AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ఆడిషన్ కోసం ఫోటో అడిగితే.. పాస్‌పోర్ట్ సైజ్ ఫోటో: ఆనాటి స్వీటి అలా ఉండేది..

అనుష్క శెట్టి యోగా టీచర్‌గా తన ప్రస్థానం ప్రారంభించి, అనుకోకుండా సినీ రంగంలోకి ప్రవేశించారు. పూరి జగన్నాథ్ గారి ద్వారా తొలి అవకాశం లభించగా, తొలుత సంశయించారు. నాగార్జున ఆమెలోని ప్రతిభను గుర్తించి, గాడ్‌ఫాదర్‌గా నిలిచి, అగ్రతారగా ఎదగడానికి మార్గం సుగమం చేశారు.

ఆడిషన్ కోసం ఫోటో అడిగితే.. పాస్‌పోర్ట్ సైజ్ ఫోటో:  ఆనాటి స్వీటి అలా ఉండేది..
Anushka Shetty
Ram Naramaneni
|

Updated on: Nov 18, 2026 | 4:24 PM

Share

అగ్ర కథానాయిక అనుష్క శెట్టి యోగా టీచర్‌గా ప్రారంభించి, అగ్రతారగా ఎదిగిన తన ఆసక్తికరమైన సినీ ప్రస్థానాన్ని  వెల్లడించారు. ఆరేళ్ల పాటు యోగా టీచర్‌గా పనిచేసిన అనుష్క, ఆ సమయంలో చాలా తక్కువ ఆదాయం ఉండేదని, డబ్బు తన జీవితంలో ఎప్పుడూ ప్రాధాన్యత కాదని స్పష్టం చేశారు. అయితే, తన కుటుంబం, స్నేహితుల అవసరాల కోసం తన దగ్గర డబ్బు ఉండాలని, అప్పుడు ఆలోచించకుండా ఖర్చు చేయగలగాలి అని ఆమె వివరించారు.

పూరి జగన్నాథ్‌ను కలవడానికి వెనుకటి కథ

అనుష్కకు మొదటిసారి సినీ అవకాశం పూరి జగన్నాథ్ ద్వారా వచ్చింది. డైరెక్టర్ ఈ. నివాస్ భార్య, అనుష్క యోగా ఫ్రెండ్. అలా ఈ నివాస్.. అనుష్కతో సినిమా అవకాశం కోసం పూరిని కలవమని సూచించారు. అలాగే ఈ నివాస్ ఇచ్చిన సమాచారంతో.. పూరి జగన్నాథ్ టీం నుంచి శ్రీను అనే వ్యక్తి ఆమెను పూరి జగన్నాథ్‌ని కలవమని ఫోన్ చేశారు. అయితే, అప్పట్లో అనుష్క చాలా సిగ్గుపడేవారని, భయపడ్డారని తెలిపారు. పూరిని కలవడానికి ఇష్టపడక, శ్రీను అడిగినప్పుడు, “కాల్ చేశాను” అని అబద్ధం చెప్పారు. తన యోగా గురు భరత్ అడిగినప్పుడు కూడా అదే అబద్ధం చెప్పినట్లు ఒప్పుకున్నారు. ఈ సంఘటనను తన జీవితంలో చేసిన మొట్టమొదటి “చీటింగ్”గా ఆమె అభివర్ణించారు.

పాస్‌పోర్ట్ సైజ్ ఫోటోతో తొలి మీటింగ్

చివరికి, అందరి ఒత్తిడితో పూరి జగన్నాథ్‌ను కలిశారు. చిన్నప్పటి నుంచి సినిమాలు చూడటం, టీవీ అలవాటు లేకపోవడంతో, సినిమాకు పోర్ట్‌ఫోలియో, ఫోటోలు ఉండాలనే అవగాహన అప్పట్లో ఆమెకు లేదు. పూరి ఆమెను ఫోటోలు అడిగినప్పుడు, తన పర్సులో ఉన్న పాస్‌పోర్ట్ సైజ్ ఫోటోను తీసి ఇచ్చారు. పూరి ఆ ఫోటో చూసి, ఆమె ముఖాన్ని చూసి నవ్వి, “ఓకే, ఐ విల్ కాల్ యూ” అని చెప్పి వెళ్లిపోయారని అనుష్క గుర్తుచేసుకున్నారు.

