Tollywood : 8 నెలలు నరకం అనుభవించా.. అందుకే ఇప్పుడు ఎవరితో మాట్లాడట్లేదు.. జబర్దస్త్ కమెడియన్ ఆవేదన..

తెలుగు సినీ, టెలివిజన్ రంగంలో తనకంటూ ఒక ప్రత్యేక గుర్తింపు తెచ్చుకున్న పాగల్ పవిత్ర. ఇటీవల ఓ ఇంటర్వ్యూలో తన వృత్తి, వ్యక్తిగత జీవితానికి సంబంధించిన అనేక విషయాలను పంచుకున్నారు. ఆమె ప్రస్తుతం సినిమాల్లో నటిస్తున్నారని, అవి త్వరలో విడుదల కానున్నాయని తెలిపారు. గతంలో ఫ్యామిలీ స్టార్ కార్యక్రమంలో మెయిన్ కమెడియన్‌గా రాణించడం ఒక గొప్ప అనుభవమని ఆమె చెప్పారు.

Paagal Pavitra

Rajitha Chanti |
Updated on: Sep 05, 2026 | 1:39 PM

బుల్లితెరపై జబర్దస్త్ కామెడీ షో ద్వారా పాపులారిటీని సొంతం చేసుకున్నారు పాగల్ పవిత్ర. తక్కువ సమయంలోనే తనదైన కామెడీ టైమింగ్ తో ఆకట్టుకున్నారు. ఇటీవల ఓ ఇంటర్వ్యూలో పాల్గొన్న ఆమె తన కెరీర్, వ్యక్తిగత జీవితానికి సంబంధించి ఎన్నో ఆసక్తికర, సున్నితమైన విషయాలను వెల్లడించారు. ఆమె ప్రస్తుతం సినిమాల్లో నటిస్తున్నారని, అవి విడుదలకు సిద్ధంగా ఉన్నాయని తెలిపారు. ఫ్యామిలీ స్టార్ వంటి ప్రముఖ కార్యక్రమంలో మెయిన్ కమెడియన్‌గా తాను చేసిన ప్రయాణం ఎంతో సంతోషాన్ని ఇచ్చిందని పవిత్ర గుర్తు చేసుకున్నారు. పవిత్ర తన వృత్తి జీవితంలో ఎదుర్కొన్న సవాళ్లను ధైర్యంగా వివరించారు. ఒక ఛానెల్‌లో షో చేస్తున్న సమయంలో వేరే ఛానెల్ నుండి అవకాశం రావడంతో, ఇరు ఛానెళ్లు అంగీకరించగా, ఆమె ఆ ప్రాజెక్ట్ చేశారు. అయితే, ఆ తర్వాత ఎనిమిది నెలల పాటు తనకు ఎలాంటి పని దొరకలేదని, ఇది తనను తీవ్రమైన ఆర్థిక ఇబ్బందుల్లోకి నెట్టిందని ఆవేదన వ్యక్తం చేశారు. హైదరాబాద్ వంటి నగరంలో ఆర్థికంగా నిలదొక్కుకోకపోతే బతకడం, కుటుంబాన్ని పోషించడం కష్టమని ఆమె అన్నారు. అలాంటి కష్ట సమయంలో ప్రవీణ అక్క తనను అర్థం చేసుకుని అండగా నిలిచారని, ఆమె తనకు రెండో తల్లితో సమానం అని కృతజ్ఞతలు తెలిపారు. నెల్లూరు జిల్లా సోమశిల గ్రామం, ఆనంద సాగరం మండలం తన స్వస్థలమని పవిత్ర వెల్లడించారు.

ఎక్కువమంది చదివినవి : Cinema : ఆద్యంతం సస్పెన్స్.. దుమ్మురేపుతున్న కోర్ట్ డ్రామా.. 7 సంవత్సరాలుగా ఓటీటీలో ట్రెండింగ్..

వ్యక్తిగత జీవితంలో ఎదురైన చేదు అనుభవాలను కూడా పవిత్ర పంచుకున్నారు. ఒక కారు ప్రమాదంలో తాను, తన బాబు క్షేమంగా బయటపడ్డామని, ఆ కారు పూర్తిగా స్క్రాప్‌కు వెళ్లిపోయిందని తెలిపారు. ప్రమాదం జరిగిన తర్వాత తీవ్రమైన ఒత్తిడికి లోనయ్యానని, అలాంటి రోజులు తనకు ఎంతో కష్టంగా గడిచాయని చెప్పారు. స్నేహితుల నుండి ఎదురైన బాడీ షేమింగ్, కలర్ డిస్క్రిమినేషన్ తనను ఎంతో బాధించాయని, అందుకే ఇప్పుడు ఎవరితోనూ మాట్లాడటం లేదని అన్నారు. తన బ్రేకప్ కారణాల గురించి మాట్లాడుతూ, తనకు తండ్రి లేకపోవడంతో, తన భాగస్వామిలో తండ్రి స్థానాన్ని చూసుకున్నానని, అయితే ఆ ప్రేమ క్రమంగా భారంగా మారిందని భావోద్వేగంగా చెప్పారు. పెళ్లి చేసుకోవాలనుకునే అబ్బాయి ఎలాంటి లక్షణాలు కలిగి ఉండాలి అని అడిగినప్పుడు, అతను మొదట అబ్బాయి అయి ఉండాలి అని అన్నారు.

ఎక్కువమంది చదివినవి : Bigg Boss 10 Telugu : లక్షలు ఇస్తామన్నా వద్దన్నారు.. బిగ్ బాస్ 10 ఆఫర్ రిజెక్ట్ చేసిన సెలబ్రిటీస్ వీళ్లే..

తన బాల్య జ్ఞాపకాలను గుర్తుచేసుకుంటూ, చిన్నప్పటి నుండి తన తండ్రి తనకు సరిగా మద్దతు ఇవ్వలేదని, తల్లిదండ్రులు తరచుగా గొడవపడేవారని, కొట్టుకునేవారని తెలిపారు. తన తల్లి తన బట్టలు కూడా కొనిచ్చింది లేదని, చూసుకున్నది లేదని చెప్పారు. తండ్రి మద్దతు లేకపోవడం, తల్లి అనారోగ్యంతో ఉండటం వల్ల తాను చిన్న వయసులోనే పని చేయాల్సి వచ్చిందని పవిత్ర కన్నీటిపర్యంతమయ్యారు. తన బాల్యంలో ఎదురైన ఈ కష్టాలు తనను ఎంతగానో ప్రభావితం చేశాయని వివరించారు. ఈ ఇంటర్వ్యూ ద్వారా పవిత్ర తన జీవితంలోని అనేక ఒడిదుడుకులను, వాటిని తట్టుకుని నిలబడిన తీరును, తన మానసిక స్థైర్యాన్ని ప్రేక్షకులతో పంచుకున్నారు.

ఎక్కువమంది చదివినవి : Arjun Sarja : ఆ హీరోయిన్‏ను చాలా మిస్సవుతున్నా.. ఆమె దూరమయ్యాకే అర్థం చేసుకున్న.. అర్జున్ సర్జా..