తెలుగు బుల్లితెరపై సంచలనం రేపిన బిగ్బాస్ మూడో సీజన్ త్వరలో ప్రారంభం కానుంది. ఈ సీజన్కు హోస్ట్గా నాగార్జునను ఖరారు చేసేశారు నిర్వాహకులు. దానికి సంబంధించిన ప్రోమో కూడా ఇటీవలే విడుదలైంది. అయితే ఈ షో ఇంకా ప్రారంభం అవ్వకముందే నాగార్జునను ఓ ఆటాడేసుకుంటున్నారు నెటిజన్లు. దీనికి కారణం గతంలో ఆయన చేసిన కామెంట్లే.
అసలు విషయానికొస్తే.. గత ఏడాది ఓ ఇంటర్వ్యూలో మాట్లాడిన నాగార్జున బిగ్బాస్ షో గురించి స్పందించాడు. బిగ్బాస్ కాన్సెప్ట్ తనకు నచ్చలేదని, ఒకరు ఏం చూస్తున్నారో అని తొంగిచూడటం తనకు ఎప్పుడూ నచ్చదని పేర్కొన్నాడు. ఇక తాజాగా బిగ్బాస్ హోస్ట్గా చేయడంపై స్పందించిన నాగ్.. ‘‘ప్రయోగాలు చేయడానికి నేను ఎప్పుడు ముందుంటాను. బుల్లితెర నాకు కొత్త కానప్పటికీ.. బిగ్బాస్ చేయడం నాకు సరికొత్త అనుభూతి. ఇందులో భాగస్వామ్యం అయినందుకు నాకు చాలా ఎగ్జైటింగ్గా’’ ఉందని పేర్కొన్నారు. దీంతో పాత వీడియోను, కొత్త వీడియోను షేర్ చేస్తోన్న నెటిజన్లు..‘‘బిగ్బాస్ షోను చేసేందుకు ఇప్పుడు నాగార్జున గారు ఎందుకు ఒప్పుకున్నారో’’ అంటూ కామెంట్లు పెడుతున్నారు. మరి దీనిపై ఆయన ఎలాంటి వివరణ ఇస్తారో చూడాలి.
కాగా బిగ్బాస్ 3 ఈ నెల 21నుంచి ప్రారంభం కానున్నట్లు తెలుస్తోంది. మొత్తం 14మంది కంటెస్టెంట్లతో వంద రోజుల పాటు ఈ షోను నిర్వహించబోతున్నట్లు సమాచారం. ఇక ఈ షోను అన్నపూర్ణ స్టూడియోలోనే నిర్వహించనున్నట్లు తెలుస్తోంది.