Solar Power: సౌర విద్యుత్ ఉత్పత్తిలో దూసుకెళ్తున్న ఇండియా.. ప్రపంచంలో ఎన్నో స్థానం అంటే..

Solar Roof Top

ప్రపంచం దృష్టి సౌర విద్యుత్ పై ఉంది. పర్యావరణ హితంగా విద్యుత్ శక్తిని ఉత్పత్తి చేసే క్రమంలో థర్మల్ పవర్ ఉత్పత్తిని తగ్గించేందుకు ప్రంపంచ వ్యాప్తంగా చర్యలు ప్రారంభించాయి. ఈ క్రమంలో సోలార్ పవర్ ను ప్రత్యామ్నాయంగా పరిగణిస్తున్నారు. మన దేశంలో కూడా వేగంగా సోలార్ పవర్ కు మారుతున్నారు. ఇప్పటికే పెద్ద హోటళ్లు, హాస్పిటళ్లు వంటివి సోలార్ ప్యానల్స్ పెట్టుకుంటున్నాయి. ఇది ప్రపంచంలో మన స్థానాన్ని బాగా మెరుగుపరచింది. 2023 ఏకంగా ప్రపంచంలోనే మూడో అతి పెద్ద సౌర విద్యుత్ జనరేటర్‌గా అవతరించింది. వేగవంతమైన సౌర విద్యుత్ విస్తరణలో జపాన్ ను అధిగమించింది. గ్లోబల్ ఎనర్జీ థింక్ ట్యాంక్ ఎంబెర్ నివేదిక ప్రకారం 2015లో సౌరశక్తి విస్తరణలో భారతదేశం తొమ్మిదో స్థానంలో ఉంది.

2023లో 5.5శాతం..

2023లో సోలార్ గ్లోబల్ విద్యుత్‌లో మన దేశం రికార్డు స్థాయిలో 5.5 శాతం ఉత్పత్తి చేసింది. ప్రపంచ ట్రెండ్‌కు అనుగుణంగా, భారతదేశం చివరిగా సౌరశక్తి నుంచి 5.8 శాతం విద్యుత్‌ను ఉత్పత్తి చేసింది. ఈ విషయాన్ని ఎంబర్ తన “గ్లోబల్ ఎలక్ట్రిసిటీ రివ్యూ”లో నివేదించబడింది. ఈ సందర్భంగా ఎంబర్ ఆసియా ప్రోగ్రామ్ డైరెక్టర్ ఆదిత్య లోల్లా మాట్లాడుతూ స్వచ్ఛమైన విద్యుత్‌ను పెంచడం కేవలం విద్యుత్ రంగంలో కర్బన ఉద్గారాలను తగ్గించడమే కాక పెరుగుతున్న విద్యుద్దీకరణ ఆర్థిక వ్యవస్థలో పెరుగుతున్న విద్యుత్ డిమాండ్‌ను తీర్చడానికి ఇది ఉపయోగపడుతుందని చెప్పారు.

భారతదేశం 2023లో సౌర ఉత్పత్తిలో ప్రపంచంలో నాల్గో అతిపెద్ద పెరుగుదలను చూసింది (+18 టెరావాట్ అవర్స్ లేదా TWh), చైనా (+156 TWh), యునైటెడ్ స్టేట్స్ (+33 TWh) బ్రెజిల్ (+22 TWh). మొత్తంగా, మొదటి నాలుగు సోలార్ వృద్ధి దేశాలు 2023లో 75 శాతం వృద్ధిని నమోదు చేశాయి. 2023లో ప్రపంచ సౌర ఉత్పత్తి 2015 కంటే ఆరు రెట్లు ఎక్కువ అని ఎంబర్ పేర్కొంది.

భారతదేశంలో సోలార్ విద్యుత్ ఉత్పత్తి 2015లో 0.5 శాతం ఉండగా.. 2023లో 5.8శాతానికి పెరిగింది. వాతావరణ మార్పులపై పోరాడే జాతీయ ప్రణాళికలో భాగంగా, భారతదేశం 2030 నాటికి శిలాజ ఇంధనం ఆధారిత ఇంధన వనరుల నుంచి 50 శాతం కుమ్యూలేటివ్ విద్యుత్ వ్యవస్థాపన సామర్థ్యాన్ని సాధించడానికి కట్టుబడి ఉంది.

గత ఏడాది డిసెంబర్‌లో జరిగిన ఐక్యరాజ్యసమితి సీఓపీ28 వాతావరణ మార్పు సదస్సులో, ప్రపంచ నాయకులు 2030 నాటికి ప్రపంచ పునరుత్పాదక ఇంధన సామర్థ్యాన్ని మూడు రెట్లు పెంచేందుకు చారిత్రాత్మక ఒప్పందాన్ని కుదుర్చుకున్నారు. ఐఈఏ గ్లోబల్ ఆర్ఈ సామర్థ్యాన్ని మూడు రెట్లు పెంచడం, ఇంధన సామర్థ్యాన్ని రెట్టింపు చేయడం ద్వారా సగటు ఉష్ణోగ్రత పెరుగుదలను 1.5 డిగ్రీల సెల్సియస్‌కు పరిమితం చేయడంలో కీలకమని పేర్కొంది. 2030 నాటికి పునరుత్పాదక సామర్థ్యాన్ని మూడు రెట్లు పెంచాలని యోచిస్తున్న కొన్ని దేశాలలో భారతదేశం ఒకటి.

మరిన్ని బిజినెస్ వార్తల కోసం ఇక్కడ క్లిక్ చేయండి..