ఇంటర్ విద్యార్ధులకు అలర్ట్.. నేటి నుంచే పబ్లిక్ పరీక్షల 2027 ఫీజు చెల్లింపులు షురూ! వారమే గడువు
రాష్ట్ర ఆంధ్రప్రదేశ్ ఇంటర్మీడియట్ పబ్లిక్ పరీక్షలు మార్చి 2027కు సంబంధించిన పరీక్ష ఫీజు చెల్లింపు షెడ్యూల్ను ఇంటర్ విద్యామండలి విడుదల చేసింది. సెప్టెంబర్ 24 నుంచి అక్టోబర్ 29 వరకు ఎలాంటి అపరాధ రుసుము లేకుండా ఫీజు చెల్లించవచ్చు. అక్టోబర్ 30 నుంచి నవంబర్ 10 వరకు రూ.1,000 ఫైన్తో చెల్లించే అవకాశం ఉంది. మొదటి, రెండో సంవత్సరం థియరీ పరీక్షలకు ఒక్కో ఏడాదికి రూ.600గా ఫీజును నిర్ణయించారు..
Updated on: Sep 24, 2026 | 2:47 PM
అమరావతి, సెప్టెం బర్ 24: ఆంధ్రప్రదేశ్ ఇంటర్మీడియట్ పబ్లిక్ పరీక్షలు మార్చి 2027కు సంబంధించిన పరీక్ష ఫీజు చెల్లింపు షెడ్యూల్ను ఇంటర్మీడియట్ విద్యామండలి విడుదల చేసింది. రెగ్యులర్ విద్యార్థులతో పాటు గతంలో పరీక్షల్లో ఉత్తీర్ణత సాధించని జనరల్, ఒకేషనల్ విద్యార్థులు కూడా ఈ అవకాశాన్ని వినియోగించుకోవచ్చు. సెప్టెంబర్ 24 నుంచి అక్టోబర్ 29 వరకు ఎలాంటి అపరాధ రుసుము లేకుండా విద్యార్థులు తమ కళాశాలల ద్వారా పరీక్ష ఫీజు చెల్లించవచ్చు. అక్టోబర్ 30 నుంచి నవంబర్ 10 వరకు రూ.1,000 అపరాధ రుసుముతో ఫీజు చెల్లించే అవకాశం కల్పించారు. నవంబర్ 10 తర్వాత గడువు పొడిగింపు ఉండదని బోర్డు స్పష్టం చేసింది.
ఫీజు వివరాలు ఇలా..
మొదటి, రెండో సంవత్సరం విద్యార్థులకు థియరీ పరీక్ష ఫీజును ఒక్కో సంవత్సరానికి రూ.600గా నిర్ణయించారు. రెండు సంవత్సరాల పరీక్షలకు హాజరయ్యే విద్యార్థులు మొత్తం రూ.1,200 చెల్లించాల్సి ఉంటుంది. ప్రాక్టికల్ పరీక్షలకు రూ.275, బ్రిడ్జ్ కోర్సు సబ్జెక్టులకు రూ.165, రెండో సంవత్సరం వృత్తివిద్య బ్రిడ్జ్ కోర్సు ప్రాక్టికల్స్కు రూ.275గా ఫీజును నిర్ణయించారు. విద్యార్థులు చివరి తేదీ వరకు వేచి ఉండకుండా ముందుగానే పరీక్ష ఫీజు చెల్లించాలని ఇంటర్మీడియట్ విద్యామండలి అధికారులు సూచించారు. నిర్ణీత గడువులోపు ఫీజు చెల్లించి పరీక్షలకు సిద్ధం కావాలని తెలిపారు.
