Gold: భారత్ బంగారు కొండే..! మన దగ్గర ఎన్ని కోట్ల కేజీల పుత్తడి ఉందో తెలుసా?
భారతీయుల దగ్గరున్న బంగారం.. దాదాపు 2 కోట్ల కేజీలు. ఇది చదివిన తరువాత అంత గోల్డా అని ఆశ్చర్యపోతాం. ఇంత పుత్తడి మన దగ్గరుంటే మనకేం తక్కువ అనుకుంటాం. మరి ప్రపంచంలో 11 శాతం స్వర్ణం మన దగ్గరే ఉంటే.. ఇలా కాలర్ ఎగరేయక ఏం చేస్తారు? ఒకప్పుడు బంగారాన్ని కుదవపెట్టి దేశ అవసరాలను తీర్చుకోవాల్సిన దుస్థితి నుంచి.. ఓ 803 మెట్రిక్ టన్నుల బంగారాన్ని రిజర్వ్ చేసుకునే స్థాయికి ఎదిగాం. ఇంతకీ ఈ ఘనత మన భవితకు భద్రమేనా? అసలు గోల్డ్ రిజర్వ్స్ లో ప్రపంచంలో మన స్థానం ఎంత? పండగలకు, శుభకార్యాలకు బంగారం కొనే అలవాటు.. మనకు చేసే మేలు ఎంత?
బంగారంపై భారతీయులకు ఉండేది పిచ్చి కాదు. బతుకుపై భయాన్ని పోగొట్టే ఒక భరోసా. పిల్లల చదువులకు అవసరం వచ్చినా, వ్యవసాయానికి సాయం కావాలన్నా, ఆడపిల్ల పెళ్లి చేయాలన్నా, వ్యాపారం ప్రారంభించాలన్నా, ఇల్లు కొనాలన్నా.. ఇలా ప్రతి అవసరానికి తోడుగా ఉండే ఒక శ్రీరామరక్ష. పంట బాగా పండితే రైతు కొనుక్కునేది బంగారమే. అదే పంట పండించడానికి కుదవపెట్టేదీ ఆ మెడలోని బంగారమే. అందుకే, ఆలికి సింగారం-అదనుకు బంగారం అంటుంటారు మనోళ్లు. అలా దేశంలో ప్రజల దగ్గర ఉన్న బంగారం లెక్క చూస్తే.. హా.. అని నోరెళ్లబెడతారు. ఆ నెంబర్ ఎంతో తెలుసా? 2 కోట్ల కేజీల పైమాటే! ప్రపంచంలో ఉన్న బంగారంలో భారత్ దగ్గర ఉన్నది దాదాపు 11 శాతం ఇప్పుడంటే ఉద్యోగ భద్రత కనిపిస్తోంది గానీ ఓ 20, 30 ఏళ్ల క్రితం వరకు ఆ భరోసా ఉండేది కాదు. ఎప్పుడు ఉద్యోగం పోయి జీవితాలు తారుమారు అవుతాయో తెలియని పరిస్థితి. ఆ సమయంలో చేయి చాచాల్సిన అవసరం లేకుండా అండగా ఉండేది బంగారమే. కొన్ని గణాంకాల ప్రకారం 2021లో గోల్డ్ లోన్స్ విపరీతంగా పెరిగాయి. ఎందుకో తెలుసా. కరోనా మహమ్మారి కారణంగా లక్షల మంది ఉద్యోగాలు పోగొట్టుకున్నారు. పర్సనల్ లోన్ తీసుకోడానికి అవకాశం లేనివాళ్లంతా...