Maruti Alto K10 CNG: మారుతి సుజుకి ఆల్టో నుంచి సీఎన్‌జీ మోడల్‌.. పూర్తి వివరాలు

Maruti Alto K10 Cng

Maruti Alto K10 CNG: భారతదేశపు అతిపెద్ద కార్ల కంపెనీ మారుతీ సుజుకి ఇటీవల ఆల్టో కె10 కొత్త మోడల్‌ను విడుదల చేసింది. మార్కెట్‌లో దీని ఎక్స్-షోరూమ్ ధర రూ. 3.99 లక్షల నుండి ప్రారంభమవుతుంది. నివేదికల ప్రకారం.. మారుతి సుజుకి కొత్త ఆల్టో కె10 సిఎన్‌జి మోడల్‌ను కూడా వస్తోంది. సెలెరియోతో కూడిన 1.0-L K10C ఇంజన్ రాబోయే CNG మోడల్‌లో చూడవచ్చు. కొత్త ఆల్టో కె10 సిఎన్‌జి కారు కిలోకి 35కిమీ మైలేజీని ఇవ్వగలదు. అదే జరిగితే రాబోయే CNG కారు భారతదేశంలో అత్యంత ఇంధన సామర్థ్యం కలిగిన CNG హ్యాచ్‌బ్యాక్‌లలో ఒకటి అవుతుంది. ఆల్టో K10 పెట్రోల్ వేరియంట్ 24.39kmpl మైలేజీని ARAI ధృవీకరించింది. మరోవైపు రాబోయే Alto K10 CNG కారు మైలేజ్ 35km/kg గా ఉంటుంది. ఆటో వెబ్‌సైట్ గాడివాడి ప్రకారం కొత్త ఆల్టో కె10 సిఎన్‌జి ధర ప్రస్తుత ఆల్టో కె10 మోడల్ కంటే లక్ష రూపాయలకుపైగా ఉండవచ్చని తెలుస్తోంది.

మారుతి సుజుకీ తన లైనప్‌ని పెంచుకోవాలని భావిస్తోంది. రాబోయే కొద్ది నెలల్లో కంపెనీ కొత్త బ్రెజ్జా, బాలెనో CNG మోడల్‌లను కూడా విడుదల చేయనున్నట్లు తెలుస్తోంది. ఆల్టో K10 CNG మోడల్‌ను ప్రారంభించడంతో మారుతి సుజుకి CNG పోర్ట్‌ఫోలియో చాలా బలంగా మారుతుంది. ప్రస్తుతం మారుతి సుజుకి Celerio CNG, Wagon R CNG, Alto 800 CNG, S-Presso CNG, Swift CNG, Dzire CNG, Eco CNG మరియు Ertinga వంటి CNG మోడళ్లను అందిస్తోంది. ఆల్టో కె10 సిఎన్‌జి భారతదేశంలో విడుదలైతే అది టాటా టియాగో సిఎన్‌జికి నేరుగా పోటీపడుతుంది. అదే సమయంలో రాబోయే CNG కారు S-Presso CNG, Wagon R CNG, సెలెరియో CNG వంటి మారుతి సుజుకి ఇతర ఖరీదైన CNG కార్లతో పోటీపడుతుంది.

మరిన్ని బిజినెస్ వార్తల కోసం ఇక్కడ క్లిక్ చేయండి