Sai Pallavi: న్యాచురల్‌ బ్యూటీ బర్త్‌ డే స్పెషల్‌.. గార్గిగా రానున్నసాయి పల్లవి.. ఆకట్టుకుంటోన్న ఫస్ట్‌ లుక్‌..
Sai Pallavi Birthday: సహజనటనతో ఎంతోమంది ప్రేక్షకుల మనసులను గెల్చుకున్న ఈ ముద్దుగుమ్మ నేడు (మే9) పుట్టిన రోజు జరుపుకుంటోంది. ఈ సందర్భంగా పలువురు సినీ తారలతో పాటు అభిమానులు, నెటిజన్లు ఈ ముద్దుగుమ్మకు బర్త్‌డే విషెస్‌ చెబుతున్నారు
Sai Pallavi Birthday: ప్రేమమ్ సినిమాలోని మలర్‌ పాత్రతో అందరినీ తన వైపు తిప్పుకుంది సాయి పల్లవి(Sai Pallavi). ఆతర్వాత ఫిదా సినిమాతో టాలీవుడ్‌లో ప్రేక్షకుల్లో చెరగని అభిమానం సంపాదించుకుంది. ఎంసీఏ, పడిపడిలేచే మనసు, లవ్‌స్టోరీ, శ్యామ్‌సింగరాయ్‌ లాంటి సినిమాల్లో ఆమె అభినయానికి అందరూ ముగ్ధులయ్యారు. సహజనటనతో ఎంతోమంది ప్రేక్షకుల మనసులను గెల్చుకున్న ఈ ముద్దుగుమ్మ నేడు (మే9) పుట్టిన రోజు జరుపుకుంటోంది. ఈ సందర్భంగా పలువురు సినీ తారలతో పాటు అభిమానులు, నెటిజన్లు ఈ ముద్దుగుమ్మకు బర్త్‌డే విషెస్‌ చెబుతున్నారు. కాగా ఈ సొగసరి పుట్టిన రోజును పురస్కరించుకుని ఆమె నటిస్తోన్న సినిమాల నుంచి అప్డేట్స్ కూడా రిలీజ్‌ చేస్తున్నారు ఆయా దర్శక నిర్మాతలు. కాగా ఈ మలయాళ ముద్దుగుమ్మ గార్గి (Gargi) అనే లేడీ ఓరియంటెడ్‌ సినిమాలో నటిస్తోంది. తాజాగాఈ సినిమాకు సంబంధించిన గ్లింప్స్‌ను విడుదల చేసింది చిత్రబృందం. ఇందులో చీరకట్టుతో ఎంతో అందంగా కనిపిస్తోంది సాయి పల్లవి.
కాగా గార్గి సినిమాకు గౌతం రామచంద్రన్ దర్శకత్వం వహిస్తున్నారు. తెలుగు, తమిళం, మలయాళం, కన్నడ భాషల్లో ఈ చిత్రం రూపుదిద్దుకుంటోంది. రవిచంద్రన్‌ రామచంద్రన్, ఐశ్వర్యా ల‌క్ష్మి, థామ‌స్ జార్జ్‌, గౌత‌మ్ రామచంద్రన్ సంయుక్తంగా ఈ ఫీమెల్‌ ఓరియంటెడ్‌ సినిమాను నిర్మిస్తున్నారు. 96 సినిమాకు స్వరాలందించిన గోవింద్ వ‌సంత ఈ చిత్రానికి మ్యూజిక్ డెరెక్టర్‌గా వ్యవహరిస్తున్నారు. కాగా ఈ సినిమా అప్‌డేట్‌ను సోషల్‌ మీడియాలో షేర్‌ చేసిన సాయిపల్లవి.. ‘ నేను ఈ సినిమా గురించి మాట్లాడటానికి నెలల నుంచి ఎదురుచూస్తున్నా. చిత్ర బృందం ప‌ట్టుబ‌ట్టి మరీ అప్‌డేట్‌ను విడుదల చేయాలని చాలా రోజులుగా ఎదురుచూస్తోంది. ఫైనల్‌గా నా పుట్టినరోజునే అందుకు సరైన సందర్భంగా ఎంచుకుంది’ అంటూ రాసుకొచ్చింది. కాగా దీంతో పాటువిరాట పర్వం సినిమాలోనూ నటిస్తోంది సాయిపల్లవి..
మరిన్ని సినిమా వార్తల కోసం క్లిక్ చేయండి..