COVID-19 vaccine: కరోనా టీకా తీసుకున్న సౌత్ స్టార్ హీరో మోహన్‌లాల్.. వైద్య సిబ్బందికి కృతజ్ఞతలు

Mohanlal receives Corona vaccine: దేశవ్యాప్తంగా కరోనావైరస్ వ్యాక్సినేషన్ ప్రక్రియ వేగవంతంగా కొనసాగుతోంది. ముందుగా వ్యాక్సిన్‌ను ఆరోగ్య కార్యకర్తలకు, ఫ్రంట్‌లైన్ సిబ్బందికి వ్యాక్సిన్ పంపిణీ చేసిన విషయం తెలిసిందే. ఈ క్రమంలో మార్చి 1నుంచి 60ఏళ్లు పైబడిన వృద్ధులకు, దీర్ఘకాలిక వ్యాధులతో బాధపడుతున్న 45 ఏళ్ల పైన వారికి వ్యాక్సిన్ ఇస్తున్నారు. దీంతో అర్హత కలిగిన సెలబ్రిటీలు, ప్రజాప్రతినిధులు పలువురు ప్రముఖులు సైతం వ్యాక్సిన్ తీసుకుంటున్నారు. ఈ క్రమంలో సౌత్ స్టార్ హీరో మోహ‌న్ లాల్ కూడా కరోనా వ్యాక్సిన్ తీసుకున్నారు. బుధవారం కేర‌ళ‌లోని కొచ్చిలో ఓ ప్రైవేటు ఆసుపత్రికలో మోహన్ లాల్ వ్యాక్సిన్ మొదటి డోసును తీసుకున్నారు. ఈ మేరకు ట్విట్ చేసి వెల్లడించారు.

కొచ్చి న‌గ‌రంలోని అమృతా ఆసుపత్రిలో తొలి డోసు కోవిడ్ టీకా తీసుకున్నానని మోహ‌న్‌లాల్ తెలిపారు. ఈ సందర్భంగా కేంద్ర ప్రభుత్వానికి, త‌యారు చేస్తున్న, ఉత్పత్తి చేస్తున్న సంస్థలకు, వ్యాక్సినేష‌న్ డ్రైవ్‌ను నిర్వహిస్తున్న వైద్య సిబ్బందికి ఆయన ధన్యవాదాలు తెలిపారు. ఈ మేరకు ఆయన ప్రధానమంత్రి నరేంద్రమోదీ, కేరళ సీఎం పినరయి విజయన్, కేంద్రమంత్రి హర్ష వర్థన్, రాష్ట్రమంత్రి శైలజ టీచర్‌కు ట్విట్‌ను ట్యాగ్ చేశారు.

ఇదిలాఉంటే.. దేశ‌వ్యాప్తంగా కరోనావ్యాక్సిన్ తీసుకున్న వారి సంఖ్య బుధవారం ఉదయం నాటికి 2,43,67,906 చేరినట్లు కేంద్ర వైద్యఆరోగ్య శాఖ వెల్లడించింది. గ‌త 24 గంట‌ల్లో 13.5 లక్షల మందికి టీకా పంపిణీ చేసినట్లు పేర్కొంది.

Also Read:

Tollywood Heroines: టాలీవుడ్ మోస్ట్ వాంటెడ్ హీరోయిన్స్‏గా మారిన ముద్దుగుమ్మలు వీళ్లే…

తెలంగాణ పర్యాటక శాఖ బ్రాండ్ అంబాసిడర్‏గా దేత్తడి హారిక.. ముదురుతున్న వివాదం పై స్పందించిన బిగ్‏బాస్ బ్యూటీ..