కర్నూలు జిల్లాలో దోపిడీ దొంగల బీభత్సం, ఏకంగా ఒక ఏరియానే టార్గెట్ చేసిన కంత్రీలు !

కర్నూలు జిల్లాలో దోపిడీ దొంగలు హల్‌చల్‌ చేశారు. ఒక ఏరియాని టార్గెట్‌గా చేసుకోని వరుస చోరీలకు పాల్పడ్డారు. కేవలం ఒక్క ప్రాంతంలోనే వరుసగా ఐదు ఇళ్లు...

Updated on: Dec 05, 2020 | 2:41 PM

కర్నూలు జిల్లాలో దోపిడీ దొంగలు హల్‌చల్‌ చేశారు. ఒక ఏరియాని టార్గెట్‌గా చేసుకోని వరుస చోరీలకు పాల్పడ్డారు. కేవలం ఒక్క ప్రాంతంలోనే వరుసగా ఐదు ఇళ్లు, ఓ చర్చీలో లూటీకి తెగబడ్డారు దుండగులు. వివరాల్లోకి వెళ్తే..నందికొట్కూరు నియోజకవర్గంలోని జూపాడు బంగ్లా మండంలంలో దొంగలు బీభత్సం సృష్టించారు. తెలుగు బాప్టిస్ట్‌ చర్చీలో దేవుడికి భక్తులు సమర్పించే కానుకల కోసం ఏర్పాటు చేసిన డబ్బాను పగలగొట్టి 2 లక్షల నగదును ఎత్తుకెళ్లారు. దీంతో చర్చ్‌ నిర్వాహకులు పోలీసులకు ఫిర్యాదు చేశారు.

నందికొట్కూరు మారుతినగర్‌లోనూ దొంగలు చేతివాటం ప్రదర్శించారు. వరుసగా ఐదు ఇళ్లల్లో దొంగతనాలకు పాల్పడ్డారు. 70 వేల నగదు, 3 తులాల బంగారం, కలర్ టీవీ ఎత్తుకెళ్లినట్లుగా బాధితులు పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు ప్రారంభించారు. వరుస చోరీలను ఛాలెంజ్‌గా తీసుకున్న పోలీసులు క్లూస్‌టీం ఆధారంగా దర్యాప్తు చేపట్టారు. త్వరలోనే దొంగలను పట్టుకుంటామని ప్రజలకు భరోసానిచ్చారు.