‘కాఫీ విత్‌ సీఎం’.. గోవా ముఖ్యమంత్రి కొత్త ప్రోగ్రామ్‌

Coffee with CM: బాలీవుడ్ దర్శకనిర్మాత కరణ్‌ జోహార్ నిర్వహించే కాఫీ విత్ కరణ్ గురించి అందరికీ తెలిసిందే. సినీ సెలబ్రిటీలను పిలిచి, వారి గురించి ఎవ్వరికీ తెలియని విషయాలను బయటపెడుతుంటారు కరణ్‌. ఆ ప్రోగ్రామ్‌ ఇన్పిరేషన్‌తో ప్రాంతీయ ఛానెళ్లలోనూ అలాంటి ప్రోగ్రామ్‌లు ఎన్నో వచ్చాయి, ఇప్పటికీ వస్తున్నాయి. కాగా ఇప్పుడు అలాంటి ప్రోగ్రామ్‌నే గోవా ముఖ్యమంత్రి ప్రమోద్ సావంత్‌ తన రాష్ట్రంలో ప్రారంభించబోతున్నారు. (నాగశౌర్య మూవీకి ఆసక్తికర టైటిల్‌)

ఈ ప్రోగ్రామ్ ద్వారా ఒక్కో తాలుకాకు వెళ్లనున్న ముఖ్యమంత్రి.. అక్కడి వారితో పలు విషయాలపై చర్చించారు. యువకులు, రైతులు అందరినీ కలవనున్న ప్రమోద్‌.. వారి ఇబ్బందులను తెలుసుకోనున్నారు. త్వరలోనే తాను ఈ ప్రోగ్రామ్‌లో పాల్గొంటానని ముఖ్యమంత్రి స్పష్టం చేశారు. (షారూక్‌కి ‘బూర్జ్‌ ఖలీఫా’ స్పెషల్‌ విషెస్‌.. దగ్గరుండి వీక్షించిన కింగ్‌ఖాన్‌)