Tomato Price Hike: రూ.140కి చేరిన టమోటా ధర.. రేట్ల పెంపుపై రాహుల్‌ గాంధీ ట్వీట్‌

Tomato Price Hike

టమోట ధరలు సామాన్యులకు చుక్కలు చూపిస్తున్నాయి. సాధారణంగా కిలోకు రూ.30 నుంచి రూ.40 ఉండే టమోటా ధర ఇప్పుడు ఏకంగా రూ.120 నుంచి రూ.140 వరకు ఎగబాకింది. ధరలు పెరగడంతో సామాన్యుడికి పెను భారంగా మారింది. ప్రతి వంటకాల్లో వినియోగించే టమోటాను ఇప్పుడు కొనుగోలు చేయాలంటేనే భయపడే పరిస్థితి వచ్చింది. ఆహారంలో ఉపయోగపడే ఈ రోజువారీ టమోటా ఇప్పుడు మిమ్మల్ని ద్రవ్యోల్బణంతో కన్నీళ్లు పెట్టిస్తోంది. నిన్న టమోటా ధర రూ. 100 దాటింది. ఇప్పుడు ఏకంగా రూ.120 నుంచి రూ.140 వరకు పలుకుతోంది. అయితే ఈ రోజు చాలా నగరాల నుంచి దాని రేటు రూ. 140కి చేరుకుందని నివేదికలు వస్తున్నాయి. వర్షం కారణంగా టమోటాలు సరఫరా కాకపోవడంతో ప్రజలు అధిక ధర చెల్లించి కొనుగోలు చేయాల్సి వస్తోంది. టమోట ధరపై కాంగ్రెస్‌ నేత రాహుల్ గాంధీ ట్వీట్‌ చేశారు. టమోట ధర రూ.140 పలకడం జోక్ అని ట్వీట్ చేశారు. టమాటా ధర రూ.140కి చేరిందని, ఇదేనా అమృత్‌కాలా అని ఆయన ఆగ్రహం వ్యక్తం చేశారు.

టమోటా ధరలు పెరిగినా రైతులకు ప్రయోజనం లేదు:

దేశంలోని చాలా మంది టమోటా రైతులు తమ పంటకు సరైన ధర లభించక పోవడంతో టమోటాలను రోడ్డుపై పడేస్తున్న ఘటనలు చూసే ఉంటాము. అప్పట్లో వారి పరిస్థితి దారుణంగా ఉండేదని, నేడు టమాటా సెంచరీ సాధించే స్థాయికి చేరుకోగా, దళారులు లాభాన్ని లాగేసుకోవడం వల్ల రైతులకు ప్రయోజనం కలగడం లేదు.  రిటైల్ మార్కెట్‌లో మీడియం క్వాలిటీ టొమాటో కిలోకు రూ.100 వరకు, సఫాల్ స్టోర్‌లో కిలో రూ.78 వరకు అమ్ముడవుతోంది. ఈ రెండు రకాలు మధ్యస్థ నాణ్యతతో ఉంటాయి. టాప్ క్వాలిటీ టమోటా ధర మాత్రం ఇంకా అధికంగానే ఉంది.

ముంబైలో నిరంతరాయంగా కురుస్తున్న వర్షాల కారణంగా కూరగాయల ధరలు ఆకాశాన్నంటడంతో పాటు టమాటా ధరలు భారీగా పెరిగాయి. ముంబైలోని బైకుల్లా కూరగాయల మార్కెట్‌లోనూ కిలో ధర రూ.100 దాటింది. ఉత్తరప్రదేశ్ రాజధాని లక్నోలో, అలంకరణ వస్తువుల వంటి దుకాణాలలో టమోటాలు కూడా లభిస్తాయి. ఎందుకంటే వారం రోజుల క్రితం కిలో రూ.20 ఉన్న టమాటా ఇప్పుడు రూ.120కి చేరువైంది.

మరిన్ని బిజినెస్ వార్తల కోసం ఇక్కడ క్లిక్ చేయండి