Maruti Suzuki: కొత్త ఎడిషన్‌ కార్లు.. ప్రీమియం ఫీచర్లతో.. కలలో కూడా ఊహించిన ధరలకు..

మన దేశంలో మారుతి సుజుకీ కార్లకు మంచి డిమాండ్‌ ఉంటుంది. వినియోగదారులు వీటినే ఎక్కువగా కొనుగోలు చేస్తుంటారు. దీంతో అ‍త్యధికంగా సేల్స్‌ రాబడుతున్న సంస్థగా మారుతి సుజుకీ నిలుస్తోంది. కాగా మారుతీ సుజుకి ఇండియా లిమిటెడ్ తన ప్రసిద్ధ అరేనా మోడళ్లతో కూడిన ‘డ్రీమ్ సిరీస్ ఎడిషన్’ను విడుదల చేసింది. వీటిల్లో మూడు మోడళ్లను అప్‌ గ్రేడ్‌ చేసింది. అల్టో కే10, సెలెరియో, ఎస్‌-ప్రెస్సో ఉన్నాయి. ఈ కొత్త వెర్షన్‌లో ప్రీమియం ఫీచర్లు ఉన్నాయి. తక్కువ ధరలో ఈ ప్రీమియం ఫీచర్లను అందించనున్నట్లు కంపెనీ ప్రకటించింది. ముఖ్యంగా భద్రత, యుటిలిటీ వంటి ఇంతర అంశాలను కొత్త మోడళ్లలో జోడించినట్లు కంపెనీ వెల్లడించింది. స్పెషల్ ఎడిషన్ మారుతి సుజుకి సెలెరియో డ్రీమ్ సిరీస్ కారు ఎల్‌ఎక్స్‌ఐ వేరియంట్ ఆధారంగా రూపొందింది. ఇంతలో, ఆల్టో కే10 మరియు ఎస్‌-ప్రెస్సో డ్రీమ్ ఎడిషన్లు రెండూ సంబంధిత మోడళ్ల వీఎక్స్‌ఐ ప్లస్‌ వేరియంట్లపై ఆధారపడి ఉంటాయి. ఈ మోడళ్లన్నీ రూ. 4.99 లక్షలు (ఎక్స్-షోరూమ్) నుంచి ప్రారంభమవుతాయి.

మారుతి సుజుకి ఆల్టో కే10 డ్రీమ్ సిరీస్..

డ్రీమ్ సిరీస్ హ్యాచ్‌బ్యాక్‌ వీఎక్స్‌ఐ ప్లస్‌ వేరియంట్‌ ఆధారంగా రూపొందింది. దీని అసలు ధర రూ. 5.35 లక్షలు (ఎక్స్-షోరూమ్). ఈ కారు రివర్స్ పార్కింగ్ కెమెరా, భద్రతా వ్యవస్థ వంటి అనేక ఫీచర్లతో వస్తుంది. వినియోగదారులు మోడల్ కొనుగోలుపై ఇతర ప్రయోజనాలతో పాటు ఉపకరణాలపై తగ్గింపులను కూడా పొందవచ్చు.

మారుతి సుజుకి ఎస్‌-ప్రెస్సో డ్రీమ్ సిరీస్..

ఎస్‌-ప్రెస్సో కూడా వీఎక్స్‌ఐ ప్లస్‌ వేరియంట్‌ ఆధారంగా రూపొందింది. బయట కారు వీల్ ఆర్మ్స్ లపై మ్యాట్ బ్లాక్ క్లాడింగ్, వెనుక, సైడ్ స్కిడ్ ప్లేట్లు, సిల్వర్ బాడీ సైడ్ మోల్డింగ్, గ్రిల్, బ్యాక్ కోసం క్రోమ్ గార్నిష్ వంటి లక్షణాలను కందుతుంది. లోపలి భాగంలో, కారు రివర్స్ పార్కింగ్ కెమెరా, సెక్యూరిటీ సిస్టమ్, ఒక జత స్పీకర్లు, ఇంటీరియర్ ఫైలింగ్ కిట్, మరిన్నింటిని పొందుతుంది.

మారుతి సుజుకి సెలెరియో డ్రీమ్ సిరీస్..

సెలెరియో భారతీయ మార్కెట్లో అమ్ముడవుతున్న అత్యంత సరసమైన హ్యాచ్‌ బ్యాక్‌లలో ఒకటి. డ్రీమ్ సిరీస్ ఎడిషన్లోని కారు ఎల్‌ఎక్స్‌ఐ వేరియంట్ ఆధారంగా రూపొందింది. ఈ ఎడిషన్లో, కారు రివర్స్ పార్కింగ్ కెమెరా, ఒక జత స్పీకర్లను పొందుతుంది.

మరిన్ని బిజినెస్ వార్తల కోసం ఇక్కడ క్లిక్ చేయండి..