మీరు ఇంట్లో డబ్బు దాచుకుంటే.. వేరే చోట మీ డబ్బు పోతుంది! అది ఎలాగంటే..?

Women With Money

మహిళలు ఆర్థికంగా స్వతంత్రులుగా మారుతున్నారు. కానీ ఇప్పటికీ వారిలో చాలామంది తమ సంపాదనను లేదా ఇంటి డబ్బును ఒక పెట్టెలో దాచుకుంటారు. ఈ డబ్బు కష్ట సమయాల్లో బయటకు వస్తుంది. ఒక వేళ మీరు కూడా అలానే ఇంట్లో డబ్బు దాచుకుంటూ ఉంటే.. వేరే చోట మీకు రావాల్సిన డబ్బు మీరు నష్టపోతున్నట్లే. ఇంట్లో దాచుకునే డబ్బును వేరే చోటు పెట్టుబడి పెడితే.. దానిపై వడ్డీ వస్తుంది. అలా ఇన్వెస్ట్‌ చేయకుండా ఇంట్లోనే పెట్టుకునే.. మీకు రావాల్సిన డబ్బులు నష్టపోతున్నట్లే కదా. మరి ఎక్కడ పెట్టుబడి పెడితే మీ డబ్బు పెరుగుతుందో ఇప్పుడు చూద్దాం.. మహిళల కోసం చాలా మంచి పెట్టుబడి పథకాలు ఉన్నాయి. వివిధ ప్రభుత్వ, ప్రైవేట్‌ పొదుపు పథకాలలో పెట్టుబడి పెట్టడం వల్ల వారి డబ్బు పెరుగుతుంది. వారు మంచి రాబడిని కూడా పొందుతారు. ఈ పథకాలపై మహిళలు పన్ను ప్రయోజనాలను కూడా పొందుతారు.

సుకన్య సమృద్ధి యోజన

బాలికల విద్య, వివాహం, భవిష్యత్తును భద్రపరచడానికి ఈ పథకం ప్రారంభించబడింది. ఈ పథకం 10 సంవత్సరాల కంటే తక్కువ వయస్సు ఉన్న బాలికల కోసం. ఈ పథకం కింద వారి పేరుతో ఒక ఖాతాను తెరవవచ్చు. ఈ పథకం కింద, మహిళలకు సంవత్సరానికి 8.2 శాతం వడ్డీ లభిస్తుంది. సెక్షన్ 80C కింద పెట్టుబడిదారులకు పన్ను ప్రయోజనాలు లభిస్తాయి. దీర్ఘకాలిక పెట్టుబడికి ఇది మంచి ఎంపికగా పరిగణించబడుతుంది.

పోస్టల్ మహిళా సమ్మాన్

2023 బడ్జెట్ తర్వాత మహిళా సమ్మాన్ పొదుపు పథకం అమల్లోకి వచ్చింది. ఈ పథకం రెండేళ్ల కాలానికి వర్తిస్తుంది. ఈ కాలంలో డిపాజిట్ చేసిన మొత్తంపై మంచి వడ్డీ లభిస్తుంది. ఈ పథకం సాధారణ పొదుపు పథకాల కంటే మెరుగైన రాబడిని అందిస్తుంది. మహిళలు తమ ఆర్థిక లక్ష్యాలను సాధించడంలో సహాయపడుతుంది. ఈ పథకంలో కనీసం రూ. 1000 నుండి రూ. 2 లక్షల వరకు పెట్టుబడి పెట్టవచ్చు.

సీనియర్ మహిళలు, బ్యాంక్ FD

సీనియర్ మహిళలకు 60 ఏళ్లు పైబడిన మహిళలకు ఫిక్స్‌డ్ డిపాజిట్లు (FDలు) మంచి ఎంపిక. ఇవి సాధారణ FDల కంటే 0.50 శాతం ఎక్కువ వడ్డీని అందిస్తాయి. సీనియర్ సిటిజన్స్ సేవింగ్స్ స్కీమ్ అయిన SCSS కూడా అధిక వడ్డీ రేట్లను అందిస్తుంది. ఇది హామీ వడ్డీతో పాటు భద్రతను అందిస్తుంది.

మరిన్ని బిజినెస్‌ వార్తల కోసం ఇక్కడ క్లిక్‌ చేయండి