Trump: భారత్‌లో ఐఫోన్ల తయారీపై సంచలన వ్యాఖ్యలు చేసిన ట్రంప్‌

అమెరికా అధ్యక్షుడు డొనాల్డ్ ట్రంప్ భారత్ తో పాటు ఇతర దేశాల్లోలో ఫోన్ల తయారీపై సంచలన వ్యాఖ్యలు చేశారు. ఆపిల్ సీఈఓ టిమ్ కుక్ కు మరో హెచ్చరిక చేశారు. అమెరికాలో విక్రయించే ఐఫోన్లు భారతదేశంలో లేదా మరే ఇతర దేశంలో కాకుండా అమెరికాలోనే తయారు కావాలని, లేకుంటే కనీసం 25% సుంకం చెల్లించాల్సి ఉంటుందని అన్నారు. ట్రూత్ సోషల్‌లో ఒక పోస్ట్‌లో, అమెరికా అధ్యక్షుడు ఇలాంటి వ్యాఖ్యలు చేశారు.

గత వారం భారతదేశంలో ప్లాంట్ నిర్మించడానికి కుక్‌ నిర్ణయాన్ని ట్రంప్‌ వ్యతిరేకించిన విషయం తెలిసిందే. అయితే నిన్న టిమ్ కుక్ తో నాకు కొంచెం ఇబ్బందిగా ఉందని ట్రంప్ అన్నారు. ఆపిల్ భారతదేశం అంతటా ఉత్పత్తి చేస్తున్నారు. మీరు భారతదేశంలో తయారు చేయకూడదని నేను కోరుకుంటున్నాను అని అన్నారు. ఆపిల్ తన ఐఫోన్‌లలో ఎక్కువ భాగాన్ని చైనాలో తయారు చేస్తుంది. అలాగే USలో స్మార్ట్‌ఫోన్ ఉత్పత్తి లేదు. మార్చి వరకు 12 నెలల్లో ఆపిల్ భారతదేశంలో $22 బిలియన్ల విలువైన ఐఫోన్‌లను అసెంబుల్ చేసింది. గత సంవత్సరం కంటే ఉత్పత్తిని దాదాపు 60% పెంచింది.

ఆ కంపెనీ $2.56 బిలియన్లను పెట్టుబడి:

మీడియా నివేదికల ప్రకారం.. ఆపిల్ కంపెనీ తన దేవనహళ్లి ప్లాంట్‌లో $2.56 బిలియన్లు పెట్టుబడి పెట్టనుంది. ఇది దేవనహళ్లిలోని దొడ్డగొల్లహళ్లి, చప్పరదహళ్లి గ్రామాలలో విస్తరించి ఉంది. ఇది బెంగళూరులోని కెంపెగౌడ అంతర్జాతీయ విమానాశ్రయం నుండి 34 కి.మీ దూరంలో ఉంది. ఈ ఏడాది డిసెంబర్ 2025 నాటికి 100,000 ఐఫోన్ తయారీ లక్ష్యంగా పెట్టుకుంది.

గణాంకాలు ఏం చెబుతున్నాయి?

ఎస్‌అండ్‌పి గ్లోబల్ ప్రకారం.. 2024లో USలో ఐఫోన్ అమ్మకాలు 75.9 మిలియన్ యూనిట్లుగా ఉన్నాయి. వీటిలో భారతదేశం నుండి ఎగుమతులు మార్చిలో 31 లక్షల యూనిట్లుగా ఉన్నాయి. గత ఆర్థిక సంవత్సరంలో భారతదేశం నుండి రూ.1.5 లక్షల కోట్ల విలువైన ఐఫోన్లు ఎగుమతి అయ్యాయని కేంద్ర ఎలక్ట్రానిక్స్ మంత్రి అశ్విని వైష్ణవ్ ఏప్రిల్‌లో ప్రకటించారు.

భారతదేశ ఐఫోన్లు అమెరికాలో అమ్మకాలు:

తైవాన్ కంపెనీ ఫాక్స్‌కాన్, భారతీయ కంపెనీ టాటా ఎలక్ట్రానిక్స్ భారతదేశంలో ఆపిల్ ఐఫోన్‌లను తయారు చేస్తాయి. జూన్ త్రైమాసికంలో అమెరికాలో అమ్ముడైన ఐఫోన్లలో ఎక్కువ భాగం భారతదేశంలోనే తయారవుతాయని ఆపిల్ సీఈఓ టిమ్ కుక్ ఇటీవల కంపెనీ త్రైమాసిక ఫలితాల తర్వాత అన్నారు.

మరిన్ని బిజినెస్ వార్తల కోసం ఇక్కడ క్లిక్ చేయండి