Home Loans: పండుగ సీజన్లో హోమ్ లోన్స్పై ఆఫర్ల పంట.. లోన్ పొందే ముందు ఈ జాగ్రత్తలు తప్పనిసరి
ముఖ్యంగా ఈ సీజన్లో బిల్డర్లు, రియల్ ఎస్టేట్ డెవలపర్లు తరచుగా గృహ కొనుగోలుదారులకు వివిధ రకాల తగ్గింపులను అందిస్తారు. ఈ తరహా చర్యలు గణనీయమైన ఖర్చును పొదుపు చేసతాయి. ప్రాపర్టీ ధరల తగ్గుదలతో పాటు బ్యాంకుల ఫీజులు రద్దు, అలాగే ఈఎంఐల పొడిగింపులను అందిస్తాయి. అందువల్ల ఈ చర్యలు ముందస్తు, దీర్ఘకాలిక ఆర్థిక ప్రయోజనాలకు దోహదపడతాయని నిపుణులు సూచన. అయితే ఈ ఆఫర్లపై ఎంత ఆసక్తి కనబరిచినా గృహ రుణాలను పొందే విషయంలో కొన్ని విషయాల్లో జాగ్రత్తగా ఉండాలని పేర్కొంటున్నారు.
భారతదేశంలో పండుగల సీజన్ హవా నడుస్తుంది. కాబట్టి ప్రస్తుత సీజన్లో వివిధ వ్యాపారులు తమ వ్యాపారాన్ని పెంచుకునేందుకు వివిధ ఆఫర్లు ప్రకటిస్తూ ఉంటారు. ముఖ్యంగా బ్యాంకులు వివిధ లోన్స్పై వడ్డీ రేట్లపై ప్రత్యేక ఆఫర్లు ఇస్తూ ఉంటాయి. అందువల్ల సొంతింటి కలను నెరవేర్చుకునే వారు ఈ పండుగ ఆఫర్లను ఉపయోగించుకోవడం చాలా మంచిదని నిపుణులు సూచిస్తున్నారు. ముఖ్యంగా ఈ సీజన్లో బిల్డర్లు, రియల్ ఎస్టేట్ డెవలపర్లు తరచుగా గృహ కొనుగోలుదారులకు వివిధ రకాల తగ్గింపులను అందిస్తారు. ఈ తరహా చర్యలు గణనీయమైన ఖర్చును పొదుపు చేసతాయి. ప్రాపర్టీ ధరల తగ్గుదలతో పాటు బ్యాంకుల ఫీజులు రద్దు, అలాగే ఈఎంఐల పొడిగింపులను అందిస్తాయి. అందువల్ల ఈ చర్యలు ముందస్తు, దీర్ఘకాలిక ఆర్థిక ప్రయోజనాలకు దోహదపడతాయని నిపుణులు సూచన. అయితే ఈ ఆఫర్లపై ఎంత ఆసక్తి కనబరిచినా గృహ రుణాలను పొందే విషయంలో కొన్ని విషయాల్లో జాగ్రత్తగా ఉండాలని పేర్కొంటున్నారు. కాబట్టి పండుగ సీజన్లో గృహ రుణాలను పొందేటప్పుడు ఎలాం జాగ్రత్తలు తీసుకోవాలో? ఓ సారి తెలుసుకుందాం.
వడ్డీ రేట్లు
పండుగల సీజన్లో బ్యాంకులు ఆర్థిక సంస్థలు గృహ రుణాలపై వడ్డీ రేట్లను తగ్గించి గృహ కొనుగోలుదారులకు సువర్ణావకాశాన్ని అందిస్తాయి. ఈ తగ్గించబడిన రేట్లు తనఖా తిరిగి చెల్లింపులపై గణనీయమైన దీర్ఘకాలిక పొదుపుగా మారతాయి. వడ్డీ రేటులో స్వల్ప శాతం తగ్గుదల కూడా రుణంలో వేల రూపాయలను ఆదా చేస్తుంది.
పరిశోధన
ఈ సీజన్లో అమ్మకందారులు రాయితీలు ఇవ్వడానికి లేదా ధర, నిబంధనలపై చర్చలు జరపడానికి ఎక్కువ మొగ్గు చూపుతారు. కాబట్టి అనుకూలమైన ఒప్పందాన్ని పొందే అవకాశాలను పెంచడం వల్ల చర్చలకు సానుకూల వాతావరణాన్ని సృష్టించవచ్చు. ఈ పండుగ సీజన్లో ఇంటిని కొనుగోలు చేసేటప్పుడు క్షుణ్ణంగా పరిశోధన చేయడం, మీ ఆర్థిక పరిస్థితిని పరిగణనలోకి తీసుకోవడం మరియు మీకు ఆసక్తి ఉన్న ఆస్తులను జాగ్రత్తగా విశ్లేషించడం చాలా ముఖ్యం.
ఆఫర్ల తనిఖీ
పండుగ సీజన్లో ఆర్థిక సంస్థలు తరచుగా ప్రత్యేక గృహ రుణ ఆఫర్లను అందజేస్తాయి. కొనుగోలుదారులకు ప్రయోజనకరమైన నిబంధనలను అందజేస్తాయి. వీటిలో తగ్గిన వడ్డీ రేట్లతో పాటు పొడిగించిన రీపేమెంట్ కాలపరిమితి లేదా ప్రాసెసింగ్ ఫీజుల తగ్గింపు ఉంటాయి. ఈ ప్రోత్సాహకాలను పొందడం వల్ల మీ ఇంటి కొనుగోలుకు ఫైనాన్సింగ్ స్థోమత గణనీయంగా పెరుగుతుంది.
పన్ను ప్రయోజనాలు
వివిధ ప్రమాణాలపై ఆధారపడి మీరు అనేక పన్ను ప్రయోజనాలను పొందవచ్చు. ప్రత్యేకించి మొదటిసారిగా గృహ కొనుగోలుదారులు లేదా మహిళా గృహ కొనుగోలుదారులు తమ పన్ను సలహాదారుతో క్షుణ్ణంగా సంప్రదిస్తే పన్ను మినహాయింపులు లభిస్తాయి. ఈ సీజనల్ ఆఫర్లు ఇంటిని కొనుగోలు చేసే ఆర్థిక భారాన్ని తగ్గించడమే కాకుండా దీర్ఘకాలంలో ఒకరి పెట్టుబడిపై గరిష్ట రాబడిని పొందే అవకాశాన్ని కూడా కల్పిస్తాయి.
మరిన్ని బిజినెస్ న్యూస్ కోసం