Buy A House: సొంతింటి కలను నిజం చేసుకుంటున్నారా? ఇల్లు కొనే సమయంలో ఈ తప్పులు చేశారో? ఇక అంతే

Home Loan

Follow us on

సొంత ఇల్లు అనేది ఈ దేశంలో ప్రతి ఒక్కరి కల. భారతదేశం అంటే భారీ జనాభాతో ఉన్న విశాలమైన దేశం. అయితే ఈ దేశంలో చాలా మందికి సొంతిల్లు అనేది ఓ కలగా ఉంటుంది. ముఖ్యంగా దేశంలో నివాసయోగ్యమైన భూములు తక్కువగా ఉంటాయి. ఇలాంటి పరిస్థితుల్లో హోం లోన్  ద్వారా ఇంటిని కొనుగోలు చేసేటప్పుడు మనం నివారించాల్సిన తప్పుల గురించి ఓ సారి తెలుసుకుందాం.

ఇల్లు కొనుగోలు చేసేటప్పుడు గుర్తుంచుకోవాల్సిన విషయాలివే

• ఇంటిని కొనుగోలు చేసే సమయంలో రుణానికి సంబంధించిన ప్రాథమిక ఆమోదం లేదా ముందస్తు ఆమోదం పొందడం చాలా ముఖ్యం. ఎందుకంటే ఇది ఇల్లు, తనఖా కోసం బడ్జెట్‌ను నిర్ణయించడంలో మీకు సహాయపడుతుంది. అలాగే మీకు అవసరమైన ధరలోనే ఇంటిని కొనుగోలు చేయడంలో ఈ బడ్జెట్ సాయం చేస్తుంది. 
• ఏ బ్యాంకు తక్కువ వడ్డీతో రుణం అందిస్తుందో? తనిఖీ చేయాలి. ఎందుకంటే ఇది మీకు ఖర్చును ఆదా చేయడంలో సహాయపడుతుంది. 
• ఇంటి కొనుగోలుకు రియల్ ఎస్టేట్ ఏజెంట్‌‌తో సాయం పొందడం, అలాగే నిపుణుల నుండి సహాయం, సలహా తీసుకోవడం మంచిది. ఇలా చేయడం వల్ల మార్కెట్ ఒడిదుడుకుల నుంచి కొనుగోలు సమయంలో రక్షణ పొందుతారు.
• భావోద్వేగానికి అనుగుణంగా ఇంటి కోసం ఎప్పుడూ కొనుగోలు చేయకూడదు. మీరు ప్రాపర్టీని కొనుగోలు చేయడంలో ఎంత సీరియస్‌గా ఉన్నారో? ఆఫర్ చేసే ముందు ఆస్తి ఎంత బాగుంటుందో ఎల్లప్పుడూ ఆలోచించాలి. 
• ఇంటి లోపల డిజైన్‌ను చూసి ఎక్కువ వెచ్చించి ఇంటిని కొనుగోలు చేయకూడదు. మనం ఇల్లు కొనుగోలు చేసిన తర్వాత కూడా మనం ఇంటీరియర్ డెకరేట్ చేయించుకోవచ్చనే విషయాన్ని గుర్తుంచుకోవాలి. 
• ఇంటిని కొనుగోలు చేసే ముందు లొకేషన్, ఇరుగుపొరుగు, సమీపంలోని రవాణా సౌకర్యాలు, అవసరమైన దుకాణాలు ఎంత సమీపంలో ఉన్నాయి వంటి ప్రాథమిక వివరాలను సరి చూసుకోవాలి.
• ఇల్లు కొనాలని నిర్ణయించుకునే ముందు మీ క్రెడిట్ స్కోర్‌ను ఎల్లప్పుడూ చెక్ చేసుకోవాలి. మీరు క్రెడిట్ స్కోర్‌ను తనిఖీ చేయకుంటే అది మీ లోన్ ఆమోదంపై ప్రభావాన్ని చూపే తనిఖీ చేయని ఎర్రర్‌లకు దారి తీస్తుంది. క్రెడిట్ స్కోర్ తక్కువగా ఉంటే రుణ వడ్డీ రేట్లు అధికంగా ఉంటాయి. 
• కొనుగోలు చేయడానికి ఇంటిని ఎంచుకునే ముందు ఎల్లప్పుడూ ఇంటిని తనిఖీ చేయడానికి ఒక ప్రొఫెషనల్‌ని నియమించుకోండి. ఇంటి గురించి మీరు పట్టించుకోని అనేక విషయాలను గమనించడంలో వారు మీకు సాయం చేస్తారు.
• ఇంటికి చెల్లింపులు చేసేటప్పుడు మీ పొదుపు మొత్తాన్ని ఎప్పుడూ ఖర్చు చేయకూడదు. మీరు మీ పొదుపు మొత్తాన్ని ఉపయోగించి ఇంటిని కొనుగోలు చేస్తే అత్యవసర పరిస్థితుల్లో మీరు మరిన్ని సమస్యల్లో పడతారు. 

మరిన్ని బిజినెస్ వార్తల కోసం ఇక్కడ క్లిక్ చేయండి