Chat GPT: చాట్‌ జీపీటీతో సంపాదించుకునే అవకాశం.. ఈ ఆదాయ మార్గాలతో సాధ్యం
ప్రపంచంలో ఏ రంగంలో వచ్చిన ఆవిష్కరణలైన కొత్త కొత్త ఉద్యోగావకాశాలను అందిస్తాయని వివరిస్తున్నారు. ఈ నేపథ్యంలో చాట్‌ జీపీటీ ఉపయోగించి ఎలా సంపాదించుకోవాలో? వివరిస్తున్నారు. చాట్‌ జీపీటీ నుంచి సంపాదించుకోవాలంటే ముందుగా మీరు చాట్‌ ఎలా పనిచేస్తుందో? అర్థం చేసుకోవాలి. చాట్‌ జీపీటీ అనేది వివిధ రకాల పనులను సాధించగల ఒక ఉత్పాదక ఏఐ ప్లాట్‌ఫారమ్. ఇందులో చాట్‌బాట్ సంభాషణాత్మకమైన దాదాపు మన భాషని నిర్వహించే సామర్థ్యంతో వస్తుంది.
Srinu |
Updated on: Jan 18, 2024 | 10:30 AM
2022లో ప్రారంభమైన చాట్‌ జీపీటీ టెక్నాలజీ రంగంలో విప్లవాత్మక మార్పులను సృష్టించింది. ముఖ్యంగా సాఫ్ట్‌వేర్‌ రంగంలో చాట్‌ జీపీటీకు సంబంధించిన ఏఐ వల్ల ఉద్యోగావకాశాలు పోతాయని చాలా మంది భయపడ్డారు. అయితే భయాందోళనలు ఎలా ఉన్నా చాట్‌ జీపీటీ సంపదను సృష్టించుకోవచ్చని పలువురు నిపుణులు చెబుతున్నారు. ప్రపంచంలో ఏ రంగంలో వచ్చిన ఆవిష్కరణలైన కొత్త కొత్త ఉద్యోగావకాశాలను అందిస్తాయని వివరిస్తున్నారు. ఈ నేపథ్యంలో చాట్‌ జీపీటీ ఉపయోగించి ఎలా సంపాదించుకోవాలో? వివరిస్తున్నారు. చాట్‌ జీపీటీ నుంచి సంపాదించుకోవాలంటే ముందుగా మీరు చాట్‌ ఎలా పనిచేస్తుందో? అర్థం చేసుకోవాలి. చాట్‌ జీపీటీ అనేది వివిధ రకాల పనులను సాధించగల ఒక ఉత్పాదక ఏఐ ప్లాట్‌ఫారమ్. ఇందులో చాట్‌బాట్ సంభాషణాత్మకమైన దాదాపు మన భాషని నిర్వహించే సామర్థ్యంతో వస్తుంది. ఇది టెక్స్ట్‌ను వివరించడం, మీ ప్రశ్నలకు సమాధానమివ్వడం వంటి పనులను నిర్వహిస్తుంది. ఈ నేపథ్యంలో చాట్‌ జీపీటీ ద్వారా నిపుణులు తెలిపే ఐదు ఆదాయ మార్గాల గురించి ఓ సారి తెలుసుకుందాం.
ప్రమోషన్‌
ప్రస్తుతం చేస్తున్న ఉద్యోగంలో ప్రమోషన్లతో పాటు అదనపు వేతనం గురించి చాట్‌ జీపీటీను ఆశ్రయించవచ్చు. ముఖ్యంగా మన పనికి సంబంధించిన సమస్యలను చాట్‌ జీపీటీ ద్వారా పరిష్కరించి మెరుగైన వర్క్‌ ఉత్పాదకతను అందించవచ్చు. ముఖ్యంగా ప్రెజెంటేషన్ కోసం మీకు అవుట్‌లైన్ ఇవ్వమని, మీ ప్రమోషన్‌కు అవసరమైన సంబంధిత నైపుణ్యాలను సూచించమని, మీరు కొనసాగిస్తున్న పాత్రకు సంబంధించిన ఇంటర్వ్యూ ప్రశ్నలను అందించమని చాట్‌ జీపీటీను అడగడం ద్వారా మీరు మేలు పొందవచ్చు.
బిజినెస్ ఐడియాలు
చాట్‌జీపీటీ మీరు కొత్త ఆలోచనలు చేసేలా సహాయపడే ఉపయోగకరమైన సాధనం. ముఖ్యంగా ఇటీవల కాలంలో ఏయే వ్యాపారాల ద్వారా అధిక లాభాలను పొందుతున్నారు? లేదా మంచి బిజినెస్ ఐడియా గురించి చాట్‌ జీపీటీను ప్రశ్నలు అడగడం ద్వారా మీరు ఆదాయ మార్గాలను అన్వేషించుకోవచ్చు.
చాట్‌ జీపీటీ స్టోర్
కొత్తగా విడుదల చేసిన జీపీటీ స్టోర్ కస్టమ్ జీపీటీల డెవలపర్‌లను అనుమతించే సదుపాయాన్ని కలిగి ఉంది. వారి క్రియేషన్‌లను మానిటైజ్ చేయడం ద్వారా మంచి ఆదాయాన్ని సంపాదించవచ్చు. ఓపెన్‌ ఏఐ మార్గదర్శకాలను అనుసరించడం, మీరు ఎంచుకున్న మార్కెట్‌లోని చాలా మంది వ్యక్తులకు అప్పీల్ అవుతుందని మీకు తెలిసిన అవసరానికి సమాధానమిచ్చే కస్టమ్ జీపీటీ సృష్టించడం, సెట్టింగ్‌లను “అందరికీ” సెట్ చేయడం ద్వారా మీరు మేలు పొందవచ్చు.
కంటెంట్
బ్లాగింగ్, స్వీయ ప్రచారంతో పాటు మార్కెటింగ్ మెటీరియల్ వంటి ప్రయోజనాల కోసం ఒకరి వ్యక్తిగత బ్రాండ్ వెబ్‌సైట్ కాపీని స్థాపించడం వంటి ప్రయోజనాల కోసం కంటెంట్‌ను అభివృద్ధి చేసేటప్పుడు సమయాన్ని తగ్గించడంతో పాటు సృజనాత్మకతను పెంచడంలో చాట్‌ జీపీటీ చాలా సహాయంగా ఉంటుంది. ఈ చర్యలు మీ వ్యక్తిగత బ్రాండ్, సేవలకు సంభావ్య కస్టమర్‌లను ఆకర్షించడంలో సహాయపడుతుంది. దానికి అనుగుణంగా మీ ఆదాయం కూడా పెరుగుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
