![IT Refund: ఐటీ రీఫండ్ ఇంకా జమ కాలేదా..? అసలైన కారణం తెలిస్తే షాక్..!](https://images.tv9telugu.com/wp-content/uploads/2024/08/income-tax.jpg?q=20&w=1280)
Income Tax
భారతదేశంలో నిర్ణీత ఆదాయం దాటాక ఆదాయపు పన్ను చెల్లించడం అనేది పౌరుల తప్పనిసరి బాధ్యత. అయితే పౌరులకు ఉపశమనం కల్పించేందుకు ప్రభుత్వం ఆదాయపు పన్ను రిటర్న్స్ దాఖలు చేశాక అర్హత ఉన్న పన్ను చెల్లింపుదారులకు రీఫండ్ జారీ చేస్తూ ఉంటుంది. ఈ ఏడాది ఆదాయపు పన్ను దాఖలు గడువు జూలై 31తో ముగిసింది. అయితే గడువు ముగిసి నెల రోజుల గడుస్తున్నా కొంత మందికి ఐటీ రీఫండ్ వారి ఖాతాల్లో జమ కాలేదు. ఈ నేపథ్యంలో ఆదాయపు పన్ను రీఫండ్ ఆలస్యం వెనుక సాధారణ కారణాల గురించి మరిన్ని వివరాలను తెలుసుకుందాం.
ఐటీ రీఫండ్ ఆలస్యానికి కారణాలు
- ఈ-కేవేసీ పెండింగ్లో ఉంటే రిటర్న్ ప్రాసెస్ చేయరని నిపుణులు చెబుతున్నారు. అందువల్ల వీలైనంత తర్వాత ఈ-సైన్ చేయాలని సూచిస్తున్నారు.
- మీ ఐటీఆర్-5ను బెంగళూరులోని సెంట్రలైజ్డ్ ప్రాసెసింగ్ సెంటర్ (సీపీసీ)కి పంపడం ద్వారా ఫిజికల్ వెరిఫికేషన్ను ఎంచుకుంటే ఈ ప్రక్రియలో ఏవైనా జాప్యం జరిగితే వాపసు నిలిచిపోతుంది.
- ఈ-సైన్ తర్వాత రిటర్న్ను ప్రాసెస్ చేయడానికి ఆదాయపు పన్ను శాఖ సాధారణంగా 20-45 రోజులు పడుతుంది. అధిక మొత్తంలో రాబడి కారణంగా ఇంకా ఆలస్యమైనా కంగారు పడాల్సిన అవసరం లేదు.
- మీరు ఫైల్ చేసిన ఐటీఆర్లో అసమానతలను గుర్తిస్తే రీఫండ్ రావడం ఆలస్యం అవుతుంది. అసమానతలను సరి చేయాలని మీకు నోటీసు వచ్చి, తప్పులను సరి చేశాకే రీఫండ్ ప్రాసెస్ చేస్తారు.
- బ్యాంక్ ఖాతా వివరాలను తప్పుగా పేర్కొన్నా రీఫండ్ను క్రెడిట్ కాదని, కచ్చితంగా లేటేస్ట్ బ్యాంకు వివరాలను పేర్కొనాలని నిపుణులు చెబుతున్నారు.
- మీకు పన్ను బకాయిలు బకాయిలు ఉంటే మీ వాపసు వాటితో సర్దుబాటు చేస్తారు. చెల్లించిన పన్నుతో ప్రకటించిన పన్ను మధ్య వ్యత్యాసాలు కూడా వాపసు ఆలస్యం కావచ్చు.
- ఆదాయపు పన్ను శాఖ సిస్టమ్లు లేదా మీ బ్యాంక్ సిస్టమ్లలోని సాంకేతిక సమస్యలు కొన్నిసార్లు ఆలస్యానికి కారణం కావచ్చు.
- రీఫండ్ జారీ చేసినా క్రెడిట్ చేయకపోతే మీరు రీఇష్యూని అభ్యర్థించాలని నిపుణులు చెబుతున్నారు.
ఐటీఆర్ తనిఖీ ఇలా
- ఇన్కమ్ ట్యాక్స్ ఇండియా అధికారిక వెబ్సైట్కు వెళ్లాలి
- మీ నమోదిత యూజర్ ఐడీ (పాన్ నంబర్), పాస్వర్డ్, క్యాప్చా కోడ్ని ఉపయోగించి పోర్టల్కి లాగిన్ చేయాలి.
- వ్యూ రిటర్న్స్/ ఫారమ్స్ను ఎంచుకుని డ్రాప్-డౌన్ జాబితా నుంచి ‘సెలెక్ట్ యాన్ ఆప్షన్’ లింక్పై క్లిక్ చేసి, ఆపై ‘ఆదాయ పన్ను రిటర్న్స్’ లింక్పై క్లిక్ చేయాలి. అసెస్మెంట్ ఇయర్ని ఎంటర్ చేసి సబ్మిట్పై క్లిక్ చేయండి.
- వివరాలను తనిఖీ చేయడానికి, ఐటీఆర్ వాపసు స్థితిని వీక్షించడానికి ఐటీఆర్ రసీదు సంఖ్యపై క్లిక్ చేయాలి.
మరిన్ని బిజినెస్ వార్తల కోసం ఇక్కడ క్లిక్ చేయండి..