Breaking News
  • వరద బాధితుల సహాయార్థం పెద్దఎత్తున సీఎంఆర్ఎఫ్ కి విరాళాలు: భారీ వరదల వల్ల ఇబ్బందులు ఎదుర్కొంటున్న హైదరాబాద్ నగరవాసులకు అండగా నిలిచేందుకు పలువురు ముందుకు వచ్చారు. ముఖ్యమంత్రి చంద్రశేఖర రావు గారి పిలుపు మేరకు తెలంగాణ ముఖ్యమంత్రి సహాయ నిధికి విరాళాలు అందజేశారు. కష్టకాలంలో ప్రజలను ఆదుకునేందుకు ముందుకు వచ్చి విరాళాలు ఇచ్చిన ప్రతి ఒక్కరికి మంత్రి కేటీఆర్ ప్రత్యేకంగా ధన్యవాదాలు తెలిపారు.
  • కేంద్ర హోంశాఖ సహాయ మంత్రి శ్రీ జి కిషన్ రెడ్డి గారి సందేశం: దసరా నవరాత్రి ఉత్సవాల సందర్భంగా అందరకీ నా శుభాకాంక్షలు. కనకదుర్గ అమ్మవారు అందరికీ మంచి ఆరోగ్యం, శ్రేయస్సు, సంపదలు చేకూర్చలని, కోరుకుంటున్నాను. మనందరికీ తెలుసు, కోవిడ్ -19 మహమ్మారి వల్ల, మనం క్లిష్ట పరిస్థితుల్లో జీవిస్తున్నాము. మనం ఈ మహమ్మారితో పోరాడుతూ, లక్షలాది మంది ప్రాణాలను కాపాడుకుంటున్న ఈ సమయంలో, ప్రస్తుతం ఉన్న కోవిడ్ నిబంధనలు, మన ఆరోగ్య సంరక్షణ విధానం పట్ల గురించి మనమందరం జాగ్రత్త వహించాలి.
  • కృష్ణా: జగ్గయ్యపేట పీఎస్ పరిధిలో నకిలీ పోలీస్ ముఠా గుట్టురట్టు . ముగ్గురు నకిలీ పోలీసుల అరెస్ట్ . నిందితులు శివనాగేంద్ర, వీరాంజనేయులు, గోపాలకృష్ణగా గుర్తింపు. వాహనదారులను బెదిరించి డబ్బులు వసూలకు పాల్పడుతున్న ముఠా . మద్యం స్మగ్లర్లను టార్గెట్ చేసి డబ్బులు వసూలు చేస్తున్న ముఠా .
  • అమరావతి: భారీ వర్షాలు, వరదల వల్ల రైతులు నష్టపోయారు. పంట నష్టపోయిన రైతులను ప్రభుత్వం ఆదుకోవాలి- పవన్‌ కల్యాణ్‌. రైతుల పెట్టుబడిని తక్షణమే ప్రభుత్వం చెల్లించాలి. గతంలో పంట నష్టపోయిన రైతులకు ఇప్పటికీ పరిహారం అందలేదు. త్వరగా అంచనాలు వేసి రైతులకు పరిహారం చెల్లించాలి- పవన్ కల్యాణ్ .
  • రాజశేఖర్ ఆరోగ్యం నిలకడగా వుంది. ఆయన క్రమంగా కోలుకుంటున్నారు.. అబద్ధపు వార్తల్ని నమ్మవద్దు. రాజశేఖర్‌ ఆరోగ్యం గురించి ప్రార్థించాలని అందరినీ కోరుతున్నాం. - అభిమానులకు రాజశేఖర్‌ కుటుంబం విజ్ఞప్తి.
  • బ్రెజిల్: ఆస్ట్రాజెనికా-ఆక్స్‌ఫర్డ్ ప్రయోగ పరీక్షల్లో విషాదం . కొవిడ్ టీకాతో వాలంటీరు మృతి . మూడో దశ క్లినికల్ పరీక్షల్లో వ్యాక్సిన్ వేయించుకున్న వాలంటీరు మృతి . వాలంటీరు ఎలా మృతి చెందాడో పరిశీలిస్తున్న ఆరోగ్య విభాగం . ఆక్స్‌ఫర్ట్ వర్సిటీతో కలిసి టీకాను అభివృద్ధి చేసిన ఆస్ట్రాజెనికా. వ్యాక్సిన్‌ తదుపరి పరీక్షలను కొనసాగిస్తున్న ఆస్ట్రాజెనికా. వాలంటీరు మృతి వివరాలను సమీక్షించాం. వ్యాక్సిన్ భద్రతపై అనుమానాలొద్దు. -ఆక్స్‌ఫర్డ్ ప్రతినిధి అలెగ్జాండర్ బక్స్‌టన్ .
  • ఈనెల 9న బంగారు ఆభరణాలు స్కూటీపై తీసుకెళ్తుండగా నగలు మాయం అయిన కేసును ఛేదించిన బంజారాహిల్స్ పోలీసులు. బషీర్ బాగ్ వీఎస్ గోల్డ్ నగల దుకాణం నిర్వాహకులు జూబ్లీహి ల్స్ లోని కృష్ణ పెరల్స్ ఆభరణాల షాపు లో ఓ కస్ట మర్ కోసం ఆభరణాలు తీసుకొచ్చిన సేల్స్ మెన్. వాటిని ద్విచక్రవాహనంపై తిరిగి వీఎస్ గోల్డ్ తీసుకెళుతున్న ప్రదీప్ అనే సేల్స్ మన్ బంజారాహిల్స్ లో రోడ్డుపై వరదనీటిని లో కొట్టుకుపోయిన బ్యాగ్. స్థానికులతో కలిసి బ్యాగ్ కోసం వెతికిన క్రమంలో దొరికిన ఖాళీ బ్యాగ్. బంజారాహిల్స్ పీఎస్ లో ఫిర్యాదు చేసిన యజమాని. కేసు దర్యాప్తు చేసి నలుగురు నిందితులను అరెస్ట్ చేసిన పోలీసులు. వీరినుంచి కోటి రూపాయలు బంగారు ఆభరణాలు స్వాధీనం చేసుకున్న పోలీసులు.

