Post Office Nominee: పోస్టాఫీసుల్లో నామినీ పేరు చేర్చకుంటే ఎలాంటి ఇబ్బందులు వస్తాయి..?
Post Office Nominee: ఒకప్పుడు ఉత్తరాలకే పరిమితమైన పోస్టాఫీసులు.. ఇప్పుడు బ్యాంకుల మాదిరిగానే వివిధ రకాల సేవలు అందిస్తున్నాయి. కేంద్ర ప్రభుత్వం ప్రవేశపెట్టిన పథకాలను..
Post Office Nominee: ఒకప్పుడు ఉత్తరాలకే పరిమితమైన పోస్టాఫీసులు.. ఇప్పుడు బ్యాంకుల మాదిరిగానే వివిధ రకాల సేవలు అందిస్తున్నాయి. కేంద్ర ప్రభుత్వం ప్రవేశపెట్టిన పథకాలను సైతం అందిస్తోంది. పోస్టాఫీసుల్లో వివిధ రకాల స్కీమ్లు సైతం అందుబాటులో ఉన్నాయి. అయితే సేవింగ్స్ అకౌంట్ ఓపెన్ చేసే కస్టమర్లు నామినీ పేరును తప్పనిసరిగా నమోదు చేయాల్సి ఉంటుంది. ఎందుకంటే ఖాతాదారుడు ఏదైనా కారణంగా మరణించినట్లయితే ఖాతాలో జమ చేసిన మొత్తం నామినీకి ఇవ్వబడుతుంది. అకౌంట్ తెరిచే ముందు ఫారమ్ పూరించేటప్పుడు నామినీ పేరును చేర్చడం తప్పనిసరి. ఈ పేరు నమోదు చేయకుంటే క్లెయిమ్ సమయంలో ఇబ్బందులు ఎదుర్కొవాల్సిన పరిస్థితి వస్తుంది.
నామినీ లేకపోతే ఏమి చేయాలి?
పోస్టాఫీసు సేవింగ్స్ ఖాతాలో నామినీ లేకుంటే 5 లక్షల లోపు మొత్తానికి ప్రత్యేక నిబంధన పెట్టారు. దీని ప్రకారం ఎవరైనా ఖాతాలో రూ.5 లక్షల లోపు డిపాజిట్ ఉండి ఏదైనా కారణంగా ఖాతాదారుడు మరణిస్తే అందుకు సంబంధించిన మరణ ధృవీకరణ పత్రాన్ని పోస్టాఫీసుల్లో అందించాల్సి ఉంటుంది. తర్వాత క్లెయిమ్ ఫారమ్ను పూరించి అపిడవిట్, కేవైసీ తదితర పత్రాలు అందించాల్సి ఉంటుంది. మీరు ఇచ్చిన పత్రాలన్ని పోస్టల్ అధికారులు పరిశీలిస్తారు. మీ క్లెయిమ్ ఫారాన్ని క్రాస్ చెక్ చేసి క్లెయిమ్ చేస్తారు.
రూ.5 లక్షల కంటే ఎక్కువ మొత్తం ఉంటే..
మీ ఖాతాలో రూ. 5 లక్షల కంటే ఎక్కువ జమ అయినట్లయితే, మీరు వారసత్వ ధృవీకరణ పత్రాన్ని సమర్పించడం చాలా ముఖ్యం. ఈ సర్టిఫికేట్ ద్వారా మీరు ఖాతాదారునికి నిజమైన వారసుడని నిరూపించుకోవాల్సి ఉంటుంది. తర్వాత మీరు పైన పేర్కొన్న మిగిలిన పత్రాలను కూడా సమర్పించాలి. ఖాతాలో జమ చేసిన డబ్బుకు క్లెయిమ్ చేసుకునే అవకాశం ఉంటుంది. అందుకే ఖాతా ఓపెన్ చేసే ముందు నామినీ పేరును చేర్చడం తప్పనిసరి. ఒక వేళ నామినీ పేరు చేర్చనట్లయితే ఇబ్బందులు ఎదుర్కొవాల్సి ఉంటుంది. ఏవైనా సందేహాలుంటే ముందుగానే పోస్టల్ సిబ్బందిని వివరాలన్ని అడిగి తెలుసుకోవడం మంచిది.
మరిన్ని బిజినెస్ వార్తల కోసం ఇక్కడ క్లిక్ చేయండి