కన్నతల్లే చంపేసింది.. వీడిన 16 రోజుల పసికందు మృతి మిస్టరీ
తూర్పు గోదావరి జిల్లాలోని సీతానగరం మండలం చిన్న కొండేపూడిలో సంచలనం సృష్టించిన 16 రోజుల పసికందు మృతి మిస్టరీ వీడింది.
Updated on: Jun 21, 2020 | 7:22 PM
తూర్పు గోదావరి జిల్లాలోని సీతానగరం మండలం చిన్న కొండేపూడిలో సంచలనం సృష్టించిన 16 రోజుల పసికందు మృతి మిస్టరీ వీడింది. కన్న తల్లి సుజననే ఆ పసికందును బావిలో పడేసినట్లు పోలీసులు గుర్తించారు. ఆమెతో పాటు మరో ఇద్దరు మహిళలు ఈ కేసులో భాగస్వామ్యం అయ్యారని.. ముగ్గురిని అరెస్ట్ చేశామని వారు వెల్లడించారు. ఆడపిల్ల పుట్టడంతో తల్లి, శిశువు అమ్మమ్మ, మరో మహిళ ఈ అఘాయిత్యానికి పాల్పడినట్లు వారు తెలిపారు.
మూడు తరాల నుంచి కుటుంబంలో ఆడపిల్లలే అవ్వడం,పెంపకం ఖర్చుతో కూడుకున్న పని కావడంతో ఈ ఘాతుకానికి పాల్పడినట్లు పోలీసులు వివరించారు. ఇందుకోసం 15 రోజులు ఆలోచించినట్లు పోలీసులు తెలిపారు. కాగా ఈ నెల 4 వ తేదీన సృజనకు ఆడపిల్లకు జన్మించగా.. 18వ తేదీన రాత్రి ఆ పసికందు అదృశ్యమైంది. దీంతో కుటుంబ సభ్యులు పోలీసులకు సమాచారం అందివ్వగా.. దర్యాప్తు చేపట్టిన వారు ఓ బావిలో పసికందు మృతదేహాన్ని కనుగొన్నారు. ఆ తరువాత విచారణలో కన్నతల్లే ఈ ఘాతుకానికి పాల్పడ్డట్లు తేలింది.
Read This Story Also: డీఎంకేను కుదిపేస్తున్న కరోనా.. మరో ఎమ్మెల్యేకు పాజిటివ్