బిజెపికి బంద్‌గల్లా..! సెటైర్లేసిన కాంగ్రెస్..ఎలా ?

congress comedy statement, బిజెపికి బంద్‌గల్లా..! సెటైర్లేసిన కాంగ్రెస్..ఎలా ?

సుదీర్ఘ కాలం సాగిన అయోధ్య వివాదంపై సుప్రీం కోర్టు అత్యున్నత ధర్మాసనం తీర్పు వెలువరించింది. దేశంలో ప్రధాన పార్టీలు బిజెపి, కాంగ్రెస్ పార్టీలు సుప్రీం తీర్పును స్వాగతించాయి. దేశంలో మత సామరస్యం కొనసాగాలని, ఈ తీర్పుతో ఎవరు గెలిచినట్లు.. ఎవరు ఓడినట్లు భావించరాదని పిలుపునిచ్చాయి. హిందూ, ముస్లింలు భాయీ భాయీలా కలిసి వుండే లౌకిక వారసత్వం కొనసాగాలని ఆకాంక్షించాయి. ఇంత వరకు బాగానే వుంది. కానీ కాంగ్రెస్ పార్టీనే ఓ అడుగు ముందుకేసి ఓ ప్రకటన చేసింది. కాంగ్రెస్ ప్రకటనను చూసి జనం ఆశ్చర్యానికి గురయ్యారు. ఇంతకీ ఏంటా ప్రకటన ?

అయోధ్య కేసులో తీర్పు రావడంతో ఇక దేశంలో బిజెపికి ఏ అంశమూ లేదని.. ఆ పార్టీకి బంద్‌గల్లా (బంద్ గల్లా సూట్ కాదు.. గొంతు ఆగిపోయింది అన్నది కాంగ్రెస్ నేతల ఉద్దేశం) పడిందని కాంగ్రెస్ నేతలంటున్నారు. సుప్రీం తీర్పుపై స్పందించేందుకు న్యూఢిల్లీలోని ఏఐసిసి కార్యాలయంలో ఏర్పాటు చేసిన ప్రెస్ కాన్ఫరెన్స్‌లో కాంగ్రెస్ పార్ట అధికార ప్రతినిధి రణదీప్ సుర్జేవాలా మాట్లాడారు. అయోధ్య తీర్పును స్వాగతిస్తున్నామని, వివాదాస్పద స్థలంలో రామ మందిరం నిర్మించబడాలని కోరుకుంటున్నామని తెలిపారు.

