ITR Filing: ఐటీఆర్ ఫైలింగ్ తేదీని జులై 31 తర్వాత పొడిగిస్తారా? క్లారిటీ ఇచ్చిన ఆదాయపు పన్ను శాఖ..

Itr Filing

ITR Filing Deadline: ఆదాయపు పన్ను రిటర్న్ ( ఐటీఆర్ ) దాఖలుకు చివరి తేదీ జులై 31తో ముగియనుంది. మీరు పన్ను పరిధిలోకి వచ్చి ఇంకా ITR ఫైల్ చేయకుంటే, వెంటనే ఈ పనిని పూర్తి చేయండి. గడువు తేదీ తర్వాత మీరు ITR ఫైల్ చేస్తే , మీరు జరిమానా చెల్లించవలసి ఉంటుంది. అందువల్ల, ఆదాయపు పన్ను శాఖ ఎప్పటికప్పుడు పన్ను చెల్లింపుదారులను సమయానికి ఐటీఆర్ ఫైల్ చేయమని కోరుతోంది. ప్రతిసారీ లాగానే ఈ ఏడాది కూడా ప్రభుత్వం గడువు పెంచుతుందని ప్రజలు భావిస్తున్నారు. దీనికి సంబంధించి ఆదాయపన్ను శాఖ సమాచారం ఇచ్చింది.

జులై 31 నాటికి దాదాపు ఏడు కోట్ల ఐటీఆర్‌లు దాఖలు కావాల్సి ఉండగా, జులై 28 వరకు ఆ సంఖ్య ఐదు కోట్లకు కూడా చేరలేదు. ఇటువంటి పరిస్థితిలో, గత రెండు రోజుల్లో రిటర్న్ ఫైలింగ్ పోర్టల్‌పై లోడ్ పెరగవచ్చు. సిస్టమ్ నెమ్మదిగా మారవచ్చు. సమయానికి ITR ఫైల్ చేయడం వల్ల చాలా ప్రయోజనాలు ఉన్నాయి. మీ రీఫండ్ చేసినట్లయితే, మీరు ఆదాయపు పన్ను రిటర్న్‌ను ఎంత త్వరగా ఫైల్ చేస్తే, అంత త్వరగా వాపసు వస్తుంది. లేదంటే ఇబ్బందులు పడాల్సి రావొచ్చు.

28 జులై 2022 వరకు 4.09 కోట్ల మందికి పైగా ప్రజలు తమ ఐటీఆర్‌ను దాఖలు చేశారని ఇన్‌కమ్ ట్యాక్స్ ఇండియా తరపున ట్వీట్ చేయడం ద్వారా పేర్కొంది. జులై 28న 36 లక్షలకు పైగా ఐటీఆర్‌లు దాఖలయ్యాయి. 2022-23 అసెస్‌మెంట్ సంవత్సరానికి ITR ఫైల్ చేయడానికి చివరి తేదీ జులై 31, 2022. మీరు ఇంకా మీ ITR ఫైల్ చేయకుంటే , వెంటనే చేయండి. ఆలస్య రుసుములను కట్టే ముప్పు నుంచి తప్పించుకోవచ్చు.

జులై 28, 2022 వరకు 4.09 కోట్ల ఐటీఆర్‌లు దాఖలు అయ్యాయి. జులై 28, 2022లోనే 36 లక్షలకు పైగా ఐటీఆర్‌లు దాఖలు అయ్యాయి.

2022-23 కోసం ITR ఫైల్ చేయడానికి గడువు తేదీ జులై 31, 2022. ఇప్పటి వరకు ఫైల్ చేయకుంటే మీ ITRని ఇప్పుడే ఫైల్ చేయండి. ఆలస్య రుసుము నుంచి తప్పించుకోవచ్చు.

జరిమానా ఎంత ఉంటుంది..

జులై 31 లోగా ఐటీఆర్‌ను ఫైల్ చేసి, ఆలస్యమైన జరిమానాను నివారించాలని ఇన్‌కమ్ ట్యాక్స్ ఇండియా తన ట్వీట్‌లో స్పష్టం చేసింది . అంటే ఆగస్టు 1 నుంచి ఐటీఆర్ ఫైల్ చేసినందుకు జరిమానా చెల్లించాల్సి ఉంటుంది. మీ రిటర్న్‌ను సకాలంలో ఫైల్ చేయడం ద్వారా మీరు దీన్ని నివారించవచ్చు.

గడువు ముగిసిన తర్వాత ఐటీఆర్ దాఖలు చేస్తే జరిమానా విధించవచ్చు. గడువు ముగిసిన తర్వాత రిటర్న్‌లు దాఖలు చేయడానికి, రూ. 5 లక్షలు లేదా అంతకంటే తక్కువ ఆదాయంపై రూ.1,000 ఆలస్య రుసుము పడనుంది. రూ. 5 లక్షల కంటే ఎక్కువ ఆదాయానికి ఆలస్య రుసుము రూ. 5,000. ఈ మొత్తం రూ.10,000 వరకు ఉంటుంది.

స్వంతంగాను పూరించొచ్చు..

ITR పూరించడానికి, మీరు యూజర్ ఐడి, పాస్‌వర్డ్ సహాయంతో ఆదాయపు పన్ను శాఖ వెబ్‌సైట్ https://www.incometax.gov.in/iec/foportal కి లాగిన్ అవ్వాలి . ఆదాయపు పన్ను రిటర్న్ ( ITR ) ఫైల్ చేయడానికి , మీకు పాన్ కార్డ్ , ఆధార్ కార్డ్ , బ్యాంక్ ఖాతా నంబర్, పెట్టుబడి వివరాలు, ఫారం 16 లేదా ఫారం 26AS అవసరం అవుతాయి.