోన్న ‘కౌసల్య కృష్ణమూర్తి’ టీజర్!

హీరోయిన్ ఐశ్వర్య రాజేష్ ప్రధాన పాత్రలో దర్శకుడు భీమినేని శ్రీనివాసరావు తెరకెక్కిస్తున్న చిత్రం ‘కౌసల్య కృష్ణమూర్తి.. ది క్రికెటర్’. తమిళ హిట్ మూవీ ‘కనా’కు అఫీషియల్ రీమేక్‌గా రూపొందుతున్న ఈ సినిమాలో రాజేంద్రప్రసాద్ కీలక పాత్ర పోషిస్తున్నాడు. ఇకపోతే ఐశ్వర్య రాజేష్ ఇందులో మహిళా క్రికెటర్‌గా కనిపించనుంది. నిన్న మెగాస్టార్ చిరంజీవి చేతుల మీదగా రిలీజైన ఈ సినిమా టీజర్‌కు ప్రేక్షకుల నుంచి విశేష స్పందన లభించింది.

క్రికెట్ బ్యాక్‌డ్రాప్‌తో రూపొందిన ఈ సినిమాలో తమిళ నటుడు శివ కార్తికేయన్ ఓ ప్రత్యేక పాత్రలో కనిపిస్తాడు. ఈ చిత్రాన్ని క్రియేటివ్ కమర్షియల్స్ బ్యానర్‌పై కేఏ వల్లభ నిర్మిస్తున్నాడు. త్వరలోనే ఈ సినిమా ప్రేక్షకుల ముందుకు రానుంది.