విశాఖలో వింతదొంగ..అర్ధరాత్రి నగ్నంగా..

విశాఖను దిగంబర దొంగ వణికిస్తున్నాడు. ఒంటిపై బట్టల్లేకుండానే ఇళ్లల్లోకి చొరబడుతూ.. చోరీలకు పాల్పడుతన్నాడు. మర్రిపాలెం ఉడా… లే అవుట్‌లో ఒకే రోజు నాలుగు ఇళ్లల్లో చోరీలు చేసి కలకలం రేపాడు. ఇటీవల ఓ వ్యాపారి ఇంట్లో దొంగతనానికి వచ్చినప్పుడు ఈ తతంగం అంతా అక్కడి సీసీ కెమెరాల్లో రికార్డు అయ్యింది.

విశాఖపట్నం మర్రిపాలెం ఉడా లే అవుట్‌లో ఆదివారం అర్ధరాత్రి ఓ ఇంట్లోకి గుర్తుతెలియని వ్యక్తి వెనుక గేటు నుంచి లోపలికి ప్రవేశించాడు. ఒడ్డుపొడుగు, బలంగా ఉన్న ఆ వ్యక్తికి ఒంటిపై నూలుపోగు కూడా లేదు. అతడు ఇళ్లంతా తిరగడం అక్కడున్న సీసీ కెమెరాల్లో రికార్డైంది. సీసీ కెమెరాల్లో నమోదైన ఈ నగ్న దొంగ ఇళ్లలోకి చొరబడుతున్న దృశ్యాలు చూసి జనం అవాక్కయ్యారు. ఒంటి మీద బట్టలు లేకుండా.. చేతులకు మాత్రమే గ్లౌజులు వేసుకుని.. ఇళ్లపై పడుతున్నాడు ఈ మాయదారి నగ్న దొంగ.