యోగా క్లాసుల కోసం సినిమా ఆఫర్‌ను వాయిదా

మరుసటి రోజు పూరి ఫోన్ చేసి, హైదరాబాద్‌ రావాలని, అది సోమవారం అని చెప్పారు. అయితే, అనుష్కకు అప్పుడు యోగా క్లాసులు ఉండేవి, వాటిని నిర్వహించడానికి ఎవరూ లేరు. దీంతో ఆమె, “సర్‌, నేను రేపు రాలేను, నాకు క్లాసులున్నాయి. నేను శుక్రవారం వస్తాను” అని చెప్పి ఫోన్ పెట్టేశారు. ఇది తన బాధ్యత అని, యోగా క్లాసులను వదిలి వెళ్లలేనని అనుష్క భావించారు. తన స్నేహితురాలు “వాళ్ళు ఆటిట్యూడ్ అనుకుంటారు” అని చెప్పినా, ఆమె మనసులో అటువంటి ఆలోచన లేదని, అది తన అమాయకత్వమేనని వివరించారు. పూరి జగన్నాథ్ గురువారం సాయంత్రం మళ్లీ ఫోన్ చేసి, “క్లాస్ అయిపోతుంది కదా, ఎందుకు రాకూడదు?” అని అడిగారు. అప్పుడు ఆమె హైదరాబాద్ వెళ్లారు.

నాగార్జున “మాస్” సెట్స్‌పై ఆడిషన్, గాడ్‌ఫాదర్‌గా అక్కినేని

హైదరాబాద్ వెళ్ళినప్పుడు నాగార్జున మాస్ సినిమా షూటింగ్‌లో లారెన్స్ మాస్టర్‌తో పనిచేస్తున్నారు. ఆడిషన్ అంటే ఏమిటో కూడా తెలియకుండానే అక్కడికి వెళ్లారు. అప్పుడు ఆమెకు మేకప్ టెస్ట్ జరిగింది. అప్పుడే మిస్ ఇండియా అయిన పర్మీత్ కక్కర్ అనే మరో అమ్మాయి కూడా ఆడిషన్‌కు వచ్చింది. ఆమెకు మేకప్, పోజులు ఇవ్వడం గురించి పూర్తి అవగాహన ఉంది. ఫోటోషూట్ చేస్తున్నప్పుడు పాటలు పెట్టి, ఫ్యాన్ పెట్టి చేసే పద్ధతి చూసి ఆశ్చర్యపోయారు. అనుష్కకు ఫోటోషూట్‌లు, స్టిల్ కెమెరా అంటే చాలా బిగుసుకుపోయేవారు. చిన్నప్పుడు పాస్‌పోర్ట్ సైజ్ ఫోటో తీయడానికి కూడా తన తండ్రి బలవంతం చేసేవారని చెప్పారు. చిన్ అప్ (తల పైకెత్తడం) అని ఫోటోగ్రాఫర్ అడిగినప్పుడు, యోగాలో లాగా గడ్డం పైకి చాచారు. అక్కడున్నవారు నవ్వినా, ఆమె అమాయకత్వాన్ని అర్థం చేసుకున్నారు.

