TS Police Jobs 2022: ఉద్యోగార్థులకు అలెర్ట్‌.. పోలీస్‌ జాబ్స్‌ దరఖాస్తులకు మరికొన్ని గంటల్లో ముగియనున్న గడువు..
TSLPRB application last date 2022: మే 2 నుంచి దరఖాస్తులు ప్రక్రియ ప్రారంభం నేటితో ఆ గడువు ముగియనుంది. ఈరోజు రాత్రి 10గంటల వరకు అర్హులైన అభ్యర్థులు దరఖాస్తు చేసుకునేందుకు అవకాశం ఉంది.
TSLPRB application last date 2022: తెలంగాణలో పోలీసు శాఖలోని కానిస్టేబుల్‌, ఎస్సై పోస్టులతోపాటు ప్రత్యేక భద్రతాదళం, అగ్నిమాపక, రవాణా శాఖల్లో ఉద్యోగాల భర్తీకి తెలంగాణ స్టేట్‌ లెవల్‌ పోలీస్‌ రిక్రూట్‌మెంట్‌ బోర్డు (TSLPRB) ప్రకటన జారీ చేసిన సంగతి తెలిసిందే. మే 2 నుంచి దరఖాస్తులు ప్రక్రియ ప్రారంభం నేటితో ఆ గడువు ముగియనుంది. ఈరోజు రాత్రి 10గంటల వరకు అర్హులైన అభ్యర్థులు దరఖాస్తు చేసుకునేందుకు అవకాశం ఉంది. మొత్తం17,291 ఉద్యోగాలకు గానూ ఇప్పటి వరకు 10లక్షల మంది దరఖాస్తు చేసుకున్నట్లు తెలుస్తుంది. ఇక నిన్న (మే19) ఒక్కరోజే లక్ష మంది దరఖాస్తులు చేసుకున్నట్లు సమాచారం. ఇవాళ చివరి రోజు కావడంతో భారీగా దరఖాస్తులు వచ్చే అవకాశం ఉందని అధికారులు భావిస్తున్నారు. అర్హత గల అభ్యర్థులు https://www.tslprb.in/ వెబ్‌సైట్‌ ద్వారా దరఖాస్తు చేసుకోవాల్సి ఉంటుంది.
కానిస్టేబుల్‌ పోస్టులకు పెరిగిన పోటీ..
కాగా ఈసారి ఆరు నోటిఫికేషన్లలోని మొత్తం 17,281 పోస్టుల్లో 16,694 కానిస్టేబుల్‌ స్థాయిలోనివే కావడం గమనార్హం. మొత్తం పోస్టుల్లో అత్యధికం ఇవే కావడంతో పోటీ సైతం వీటికే నెలకొంది. ఈ పోస్టులు జిల్లా కేడర్‌కు చెందినవే కావడంతో స్థానికత అంశం కీలకంగా మారింది. కాగా ఇందులో సివిల్‌ కానిస్టేబుళ్లు 4,965, ఏఆర్‌ కానిస్టేబుళ్లు 4,424, టీఎస్‌ఎస్‌పీ బెటాలియన్‌ కానిస్టేబుళ్లు 5,010, స్పెషల్‌ పోలీస్‌ ఫోర్స్‌ 390, ఫైర్‌ 610, డ్రైవర్స్‌ 100 పోస్టులున్నాయి. ఇక ఎస్ఐ పోస్టులు 587 ఉన్నాయి.
మరిన్ని విద్యా, ఉద్యోగ వార్తల కోసం క్లిక్ చేయండి..
Also Read: