ఆ ఊర్లో ఒక్కరికి తప్ప అందరికీ కరోనా పాజిటివ్, సరైన జాగ్రత్తలు తీసుకోకపోతే ఫలితం ఇదే

సరైన జాగ్రత్తలు తీసుకోకపోతే కరోనా వైరస్ ఎంత ప్రమాదకరంగా విస్తరిస్తోందో..ఇప్పడు చెప్పబోయే ఉదంతం ద్వారా స్పష్టంగా మీకు అర్థమవుతుంది. హిమాచల్ ప్రదేశ్‌లోని లహౌల్ లోయలో ఉన్న థొరాంగ్ అనే ఓ చిన్న ఊరులో ఒక్కరు తప్ప మిగిలిన ప్రజలందరూ కరోనా పాజిటివ్‌గా నిర్ధారించబడ్డారు. అవును ఈ విషయాన్ని అధికారులు ధృవీకరించారు. ఇటీవల గ్రామంలో జరిగిన ఓ మతపరమైన కార్యక్రమంలో స్థానికులు  పాల్గొనడంతో అందరికీ వైరస్ వ్యాప్తి చెందినట్లు అధికారులు చెబుతున్నారు.

ఇదే గ్రామంలో నివశిస్తోన్న  52 ఏళ్ల వ్యక్తి భూషణ్ ఠాకూర్ తప్ప మిగతా అందరికీ వైరస్ సోకింది. ఆ ఊర్లోని మొత్తం 42 మందికి పరీక్షలు చేయగా… 41 మందికి పాజిటివ్‌గా నిర్ధారణ అయ్యింది. తనకు నెగటివ్ రావడంతో ఒక్కడినే వేరే గదిలో ఉంటూ వంట  చేసుకుంటున్నానని  భూషణ్ ఠాకూర్‌ చెప్పారు. ఈ గ్రామంలోని చాలా మంది చలికాలం కారణంగా కులూకి వెళ్లిపోయారని..లేకపోతే పరిస్థితి ఇంకా దారుణంగా ఉండేదని అధికారులు చెప్తున్నారు. హిమాచల్ ప్రదేశ్‌లో లహౌల్‌-స్పిటి జిల్లాలోనే భారీగా కోవిడ్ కేసులు నమోదయ్యాడు. దీంతో ఈ జిల్లాలో టూరిస్టులను అనుమతించడం లేదు.

Also Read :

వారెవ్వా.. అతడికి అదృష్టం ఆకాశం నుంచి ఊడిపడింది..ఒక్క రోజులో కోటీశ్వరుడు

పెంపుడు శునకంపై మితిమీరిన ప్రేమ..యువతి ఆత్మహత్య..అక్కడే పూడ్చిపెట్టాలంటూ..