ఈ పరిస్థితిలో నాగార్జున అనుష్కలో ఏదో ప్రత్యేకతను గుర్తించారు. “ఈ అమ్మాయిలో ఏదో పొటెన్షియల్ ఉంది. మనం అవకాశం ఇవ్వకపోతే ఇంకెవరు ఇస్తారు?” అని ఆయన అన్న మాటలను అనుష్క గుర్తుచేసుకున్నారు. నాగార్జున జీవితంలో తనకు “గాడ్‌ఫాదర్” అని, ఆయన ఆ నమ్మకంతో అవకాశం ఇవ్వకపోతే తాను ఈ స్థాయిలో ఉండేదాన్ని కాదని అన్నారు. పూరి జగన్నాథ్, నాగార్జున, సుప్రియ, అన్నపూర్ణ స్టూడియోస్ అందరూ ఒక చిన్న పిల్లకు నేర్పినట్లు తనకు అన్నీ నేర్పించారని కృతజ్ఞతలు తెలిపారు. నాగార్జున అమల గారితో కలిసి క్రమం తప్పకుండా యోగా చేస్తారని, ఆయనకు వీపు నొప్పి వచ్చినప్పుడు స్ట్రెచింగ్స్‌లో తాను సహాయం చేసేదాన్నని అనుష్క వెల్లడించారు. 2004 అక్టోబర్‌లో ఈ సంఘటనలు జరగ్గా, డిసెంబర్‌లో హైదరాబాద్ వచ్చి ఉండమని, ఆ ప్రదేశానికి అలవాటు పడటానికి, భయాన్ని వదిలించుకోవడానికి అది ఉపయోగపడుతుందని వారు సూచించినట్లు అనుష్క తెలిపారు.

Follow Us
ప్రతీఒక్కరి అకౌంట్లోకి రూ.15 వేలు.. ఏపీ ప్రభుత్వం గుడ్ న్యూస్
ప్రతీఒక్కరి అకౌంట్లోకి రూ.15 వేలు.. ఏపీ ప్రభుత్వం గుడ్ న్యూస్
రిటెన్షన్ తర్వాత పవర్ ఫుల్ టీం, వరస్ట్ టీంలు ఏవో తెలుసా..?
రిటెన్షన్ తర్వాత పవర్ ఫుల్ టీం, వరస్ట్ టీంలు ఏవో తెలుసా..?
కార్తీక పౌర్ణమి రోజు దీపదానం ఎందుకు చేయాలి? దీపాలు వెలిగించడం..
కార్తీక పౌర్ణమి రోజు దీపదానం ఎందుకు చేయాలి? దీపాలు వెలిగించడం..
భారత్‌లో మాత్రమే కనిపించే వింత కప్పల గురించి మీకు తెలుసా?
భారత్‌లో మాత్రమే కనిపించే వింత కప్పల గురించి మీకు తెలుసా?
సినిమా అద్భుతంగా ఉంది, కానీ ఆడటానికి ఛాన్స్ లేదన్నారు..
సినిమా అద్భుతంగా ఉంది, కానీ ఆడటానికి ఛాన్స్ లేదన్నారు..
ధోనితో రిలేషన్ బ్రేకప్ చేసుకున్న టాలీవుడ్ హీరోయిన్ ఈమెనే..?
ధోనితో రిలేషన్ బ్రేకప్ చేసుకున్న టాలీవుడ్ హీరోయిన్ ఈమెనే..?
ఉచిత సినిమా టికెట్లు కట్.. ఈ క్రెడిట్ కార్డులకు కొత్త రూల్స్
ఉచిత సినిమా టికెట్లు కట్.. ఈ క్రెడిట్ కార్డులకు కొత్త రూల్స్
సినిమాలే చూడని పిల్ల.. ఆ తర్వాత ఇండస్ట్రీలో అగ్ర తార..
సినిమాలే చూడని పిల్ల.. ఆ తర్వాత ఇండస్ట్రీలో అగ్ర తార..
2026 కార్తీక మాసంలో ఈ ఒక్క రాశి వారికి శివుడి అనుగ్రహం..
2026 కార్తీక మాసంలో ఈ ఒక్క రాశి వారికి శివుడి అనుగ్రహం..
ఎలాన్ మస్క్ ఆలోచనలు ఇలా ఉంటాయా..! ఇవి ఫాలో అయితే లైఫ్‌లో సక్సెస్
ఎలాన్ మస్క్ ఆలోచనలు ఇలా ఉంటాయా..! ఇవి ఫాలో అయితే లైఫ్‌లో సక్సెస్