Indian Coast Guard: చివరి అవకాశం.. ఇండియన్‌ కోస్ట్‌ గార్డ్‌ పోస్టులకు దరఖాస్తు చేసుకున్నారా.? నేటితో ముగియనున్న గడువు..
Indian Coast Guard: ఇండియన్‌ కోస్ట్‌ గార్డ్‌ యూనియన్ ఆర్మ్‌డ్‌ ఫోర్సెస్‌లో 01/ 2023 బ్యాచ్ ప్రవేశాలకు సంబంధించి పలు పోస్టుల భర్తీకి నోటిఫికేషన్‌ జారీ చేసిన విషయం తెలిసిందే. నోటిఫికేషన్‌లో భాగంగా..
Updated on: Sep 22, 2022 | 10:12 AM
Indian Coast Guard: ఇండియన్‌ కోస్ట్‌ గార్డ్‌ యూనియన్ ఆర్మ్‌డ్‌ ఫోర్సెస్‌లో 01/ 2023 బ్యాచ్ ప్రవేశాలకు సంబంధించి పలు పోస్టుల భర్తీకి నోటిఫికేషన్‌ జారీ చేసిన విషయం తెలిసిందే. నోటిఫికేషన్‌లో భాగంగా నావిక్(డొమెస్టిక్ బ్రాంచ్, జనరల్ డ్యూటీ), యాంత్రిక్ పోస్టులను భర్తీ చేయనున్నారు. ఈ పోస్టులకు కేవలం పురుష అభ్యర్థులు మాత్రమే అర్హులు. సెప్టెంబర్‌ 8న మొదలైన దరఖాస్తుల స్వీకరణ నేటితో (22-09-2022)తో ముగియనున్న నేపథ్యంలో ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..
భర్తీచేయనున్న ఖాళీలు, అర్హతలు..
* నోటిఫికేషన్‌లో భాగంగా మొత్తం 300 ఖాళీలను భర్తీ చేయనున్నారు.
* వీటిలో నావిక్(జనరల్ డ్యూటీ) (225), నావిక్(డొమెస్టిక్ బ్రాంచ్) (40), యాంత్రిక్(మెకానికల్) (16), యాంత్రిక్(ఎలక్ట్రికల్) (10), యాంత్రిక్(ఎలక్ట్రానిక్స్) (09) ఖాళీలను భర్తీ చేయనున్నారు.
* పైనత తెలిపిన పోస్టులకు దరఖాస్తు చేసుకునే అభ్యర్థులు పదో తరగతి, 10+2(మ్యాథ్స్ & ఫిజిక్స్), డిప్లొమా (ఎలక్ట్రికల్/ మెకానికల్/ ఎలక్ట్రానిక్స్ & టెలికమ్యూనికేషన్ (రేడియో/ పవర్)) ఇంజినీరింగ్ ఉత్తీర్ణత సాధించి ఉండాలి.
* అభ్యర్థుల వయసు 18 నుంచి 22 ఏళ్ల మధ్య ఉండాలి.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.
* అభ్యర్థులను రాత పరీక్ష, ఫిజికల్ ఫిట్‌నెస్ టెస్ట్, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు.
* నావిక్ పోస్టులకు ఎంపికైన వారికి బేసిక్‌ పేగా రూ. 21,700, యాంత్రిక్ పోస్టులకు ఎంపికైన వారికి నెలకు రూ. 29,200 చెల్లిస్తారు.
* దరఖాస్తు ఫీజుగా రూ. 250 చెల్లించాల్సి ఉంటుంది. ఎస్సీ, ఎస్టీ అభ్యర్థులకు దరఖాస్తు రుసుము చెల్లింపు నుంచి మినహాయింపు ఉంటుంది.
* దరఖాస్తుల స్వీకరణ ప్రక్రియ నేటితో (22-09-2022) ముగియనుంది.
* నోటిఫికేషన్‌ కోసం క్లిక్ చేయండి..
* పూర్తి వివరాల కోసం క్లిక్ చేయండి..
మరిన్ని విద్య, ఉద్యోగ వార్తల కోసం క్లిక్ చేయండి..
