Kangana Ranaut: తమ ముందు హాజరు కావాలని నటి కంగనా రనౌత్‌కు సమన్లుజారీ చేసిన ఢిల్లీ అసెంబ్లీ శాంతి సామరస్య కమిటీ.. ఎందుకంటే..
ఢిల్లీ అసెంబ్లీ శాంతి-సామరస్య కమిటీ నటి కంగనా రనౌత్‌కు సమన్లుజారీ చేసింది. కంగానాను డిసెంబర్ 6 మధ్యాహ్నం 12:00 గంటలకు హాజరు కావాలని కమిటీ కోరింది.
Kangana Ranaut: ఢిల్లీ అసెంబ్లీ శాంతి-సామరస్య కమిటీ నటి కంగనా రనౌత్‌కు సమన్లుజారీ చేసింది. కంగానాను డిసెంబర్ 6 మధ్యాహ్నం 12:00 గంటలకు హాజరు కావాలని కమిటీ కోరింది. సిక్కు సమాజంపై చేసిన అభ్యంతరకరమైన.. అవమానకరమైన వ్యాఖ్యలకు వ్యతిరేకంగా ఈ సమన్లు జారీ చేశారు. ప్రస్తుతం అసెంబ్లీ శాంతి-సామరస్య కమిటీ ఛైర్మన్‌గా ఆమ్ ఆద్మీ పార్టీ ఎమ్మెల్యే రాఘవ్ చద్దా ఉన్నారు.
నిజానికి, అంతకుముందు రోజు, ఇన్‌స్టాగ్రామ్‌లో సిక్కు కమ్యూనిటీపై అభ్యంతరకరమైన వ్యాఖ్యలు చేశారనే ఆరోపణలపై నటి కంగనా రనౌత్‌పై ఢిల్లీ సిక్కు గురుద్వారా మేనేజ్‌మెంట్ కమిటీ పోలీసులకు ఫిర్యాదు చేసింది. ఈ ఫిర్యాదులో, నటి కంగనా రనౌత్ సోషల్ మీడియా ద్వారా సిక్కు సమాజంపై తప్పుడు పుకార్లను వ్యాప్తి చేసినట్లు పేర్కొన్నారు.
సిక్కు సమాజం మనోభావాలు దెబ్బతిన్నాయి
కమిటీ జారీ చేసిన ప్రకటన ప్రకారం.. మందిర్ మార్గ్ పోలీస్ స్టేషన్‌లోని సైబర్ కార్యాలయంలో రనౌత్‌పై ఈ ఫిర్యాదు నమోదైంది. అదే సమయంలో, నటి కంగనా రనౌత్ సోషల్ మీడియాలో తన ఇటీవలి పోస్ట్‌లో రైతుల నిరసనను “ఉద్దేశపూర్వకంగా” ‘ఖలిస్తానీ ఉద్యమం’ అని పిలిచారని కమిటీ పేర్కొంది. సిక్కు సమాజానికి వ్యతిరేకంగా నటి “అభ్యంతరకరమైన-అవమానకరమైన” పదజాలాన్ని ఉపయోగించినట్లు ప్రకటన పేర్కొంది. అదే సమయంలో, ఢిల్లీ సిక్కు గురుద్వారా మేనేజ్‌మెంట్ కమిటీ ప్రకటన ప్రకారం, సిక్కు సమాజం మనోభావాలను దెబ్బతీసేందుకు ఉద్దేశపూర్వకంగా పోస్ట్ తయారు చేశారు. నేరపూరిత ఉద్దేశ్యంతో సోషల్ మీడియాలో వ్యాపించింది.వ్యాప్తి చేశారు.
హింసను ప్రేరేపించినందుకు ట్విట్టర్ బ్యాన్..
విశేషమేమిటంటే, పశ్చిమ బెంగాల్‌లో బిజెపిపై మమతా బెనర్జీ నేతృత్వంలోని తృణమూల్ కాంగ్రెస్ విజయం..ఎన్నికల అనంతర హింసకు సంబంధించి నటి కంగనా రనౌత్ గత నెలల్లో అనేక పోస్ట్‌లు చేసింది. రాష్ట్రంలో రాష్ట్రపతి పాలనను డిమాండ్ చేస్తూ, హింసాకాండకు బెనర్జీని నిందిస్తూ, ప్రచురించలేని పదాలతో ఆమెను సంబోధించింది. ఈ సమయంలో, రనౌత్ ఒక ట్వీట్‌లో, ‘ఇది భయంకరమైనది. బెదిరింపును అంతం చేయడానికి, మాకు సూపర్ బెదిరింపు అవసరం. ఆమె (మమతా బెనర్జీ) చిన్న రాక్షసుడిలా ఉంది”అంటూ ట్వీట్ చేశారు. ఈ విషయంలో, ‘ద్వేషపూరిత ప్రవర్తన- దుర్వినియోగ ప్రవర్తన’ విధానాన్ని ఉల్లంఘించినందుకు నటి కంగనా రనౌత్ ఖాతాను ట్విట్టర్ శాశ్వతంగా మూసివేసింది.
ఇవి కూడా చదవండి: Weight Loss: బరువు తగ్గాలని కడుపు మాడ్చుకుంటే ప్రయోజనం లేదు.. ఆహారాన్ని ఇలా తీసుకోవడం ద్వారా కూడా సన్నపడవచ్చు..
Mysterious Stone: బంగారం కోసం వెతికితే పెద్ద రాయి దొరికింది.. అదేమిటో తెలుసుకుని అవాక్కయ్యాడు!