CIBIL Score: రుణం సులభంగా పొందాలంటే సిబిల్‌ స్కోర్‌ ఎంత ఉండాలి?

దేశంలో రుణాలు తీసుకునేవారి సంఖ్య పెరిగిపోతోంది. బ్యాంకు రుణం కావాలంటే ముందుగా క్రెడిట్‌ స్కోర్‌ ఉండటం మంచిది. లేకుంటే రుణం అందే అవకాశాలు చాలా తక్కువ. చాలా మంది ఆర్థిక పరిస్థితుల కారణంగా అప్పులు పెరగడంతో బాకీలు తీర్చలేని పరిస్థితి నెలకొంటుంది. దీంతో క్రెడిట్ స్కోర్‌ కూడా పడిపోతుంటుంది. బ్యాంకుల నుంచి, క్రెడిట్‌ కార్డుల నుంచి తీసుకున్న రుణాలు సరైన సమయంలో చెల్లించకుంటే స్కోర్‌ దెబ్బతింటుంది. దీంతో రుణం అందే పరిస్థితి ఉండదు. ఇలాంటి పరిస్థితిలో మీ క్రెడిట్ లేదా CIBIL స్కోర్‌ను బలంగా ఉంచుకోవడం చాలా ముఖ్యం.

మంచి క్రెడిట్ స్కోర్ అంటే ఏమిటి?

క్రెడిట్ స్కోర్‌ 300 నుండి 900 వరకు ఉంటుంది. క్రెడిట్ స్కోర్ నివేదికలను తయారు చేసే భారతదేశంలోని నాలుగు క్రెడిట్ బ్యూరోలలో TransUnion CIBIL ఒకటి. CIBIL స్కోర్ లేదా క్రెడిట్ స్కోర్ 900కి దగ్గరగా ఉంటే మంచిది. రుణాలు తీసుకోవడం చాలా సులభం. 300 -549 మధ్య స్కోరు ఉంటే బ్యాడ్‌ స్కోర్‌గా పరిగణిస్తారు. అంటే రుణాలు అందే అవకాశం ఉండదు. 550 – 700 మధ్య స్కోరు కొంత నయమే.

ఒకేసారి అనేక రుణాలు తీసుకోవద్దు

నిర్ణీత వ్యవధిలో తీసుకున్న రుణాల సంఖ్యను కనిష్టంగా ఉంచడానికి ప్రయత్నించండి. ఒకేసారి చాలా రుణాలు తీసుకుని సమయానికి ఏ ఒక్క రుణం చెల్లించకున్నా స్కోర్‌ పడిపోయే అవకాశం ఉంది. తక్కువ స్కోర్‌ను నివారించడానికి ఒక రుణాన్ని చెల్లించి, మరొక రుణాన్ని తీసుకోండి. మీరు ఒకేసారి అనేక రుణాలు తీసుకుంటే, మీరు తగినంత డబ్బు లేక ఇబ్బందుల్లో పడవచ్చు. దీంతో మీ క్రెడిట్‌ చరిత్ర పడిపోతుంది. మీరు రుణం తీసుకొని విజయవంతంగా తిరిగి చెల్లిస్తే, మీ క్రెడిట్ స్కోర్ మరింత పెరుగుతుంది.

దీర్ఘకాలిక రుణం తీసుకోండి

మీరు లోన్ తీసుకున్నప్పుడల్లా ఎక్కువ కాలం తిరిగి చెల్లించే వ్యవధిని ఎంచుకోవడానికి ప్రయత్నించండి. ఇది మీ EMIలు తక్కువగా ఉన్నాయని నిర్ధారిస్తుంది. తద్వారా మీరు సకాలంలో తిరిగి చెల్లించవచ్చు. మీరు EMI చెల్లింపులను ఆలస్యం చేయకుండా లేదా డిఫాల్ట్ చేయనప్పుడు మీ క్రెడిట్ స్కోర్ మెరుగుపడుతుంది.

EMIలను సకాలంలో చెల్లించండి

మీ బకాయి రుణాలను చెల్లించడం మీ క్రెడిట్ స్కోర్‌పై గణనీయమైన ప్రభావాన్ని చూపుతుంది. అటువంటి పరిస్థితిలో మీరు EMI చెల్లింపుల్లో నిర్లక్ష్యం చేయవద్దు. EMI చెల్లింపులలో జాప్యం చేసినట్లయితే మీ స్కోర్ పడిపోవడమే కాకుండా పెనాల్టీలు భరించాల్సి ఉంటుంది.

పాత క్రెడిట్ కార్డ్‌లను యాక్టివ్‌గా ఉంచండి

మీరు పాత క్రెడిట్ కార్డ్‌లను కలిగి ఉన్నట్లయితే, మీరు మీ బిల్లులను సకాలంలో చెల్లించగలిగినంత కాలం వాటిని ఉంచుకోవాలి. ఇది ఘనమైన మరియు సుదీర్ఘమైన క్రెడిట్ చరిత్రను నిర్మించడంలో మీకు సహాయం చేస్తుంది. ఇది భవిష్యత్తులో మంచి క్రెడిట్ స్కోర్‌ను ఉండేందుకు ఉపయోగపడుతుంది. మీ క్రెడిట్‌ కార్డు బిల్లు సమయానికి చెల్లించకుండా స్కోర్‌ దెబ్బతింటుంది. అలాంటి సమయంలో వాటిని ఈఎంఐలుగా మార్చే ప్రయత్నం చేయండి. ఇలా చేసినా మీ స్కోర్‌ పడిపోకుండా మెరుగయ్యే అవకాశం ఉంటుంది.

ఇది కూడా చదవండి: BSNL: ప్రైవేట్‌ టెలికాం కంపెనీలకు దడ పుట్టిస్తున్న బీఎస్‌ఎన్‌ఎల్‌ నుంచి 4 ప్లాన్స్‌!

మరిన్ని బిజినెస్ వార్తల కోసం ఇక్కడ క్లిక్ చేయండి