NIOS 2022 Hall Ticket: 10, 12 తరగతుల పబ్లిక్ పరీక్షల హాల్ టికెట్లు విడుదల.. పరీక్ష రోజున ఈ నిబంధనలు తప్పనిసరి!
నేషనల్ ఇన్‌స్టిట్యూట్ ఆఫ్ ఓపెన్ స్కూల్ (NIOS - 2022 April) ఈ ఏడాది నిర్వహించనున్న10,12వ తరగతి బోర్డు పరీక్షలకు సంబంధించిన హాల్ టికెట్లను శనివారం (మార్చి 5) విడుదల చేసింది..
NIOS 2022 admit cards released for class 10th and 12th: నేషనల్ ఇన్‌స్టిట్యూట్ ఆఫ్ ఓపెన్ స్కూల్ (NIOS – 2022 April) ఈ ఏడాది నిర్వహించనున్న10,12వ తరగతి బోర్డు పరీక్షలకు సంబంధించిన హాల్ టికెట్లను శనివారం (మార్చి 5) విడుదల చేసింది. సెకండరీ, సీనియర్ సెకండరీ కోర్సుల కోసం హాల్ టిక్కెట్‌లను డౌన్లోడ్ చేసుకోవడానికి విద్యార్ధులు అధికారిక వెబ్సైట్ sdmis.nios.ac.inను సందర్శించవచ్చు. కాగా NIOS 10, 12వ తరగతులకు ప్రాక్టికల్ పరీక్షలు మార్చి 14 నుంచి ప్రారంభమై మార్చి 26 వరకు జరగనున్నాయి. ఇక ఈ తరగతులకు సంబంధించిన పబ్లిక్ (థియరీ) పరీక్షలు ఏప్రిల్ 4 నుంచి ప్రారంభమవుతాయి. ఏప్రిల్ – మే 2022 పబ్లిక్ పరీక్షలకు రుసుము చెల్లించి, ఫొటో అప్‌లోడ్‌ చేసిన విద్యార్ధులకు సంబంధించిన హాల్ టికెట్లు మాత్రమే వెబ్‌సైట్‌లో అందుబాటులో ఉంటాయి. ఒక వేళ ఎవరిదైనా ఫొటో మిస్‌ అయ్యి, హాల్ టికెట్‌ జనరేట్‌ కాకపోతే వెంటనే సమీపంలోని ఎన్‌ఐఓఎస్‌ కేంద్రాన్ని సందర్శించాలని బోర్డు సూచించింది. ఇక పరీక్షా కేంద్రంలో విద్యార్థులు తప్పనిసరిగా ఫేస్ మాస్క్‌/లేదా హ్యాండ్ గ్లౌవ్స్‌ ధరించాలి. విద్యార్ధులు తమతోపాటు చిన్న శానిటైజర్ బాటిల్‌ను కూడా తీసుకెళ్లవచ్చు.
NIOS – 2022 April హాల్ టికెట్లు ఎలా డౌన్లోడ్ చేసుకోవాలంటే..
- ముందుగా అధికారిక వెబ్సైట్ sdmis.nios.ac.in.ను ఓపెన్ చెయ్యాలి.
- హోమ్‌పేజీలో కనిపించే ‘Exams & Result’ ట్యాబ్‌పై క్లిక్ చెయ్యాలి.
- డ్రాప్-డౌన్ మెను లో ‘examination’ అనే లింక్‌పై క్లిక్ చెయ్యాలి. తర్వాత ‘Public exam hall ticket (practical) March 2022’ అనే ఆప్షన్‌పై క్లిక్ చెయ్యాలి.
- ఎన్‌రోల్‌మెంట్ నంబర్‌ నమోదు చేసి సబ్‌మిట్‌ చెయ్యాలి.
- NIOS ప్రాక్టికల్ పరీక్ష హాల్ టిక్కెట్ స్క్రీన్‌పై కనిపిస్తుంది. డౌన్లోడ్ చేసుకుని, ప్రింట్‌ ఔట్‌ తీసుకోవాలి.
ఇతర పూర్తి సమాచారం కోసం క్లిక్ చెయ్యండి.
Also Read:
Attention! SSC CHSL 2022 కొలువులకు దరఖాస్తు చేసుకున్నారా? మరి కొన్ని గంటల్లో ముగియనున్న రిజిస్ట్రేషన్ ప్రక్రియ..