KRK OTT: ఓటీటీలో సేతుపతి, సామ్‌, నయన్‌ల సినిమా.. స్ట్రీమింగ్‌ ఎప్పుడు, ఎక్కడంటే..
KRK OTT Release: ఏప్రిల్‌ 28న ఏకకాలంలో తమిళ్‌, తెలుగు భాషల్లో విడుదలైన ఈచిత్రం డీసెంట్‌ హిట్‌గా నిలిచింది. కాగా థియేటర్లలో విడుదలైన నెలరోజులకే ఈ సినిమా డిజిటల్‌ ప్రీమియర్‌కు సిద్ధమైంది.
KRK OTT Release: కోలీవుడ్‌ స్టార్ విజయ్‌ సేతుపతి హీరోగా నటించిన చిత్రం కాతువాక్కుల రెండు కాదల్‌. నయనతార, సమంత హీరోయిన్లుగా నటించారు. ట్రైయాంగిల్‌ లవ్‌స్టోరీగా తెరకెక్కిన ఈ చిత్రం తెలుగులో కణ్మని రాంబో ఖతీజాగా విడుదలైంది. కణ్మని, ఖతీజా అనే అమ్మాయిల మధ్యలో రాంబో ఎలా నలిగిపోయాడు? ఈ ముక్కోణపు ప్రేమకథ చివరికి ఏమైంది? అన్నదే సినిమా కథ. ఏప్రిల్‌ 28న ఏకకాలంలో తమిళ్‌, తెలుగు భాషల్లో విడుదలైన ఈచిత్రం డీసెంట్‌ హిట్‌గా నిలిచింది. కాగా థియేటర్లలో విడుదలైన నెలరోజులకే ఈ సినిమా డిజిటల్‌ ప్రీమియర్‌కు సిద్ధమైంది. ఓటీటీ ప్రేక్షకులను అలరించేందుకు సిద్ధమైంది.
ప్రముఖ ఓటీటీ ప్లాట్‌ఫామ్‌ డిస్నీ ప్లస్‌ హాట్‌స్టార్‌లో మే 27 నుంచి కేఆర్‌కే సినిమా స్ట్రీమింగ్‌ కానుంది. ఈ విషయాన్ని సోషల్‌ మీడియా వేదికగా ప్రకటించింది హాట్‌స్టార్‌. కాగా ఈ ముక్కోణపు ప్రేమకథా చిత్రానికి విఘ్నేశ్‌ శివన్‌ దర్శకత్వం వహించారు. రౌడీ పిక్చర్స్‌, సెవెన్‌ స్క్రీన్‌ స్టూడియోస్‌ బ్యానర్‌పై విఘ్నేశ్‌, నయనతార, ఎస్‌ ఎస్‌ లలిత్‌ కుమార్‌ సంయుక్తంగా ఈ సినిమాను నిర్మించారు. లేటెస్ట్‌ మ్యూజిక్‌ సెన్సేషన్‌ అనిరుధ్‌ రవిచందర్‌ స్వరాలు సమకూర్చారు. మరి థియేటర్లలో ఈ సినిమాను మిస్‌ అయినవాళ్లు ఓటీటీలో చూసి ఎంజాయ్‌ చేయండి.
Get the red carpet rolling, Kanmani and Khatija are here! #KaathuvaakulaRenduKaadhal starts streaming from 27th May#LoveyouTwo #KaathuvaakulaRenduKaadhal @VijaySethuOffl @VigneshShivN @Samanthaprabhu2 #Nayanthara @anirudhofficial @7screenstudio @Rowdy_Pictures #KRK pic.twitter.com/VBh9jplWD0
— Disney+ Hotstar (@DisneyPlusHS) May 18, 2022
మరిన్ని సినిమా వార్తల కోసం క్లిక్ చేయండి..
Also Read: