మరో రికార్డు ఖాతాలో వేసుకున్న అల్లు అర్జున్ మూవీ.. దక్షిణాది నుంచి కేవలం ఈ ఒక్క చిత్రం మాత్రమే..
ఈ ఏడాది సంక్రాంతికి రిలీజైన అలా వైంకుఠపురం సినిమా రోజుకో మైలురాయిని అధిగమిస్తోంది. సినిమా రిలీజై
ఈ ఏడాది సంక్రాంతికి రిలీజైన అలా వైంకుఠపురం సినిమా రోజుకో మైలురాయిని అధిగమిస్తోంది. సినిమా రిలీజై సంవత్సరం కావస్తున్నా నిత్యం ఏదో ఒక రికార్డుతో వార్తల్లో నిలుస్తోంది. అల్లు అర్జున్ హీరోగా నటించిన ఈ సినిమాలో అందాల భామ పూజాహెగ్డే హీరోయిన్గా నటించింది. మాటల మాంత్రికుడు త్రివిక్రమ్ ఈ సినిమాను డైరెక్ట్ చేశారు. కాగా మ్యూజిక్ డైరెక్టర్ థమన్ అందించిన సంగీతం ఈ చిత్రానికి హైలెట్గా నిలిచింది. ఇందులోని అన్నిపాటలు యూ ట్యూబ్లో రికార్డు క్రియేట్ చేశాయి. ముఖ్యంగా బుట్టబొమ్మ సాంగ్ ఓ ఊపు ఊసేసింది. ఓ నయా ట్రెండ్ని సృష్టించింది. ఇటీవల ఈ పాటకు ఓ అంతర్జాతీయ క్రికెటర్ కూడా డ్యాన్స్ చేసి అందరిని ఫిదా చేశారు. అంతేకాకుండా టిక్టాక్ యాప్లో కూడా ఈ పాట చాలా ఫేమస్ అయింది. హీరో అల్లు అర్జున్ కెరీర్లోనే ఈ సినిమా అత్యధిక వసూళ్లను సాధించింది. తాజాగా ఈ సినిమా మరో ఘనతను తన ఖాతాలో వేసుకుంది.
ఈ ఏడాది ఎక్కవ మంది వీక్షించిన టాప్-20 ట్రైలర్ల జాబితాలో ఈ సినిమా చోటు దక్కించుకుంది. ప్రపంచ వ్యాప్తంగా ఏడో స్థానంలో నిలిచింది. దక్షిణాది నుంచి కేవలం బన్నీ చిత్రం మాత్రమే నిలవడం విశేషం. అత్యధిక ఫాలోవర్లు కలిగిన సౌత్ హీరోగా ఇటీవలే బన్నీ రికార్డు సృష్టించాడు. కాగా అల్లు అర్జున్ సినిమాలతో పాటు సోషల్ మీడియాలోనూ ఫ్యాన్ ఫాలోయింగ్ భారీగానే ఉంది. ప్రస్తుతం ఈ హీరో సుకుమార్ దర్శకత్వంలో వస్తున్న ‘పుష్ప’ సినిమా షూటింగ్లో బిజీగా ఉన్నారు. ఇక ఈ సినిమా ఎన్ని వండర్స్ క్రియేట్ చేస్తుందో అని ప్రేక్షకులు ఆత్రుతగా ఎదురుచూస్తున్నారు.