అయోధ్య వివాదం సమసిపోయినందున ఇక బిజెపి మాట్లాడేందుకు అంశాలే లేవని సుర్జేవాలా అన్నారు. నిజానికి బిజెపి అయోధ్య అంశంపై జపం చేయడం మానేసి చాలా కాలమే అయ్యింది. ఆలాంటి పరిస్థితిలో రణదీప్ సుర్జేవాలా ఇలా ‘‘బిజెపికి బంద్ గల్లా’’ పడిందని వ్యాఖ్యానించడంతో ప్రెస్ కాన్ఫరెన్స్‌కు హాజరైన విలేకరులు ఆశ్చర్యపోయారట.

1987-1992 మధ్యకాలంలో బిజెపి అయోధ్య రామమందిర అంశం ఊతంగా చేసుకుని లోక్‌సభలో రెండు సీట్ల నుంచి 89 సీట్లకు ఎదిగింది. ఆ తర్వాత 1991లో అధికారం ఖాయమనుకున్న తరుణంలో రాజీవ్ గాంధీ హత్య చేయబడడంతో సానుభూతి పవనాల్లో కాంగ్రెస్ పార్టీ అధికారంలోకి వచ్చి, బిజెపి అవకాశాలపై నీళ్ళు జల్లింది. ఆ తర్వాత 1992లో అప్పటి ప్రధాని పి.వి. నరసింహారావు వ్యూహాత్మక ఉదాసీనత అయోధ్యలో వివాదాస్పద కట్టడం కూల్చివేతకు కారణమైంది.

ఆ తర్వాత బిజెపి అయోధ్య అంశంపై అడపాదడపా మాట్లాడడమే కానీ అదే ఎజెండాగా రాజకీయం చేసింది లేదు. ప్రతీ సారి ఎన్నికల్లో అయోధ్యలో మందిర నిర్మాణంపై నామమాత్రపు హామీ ఇవ్వడం తప్ప 1998-2004 మధ్య అధికారంలో వున్నప్పుడు మందిర నిర్మాణం కోసం పని చేసింది లేదు. కారణమేంమంటే.. సంకీర్ణ సర్కార్‌కు సారథ్యం వహిస్తున్నాం కాబట్టి సొంత ఎజెండా కాదు.. ఉమ్మడి ఎజెండా ప్రకారమే పని చేయాలని చెప్పుకునేవారు కమలనాథులు.

ఆ తర్వాత 2014లో బంపర్ మెజారిటీతో అధికారంలోకి వచ్చిన తర్వాత కూడా బిజెపి సారథ్యంలోని ఎన్డీయే ప్రభుత్వం అయోధ్యలో మందిర నిర్మాణం దిశగా ఎలాంటి చర్యలు తీసుకోలేదు. ప్రత్యేక చట్టం తేవడం ద్వారా రామ మందిర నిర్మాణానికి చర్యలు చేపట్టాలన్న శివసేన డిమాండ్‌ను కూడా మోదీ పట్టించుకోలేదు. కానీ రెండోసారి అధికార పగ్గాలు చేపట్టిన తర్వాత మోదీ ప్రభుత్వం మందిర నిర్మాణానికి సానుకూల పరిణామాలు కలిగేలా తెరవెనుక చక్రం తిప్పినట్లు చెప్పుకుంటున్నారు.

దాంతో అయోధ్య అంశం కేవలం తెరవెనుక మంత్రాంగానికే పరిమితమై.. ఇప్పుడు క్రెడిట్ కూడా తీసుకోలేని పరిస్థితి బిజెపిది. అలాంటి స్థితిలో కాంగ్రెస్ పార్టీ అధికార ప్రతినిధి రణదీప్ సుర్జేవాలా ఇలా అయోధ్య తీర్పుతో బిజెపి నోటికి తాళం పడినట్లయ్యిందనడం ఆశ్చర్యం కలిగించక మానదు.

Related Tags