వెన్నిస్ ఫిల్మ్ ఫెస్టివల్‌లో సత్తా చాటిన మరాఠీ చిత్రం
వెన్నిస్ ఫిల్మ్ ఫెస్టివల్‌లో మఠారీ చిత్రం సత్తా చాటింది. చైతన్య తమ్హానే దర్శకత్వం వహించిన ది డిసిపుల్‌ చిత్రానికి రెండు అవార్డులు లభించాయి
The Disciple movie: వెన్నిస్ ఫిల్మ్ ఫెస్టివల్‌లో మఠారీ చిత్రం సత్తా చాటింది. చైతన్య తమ్హానే దర్శకత్వం వహించిన ది డిసిపుల్‌ చిత్రానికి రెండు అవార్డులు లభించాయి. బెస్ట్‌ స్క్రీన్‌ప్లే, ఎఫ్‌పీఆర్‌ఈఎస్‌సీఐ క్రిటిక్స్ విభాగంలో ఈ మూవీకి అవార్డులు లభించాయి. ఓ యువ సంగీత కళాకారుడు చేసే సంగీత ప్రయాణం కథాంశంతో చైతన్య ఈ సినిమాను తెరకెక్కించారు.
ఇక ఈ అవార్డులు రావడంపై చైతన్య మాట్లాడుతూ.. ”ఈ సినిమా కథను రాసేందుకు నేను చాలా శ్రమ తీసుకోవాల్సి వచ్చింది. ఈ అవార్డు రావడం చాలా సంతోషాన్ని ఇచ్చింది. అలాగే ఇకపై మరింత కష్టపడేందుకు ప్రోత్సహాన్ని ఇచ్చింది. నా సినిమా కోసం పనిచేసిన మ్యూజిషియన్లు, రీసెర్చర్లు, రచయితలు అందరికీ ఈ అవార్డును అంకితం చేస్తున్నా” అని తెలిపారు. కాగా 2014లో ఈ దర్శకుడు కోర్టు అనే చిత్రాన్ని తెరకెక్కించగా.. ఆ మూవీకి ఉత్తమ చిత్రంగా అవార్డు లభించింది. అలాగే చైతన్య ద లయన్ ఆఫ్‌ ది ఫ్యూచర్ అవార్డును సొంతం చేసుకున్నారు. మరోవైపు ది డిసిపుల్‌కి రెండు అవార్డులు వచ్చినందుకు గానూ పలువురు ప్రముఖులు చైతన్యకు అభినందనలు తెలుపుతున్నారు.
Read More: