కరోనా వైరస్.. సామాజిక వ్యాప్తి దశలోకి రాలేదు.. కేంద్రం

ఇండియాలో కరోనా వైరస్ సామాజిక వ్యాప్తి దశలోకి రాలేదని కేంద్రం ప్రకటించింది. కేవలం లోకల్ ఔట్ బ్రేక్స్ (స్థానిక సగటు వ్యాప్తి) మాత్రమే ఉన్నట్టు వెల్లడించింది. రీకవరీ రేటు 62 శాతం ఉందని కేంద్ర మంత్రి హర్షవర్ధన్ తెలిపారు. కాగా- దేశంలో మొత్తం కేసుల సంఖ్య 7.6 లక్షలకు చేరింది. గత 24 గంటల్లో 25 వేల కేసులు నమోదు కాగా.. 487 మరణాలు సంభవించాయి. కరోనా కేసులు అత్యధికంగా ఉన్న అయిదు దేశాలతో పోలిస్తే ఇండియాలో ఈ కేసులు తక్కువగా ఉన్నాయని కేంద్రం పేర్కొంది. దేశంలో సామాజిక వ్యాప్తి దశ చేరుకోవచ్ఛునన్న ఊహాగానాలను ప్రభుత్వం ఖండించింది. ఈ విధమైన వదంతులను నమ్మరాదని కోరింది.