IOCL Recruitment: ఇండియన్‌ ఆయిల్‌ కార్పొరేషన్‌లో ఉద్యోగాలు.. దరఖాస్తుకు ముగుస్తోన్న గడువు..

IOCL Apprentice Recruitment 2022

ఇండియన్‌ ఆయిల్‌ కార్పొరేషన్‌ లిమిటెడ్‌ పలు పోస్టుల భర్తీకి నోటిఫికేషన్‌ జారీ చేసింది. ఈ భారత ప్రభుత్వ రంగ సంస్థలో మొత్తం 56 ఖాళీల భర్తీకి నోటిఫికేషన్‌ ఇది వరకే విడుదల చేశారు. ఆన్‌లైన్‌ దరఖాస్తుల స్వీకరణకు రేపటితో (10-10-2022) గడువు ముగియనున్న నేపథ్యంలో మొత్తం ఎన్ని ఖాళీలు ఉన్నాయి.? ఏయే విభాగాల్లో ఖాళీలు ఉన్నాయి? లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 56 ఖాళీలను భర్తీ చేయనున్నారు.

* వీటిలో ఇంజినీరింగ్‌ అసిస్టెంట్‌, టెక్నికల్‌ అటెండెంట్‌ పోస్టులు ఉన్నాయి.

* మెకానికల్‌, ఎలక్ట్రికల్‌, గేడ్‌ 4, ఆపరేషన్స్‌ విభాగాల్లో ఖాళీలు ఉన్నాయి.

* పైన తెలిపిన పోస్టులకు దరఖాస్తు చేసుకునే అభ్యర్థులు సంబంధిత స్పెషలైజేషన్‌లో కనీసం 55 శాతం మార్కులతో మూడేళ్ల డిప్లొమా ఉత్తీర్ణత సాధించి ఉండాలి. టెక్నికల్‌ అటెండెంట్ పోస్టులకు దరఖాస్తు చేసుకునే వారు సంబంధిత స్పెషలైజేషన్‌లో మెట్రిక్‌/ 10వ తరగతి, ఐటీఐ ఉత్తీర్ణత పొంది ఉండాలి.

* అభ్యర్థుల యసు 18 నుంచి 26 ఏళ్ల మధ్య ఉండాలి.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.

* అభ్యర్థులను రాతపరీక్ష, స్కిల్‌టెస్ట్‌/ ప్రొఫిషియన్సీ/ ఫిజికల్‌ టెస్ట్‌ ఆధారంగా ఎంపిక చేస్తారు.

* ఎంపికైన వారికి నెలకు రూ. 23,000 నుంచి రూ. 105000 వరకు చెల్లిస్తారు.

* దరఖాస్తుల స్వీకరణకు గడువు రేపటితో (10-10-2022) ముగియనుంది.

* నోటిఫికేషన్‌ కోసం క్లిక్‌ చేయండి..

* పూర్తి వివరాల కోసం క్లిక్‌ చేయండి..

మరిన్ని విద్య, ఉద్యోగ వార్తల కోసం క్లిక్‌ చేయండి..