ఫోన్ ఉన్న ప్రతి ఒక్కరూ ఈ విషయం తప్పక తెలుసుకోండి.. లేకపోతే నష్టపోవడం గ్యారెంటీ..
ఫోన్ మొబైల్ ఫోన్ వాడుతున్నారా..? అయితే మీరు తప్పక తెలుసుకోవాలి.. ప్రీపెయిడ్ లేదా పోస్ట్పెయిడ్.. ఏది బెస్ట్ అనే కన్ఫ్యూజన్ మీకు ఉందా? ముందు డబ్బు కట్టి వాడే ప్రీపెయిడ్ వల్ల లాభాలేంటి? వాడిన తర్వాత బిల్లు కట్టే పోస్ట్పెయిడ్తో ఎలాంటి బెనిఫిట్స్ ఉన్నాయి? అనే విషయాలను ఈ స్టోరీలో తెలుసుకుందాం..
ఈ రోజుల్లో ఫోన్ రీఛార్జ్ అంటే రకరకాల ప్లాన్లు అందుబాటులో ఉన్నాయి. ముఖ్యంగా ప్రీపెయిడ్, పోస్ట్పెయిడ్లలో ఏది ఎంచుకోవాలో తెలియక చాలామంది కన్ఫ్యూజ్ అవుతుంటారు.
మీ అవసరాలు, బడ్జెట్కు సరిపోయే సరైన ప్లాన్ను ఎంచుకోవడం చాలా ముఖ్యం. మీ కన్ఫ్యూజ్ ను తొలగించే ఈ రెండు రకాల ప్లాన్ల మధ్య తేడాల గురించి ఈ స్టోరీలో తెలుసుకుందాం..
ప్రీపెయిడ్ Vs పోస్ట్పెయిడ్: ముఖ్యమైన తేడాలు
ఈ రెండు ప్లాన్ల మధ్య ప్రధాన వ్యత్యాసం వాటి చెల్లింపు విధానంలో ఉంది:
ప్రీపెయిడ్ ప్లాన్లు: మీరు ముందుగా చెల్లించి, ఆ తర్వాతే సేవలను ఉపయోగించుకోవాలి. మీ ఖర్చుపై మీకు పూర్తి నియంత్రణ ఉంటుంది.
పోస్ట్పెయిడ్ ప్లాన్లు: మీరు ముందుగా సేవలను ఉపయోగించుకుని.. ఆ తర్వాత నెల నెలాఖరులో బిల్లు చెల్లించాలి.
ప్రీపెయిడ్ ప్లాన్ను ఎంచుకోవడానికి కారణాలు
మీ మొబైల్ వినియోగం తక్కువగా ఉండి, ఖర్చుపై నియంత్రణ కావాలనుకునేవారికి ప్రీపెయిడ్ ప్లాన్ బెస్ట్ ఆప్షన్.
ఖర్చు నియంత్రణ: మీరు ఎంత ఖర్చు చేయాలనుకుంటున్నారో మీరే నిర్ణయించుకోవచ్చు. ఊహించని అధిక బిల్లుల ఆందోళన ఉండదు.
తక్కువ వినియోగం: మీరు ఇంటర్నెట్, కాల్స్ తక్కువగా ఉపయోగిస్తుంటే లేదా పరిమిత ఇంటర్నెట్ వినియోగం కలిగి ఉంటే ఇది అనుకూలం.
సౌలభ్యం: మీకు అవసరమైన ఏ సమయంలోనైనా రీఛార్జ్ చేసుకోవచ్చు. బిల్లుల ఇబ్బంది ఉండదు.
ఫ్లెక్సిబిలిటీ: మీ అవసరాల ఆధారంగా ఇంటర్నెట్-మాత్రమే లేదా కాలింగ్-మాత్రమే ప్లాన్లను ఎంచుకోవచ్చు.
ఎగ్జిట్ సులభం: మీరు ఇకపై సేవ ఉపయోగించకూడదనుకుంటే, రీఛార్జ్ చేయడం ఆపివేయవచ్చు. ఎటువంటి బిల్లులు చెల్లించాల్సిన అవసరం లేదు.
పోస్ట్పెయిడ్ ప్లాన్తో లాభాలు
ఎక్కువ మొబైల్ వాడకం ఉన్నవారికి, స్థిరమైన బిల్లింగ్, అదనపు ప్రయోజనాలు కోరుకునే వారికి పోస్ట్పెయిడ్ ప్లాన్లు ప్రయోజనకరం.
స్థిరమైన బిల్లింగ్: ప్రతి నెలాఖరులో మీ వినియోగానికి సంబంధించిన ఒకే బిల్లు చెల్లిస్తారు.
అధిక డేటా-కాలింగ్: ఇవి తరచుగా తక్కువ ధరలకు అధిక డేటా, కాలింగ్ ప్యాక్లను అందిస్తాయి.
డేటా ఆందోళన ఉండదు: డేటా అయిపోతుందనే ఆందోళన చెందాల్సిన అవసరం లేదు. మీకు కావలసినంత డేటాను ఉపయోగించుకోవచ్చు
అదనపు సేవలు: పోస్ట్పెయిడ్ ప్లాన్లు తరచుగా అంతర్జాతీయ రోమింగ్, అలాగే నెట్ఫ్లిక్స్ లేదా అమెజాన్ ప్రైమ్ వంటి స్ట్రీమింగ్ సబ్స్క్రిప్షన్లను కలిపి అందిస్తాయి.
మీకు ఏ ప్లాన్ బెస్ట్..?
మీ రోజువారీ అలవాట్లు, బడ్జెట్ ఆధారంగా సరైన ఎంపిక చేసుకోవచ్చు:
ప్రీపెయిడ్ : మీరు మీ ఖర్చులను నియంత్రించుకోవాలనుకుంటే, నెలవారీ బిల్లుల చిక్కులు వద్దు అనుకుంటే, మీ వినియోగం తక్కువగా ఉంటే, ప్రీపెయిడ్ సరైన ఎంపిక.
పోస్ట్పెయిడ్ : మీరు మొబైల్ అధికంగా వినియోగిస్తే.. డేటా అయిపోతుందనే చింత లేకుండా నిరంతరం సేవలతో పాటు స్థిరమైన నెలవారీ బిల్లును కోరుకుంటే, పోస్ట్పెయిడ్ మంచిది.
మీరు చేసే కాల్స్, ఎంత డేటా ఉపయోగిస్తారు, మీ బడ్జెట్ ఎంత అనే అంశాలను దృష్టిలో ఉంచుకుని ప్లాన్ను ఎంచుకోండి. సరైన ప్లాన్ ఎంపిక మీ జేబుకు, మీ అవసరాలకు సౌకర్యాన్ని అందిస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి