PM Vaya Vandana Scheme: మోడీ సర్కార్‌ అద్భుతమైన స్కీమ్‌.. ఇందులో చేరితే ఏడాదికి రూ.51 వేలు

Pm Vaya Vandana Scheme

దేశంలో మోడీ ప్రభుత్వం అన్ని రంగాల వారికి ఉపయోగపడే పథకాలను ప్రవేశపెడుతోంది. పెన్షన్‌దారులకు పెన్షన్‌ స్కీమ్‌ను కూడా ప్రవేశపెట్టింది. ప్రధాన మంత్రి వయ వందన యోజనను అమలు చేస్తోంది. ఈ పథకం కింద లబ్ధిదారునికి పింఛను హామీ ఇవ్వబడుతుంది. ఈ పథకాన్ని కేంద్ర ప్రభుత్వం 26 మే 2020న ప్రారంభించింది. మీరు కూడా ఈ పథకం ప్రయోజనాన్ని పొందాలనుకుంటే ఈ స్కీమ్ కోసం 31 మార్చి 2023లోపు దరఖాస్తు చేసుకోవచ్చు. 60 ఏళ్లు నిండిన తర్వాత భార్యాభర్తలిద్దరూ ఈ పథకం కింద పెన్షన్ తీసుకోవచ్చు.

వయ వందన యోజన అంటే ఏమిటి?

ప్రధాన మంత్రి వయ వందన యోజన ఒక సామాజిక భద్రతా పథకం. దీని కింద దరఖాస్తుదారునికి వార్షిక, త్రైమాసిక లేదా నెలవారీ పెన్షన్ ఇవ్వాలని నిబంధన ఉంది. భారత ప్రభుత్వం తీసుకువచ్చిన ఈ పథకాన్ని లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్‌ఐసీ) నిర్వహిస్తుంది. 60 ఏళ్లు లేదా అంతకంటే ఎక్కువ వయస్సు ఉన్న వ్యక్తులు ఈ పథకంలో అర్హులు. ఈ పథకం కింద వారు గరిష్టంగా రూ.15 లక్షల వరకు పెట్టుబడి పెట్టవచ్చు. ఇంతకుముందు ఈ పథకంలో కేవలం రూ. 7.5 లక్షలు మాత్రమే ఉండేది. తర్వాత ఈ మొత్తాన్ని డబుల్‌ చేసింది కేంద్రం. ఈ ప్లాన్‌పై సీనియర్ సిటిజన్‌లు ఎక్కువ ఆసక్తి చూపుతారు.

ఏడాదికి 51 వేల రూపాయలు:

భార్యాభర్తలిద్దరూ ఈ పథకంపై వార్షిక వడ్డీ 7.40 శాతం ఇవ్వబడుతుంది. పెట్టుబడిదారుడి వార్షిక పెన్షన్ రూ.51 వేలు అవుతుంది. మీరు ఈ పెన్షన్‌ను నెలవారీగా తీసుకోవాలనుకుంటే ప్రతి నెలా మీకు పెన్షన్‌గా రూ.4100 అందుతుంది. ప్రతి నెల రూ.1,000 పెన్షన్ పొందడానికి మీరు రూ.1.62 లక్షలు పెట్టుబడి పెట్టాలి. ఈ పథకం కింద గరిష్టంగా రూ.9250 పెన్షన్ పొందవచ్చు. అయితే దీని కోసం మీరు రూ.15 లక్షలు పెట్టుబడి పెట్టాలి.

10 సంవత్సరాల తర్వాత పూర్తి డబ్బు:

ఈ పథకంలో మీ పెట్టుబడి 10 సంవత్సరాలు. మీకు 10 సంవత్సరాల పాటు వార్షిక లేదా నెలవారీ పెన్షన్ ఇవ్వబడుతుంది. మీరు ఈ పథకంలో 10 సంవత్సరాల పాటు కొనసాగితే తర్వాత మీ పెట్టుబడి మీకు తిరిగి వస్తుంది. మీరు ఎప్పుడైనా ఈ ప్లాన్‌లో సరెండర్ చేయవచ్చు. దీనిపై పూర్తి వివరాలు కావాలంటే సమీపంలో ఉన్న బ్యాంకుల్లో గానీ, పోస్టాఫీసుల్లో గానీ తెలుసుకోవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి