Zomato IPO: మార్కెట్లో జొమాటో ఐపీఓ దూకుడు.. మొదటి రెండు గంటల్లోనే 36 శాతం సబ్స్ట్రిప్షన్లు.. తొలి రోజు ఎంతంటే..
తొలి రోజే జొమాటో ఐపీఓకు మంచి క్రేజ్ లభించింది. కేవలం మొదటి రెండు గంటల వ్యవధిలో 36 శాతం సబ్స్ట్రిప్షన్లు పూర్తయినట్లు స్టాక్ ఎక్స్ఛేంజీల వద్ద లభించిన డేటా చెబుతోంది. బుధవారమే (జులై 14) జొమాటో ఐపోఓకు వచ్చింది.
తొలి రోజే జొమాటో ఐపీఓకు మంచి క్రేజ్ లభించింది. కేవలం మొదటి రెండు గంటల వ్యవధిలో 36 శాతం సబ్స్ట్రిప్షన్లు పూర్తయినట్లు స్టాక్ ఎక్స్ఛేంజీల వద్ద లభించిన డేటా చెబుతోంది. బుధవారమే (జులై 14) జొమాటో ఐపోఓకు వచ్చింది. జులై 16న ఐపీఓ ముగియనుంది. మొత్తం 71.92 కోట్ల షేర్లు ఇష్యూకు ఉంచగా.. 26.10 కోట్ల షేర్లకు బిడ్లు దాఖలైనట్లు స్టాక్ మార్కెట్ల వద్ద లభ్యమైన లెక్కలు చెబుతున్నాయి.
వ్యక్తిగత రిటైల్ ఇన్వెస్టర్లకు మొత్తం 12.95 కోట్ల షేర్లు రిజర్వు చేయగా.. 1.91 రెట్ల బిడ్లు అధికంగా దాఖలైనట్లు తెలిసింది. బుధవారం మధ్యాహ్నం 1:30 వరకు 24.76 కోట్ల షేర్లకు బిడ్లు వచ్చినట్లు డేటా పేర్కొంది. నాన్ ఇన్స్టిట్యూషనల్ ఇన్వెస్టర్లకోసం రిజర్వు చేసిన వాటా కన్నా 7 శాతం అధికంగా బిడ్లు వచ్చినట్లు వెల్లడైంది.యాంకర్ ఇన్వెస్టర్ల నుంచీ భారీగా బిడ్లు..ఐపీఓకు ముందు రోజు (జూన్ 13) నాటికి యాంకర్ ఇన్వెస్టర్ల నుంచి 35 రెట్లు ఎక్కువ బిడ్లు పొందింది జొమాటో. ఒక్కో షేరుకు రూ.72-76గా ధర నిర్ణయించారు.
ప్రారంభ వాటా అమ్మకం కంటే ముందు 186 యాంకర్ పెట్టుబడిదారుల నుంచి రూ.4,196 కోట్లకు పైగా వసూలు చేసినట్లు జొమాటో తెలిపింది. లావాదేవీల పరిమాణాన్ని రూ.4,196.51 కోట్లకు కలిపి యాంకర్ ఇన్వెస్టర్లకు 55,21,73,505 ఈక్విటీ షేర్లను కేటాయించాలని నిర్ణయించినట్లు బీఎస్ఈ సర్క్యులర్లో తెలిపింది.
ప్రధాన యాంకర్ ఇన్వెస్టర్లుబ్లాక్రాక్, టైగర్ గ్లోబల్ ఇన్వెస్ట్మెంట్స్ ఫండ్, ఫిడిలిటీ, న్యూ వరల్డ్ ఫండ్ ఇంక్, జేపీ మోర్గాన్, మోర్గాన్ స్టాన్లీ ఆసియా (సింగపూర్) పిటి-ఓడీఐ, గోల్డ్మన్ సాచ్స్ (సింగపూర్) పిటి-ఓడీఐ, టిరో, కెనడా పెన్షన్ ప్లాన్ ఇన్వెస్ట్మెంట్ బోర్డు, సింగపూర్ ప్రభుత్వం, మానిటరీ అథారిటీ ఆఫ్ సింగపూర్, అబుదాబి ఇన్వెస్ట్మెంట్ అథారిటీ జొమాటోలోని యాంకర్ పెట్టుబడిదారుల్లో ఉన్నారు.