SBI FD Rates: ఎస్బీఐ వినియోగదారులకు శుభవార్త.. ఎఫ్డీలపై పెరిగిన వడ్డీ రేట్లు.. కొత్త రేట్లు ఇలా ఉన్నాయి..
ఆర్బీఐ రెపో రేటు మారితే అన్ని బ్యాంకుల్లో ఎఫ్డీ రేట్లు మారతాయి. అందుకే ఫిక్స్డ్ డిపాజిట్లకు సంబంధించిన తాజా పరిణామాలపై ఎప్పటికప్పుడు అప్డేట్ గా ఉండటం చాలా అవసరం. ముఖ్యంగా పొదుపులు, పెట్టుబడులను ఆప్టిమైజ్ చేయాలని చూస్తున్న వ్యక్తులు, వ్యాపారాలకు ఇది చాలా కీలకం. భారతదేశంలోని ప్రముఖ ప్రభుత్వ రంగ బ్యాంకులలో ఒకటైన స్టేట్ బ్యాంక్ ఆఫ్ ఇండియా (ఎస్బీఐ) ముందుగా తమ ఎఫ్డీ రేట్లను సవరించింది. ఇప్పుడు ఎస్బీఐకి సంబంధించిన ఎఫ్డీ వడ్డీ రేట్ల గురించి ఇప్పుడు చూద్దాం..
భవిష్యత్తు ఆర్థిక లక్ష్యాలను సాధించడంలో ఫిక్స్డ్ డిపాజిట్లు(ఎఫ్డీ) బాగా ఉపయోగపడతాయి. అధిక వడ్డీతోపాటు స్థిరమైన రాబడిని అందిస్తాయి. పైగా పన్ను ప్రయోజనాలుంటాయి. దీంతో ఎక్కువ శాతం మంది ఎఫ్డీలను ప్రారంభించేందుకు ఆసక్తి చూపుతారు. పోస్టు ఆఫీసులు, బ్యాంకుల్లో ఈ ఖాతాలను నిర్వహించే అవకాశం ఉంది. అయితే ఈ ఎఫ్డీలపై వడ్డీ రేట్లు ఎప్పుడూ ఒకేలా ఉండవు. అలాగే అన్ని చోట్లా ఒకేలా ఉండవు. పోస్ట్ ఆఫీసుల్లో ఒక వడ్డీ రేటు ఉంటుంది. బ్యాంకుల్లో ఒక రకమైన వడ్డీ రేటు ఉంటుంది. బ్యాంకులలో కూడా బ్యాంకు రకాన్ని బట్టి మారుతుంటుంది. ఒక్కో బ్యాంకు ఒక్కో రకమైన వడ్డీ రేటు అమలు చేస్తాయి. మీరు కనుక ఎఫ్డీ ప్రారంభించాలనుకుంటే ఏ బ్యాంకులో ఎక్కువ వడ్డీ ఉందో తెలుసుకోవడం ముఖ్యం. పైగా ఈ వడ్డీ రేట్లు స్థిరంగా ఉండవు. దేశంలో ఆర్థిక పరిస్థితులు, ద్రవ్యోల్బణం, ఆర్బీఐ రెపో రెటు వంటి అంశాల ఆధారంగా వడ్డీ రేటు మారుతుంటుంది. ఆర్బీఐ రెపో రేటు మారితే అన్ని బ్యాంకుల్లో ఎఫ్డీ రేట్లు మారతాయి. అందుకే ఫిక్స్డ్ డిపాజిట్లకు సంబంధించిన తాజా పరిణామాలపై ఎప్పటికప్పుడు అప్డేట్ గా ఉండటం చాలా అవసరం. ముఖ్యంగా పొదుపులు, పెట్టుబడులను ఆప్టిమైజ్ చేయాలని చూస్తున్న వ్యక్తులు, వ్యాపారాలకు ఇది చాలా కీలకం.
ఎస్బీఐ ఎఫ్డీ రేట్లు ఇలా..
బ్యాంకులు తమ ఎఫ్డీ రేట్లను ఎప్పటికప్పుడు మార్చుకుంటున్నాయి. దీనిని అనుసరించి, భారతదేశంలోని ప్రముఖ ప్రభుత్వ రంగ బ్యాంకులలో ఒకటైన స్టేట్ బ్యాంక్ ఆఫ్ ఇండియా (ఎస్బీఐ) ముందుగా తమ ఎఫ్డీ రేట్లను సవరించింది. ఇప్పుడు ఎస్బీఐకి సంబంధించిన ఎఫ్డీ వడ్డీ రేట్ల గురించి ఇప్పుడు చూద్దాం..
- 7 రోజుల నుంచి 45 రోజుల వరకు, సాధారణ ప్రజలకు 3 శాతం, సీనియర్ సిటిజన్లకు 3.5 శాతం. 46 రోజుల నుంచి 179 రోజుల పరిధిలో, ఈ రేటు సాధారణ ప్రజలకు 4.5 శాతం, సీనియర్ సిటిజన్లకు 5 శాతంగా ఉంది.
- 180 రోజుల నుంచి 210 రోజుల మధ్య కాలపరిమితి ఉండే డిపాజిట్లపై సాధారణ ప్రజలకు 5.25 శాతం, సీనియర్ సిటిజన్లకు 5.75 శాతం వడ్డీ రేటు ఉంటుంది.
- 211 రోజుల నుంచి 1 సంవత్సరం కంటే తక్కువ కాల వ్యవధిని ఎంచుకునే వారికి సాధారణ పబ్లిక్గా 5.75 శాతం మరియు సీనియర్ సిటిజన్లకు 6.25 శాతం వడ్డీ రేటు లభిస్తుంది.
- 1 సంవత్సరం నుంచి 2 సంవత్సరాల లోపు ఉన్న డిపాజిట్లపై వడ్డీ రేట్లు సాధారణ ప్రజలకు 6.8 శాతం, సీనియర్ సిటిజన్లకు 7.3 శాతం ఉంటుంది.
- 2 సంవత్సరాల నుంచి 3 సంవత్సరాల కంటే తక్కువ కాల వ్యవధి ఉండే ఎఫ్డీపై సాధారణ ప్రజలకు 7 శాతం, సీనియర్ సిటిజన్లకు 7.5 శాతం వడ్డీ రేటు ఇస్తుంది.
- 3 సంవత్సరాల నుంచి 5 సంవత్సరాలలోపు మెచ్యూర్ అయ్యే డిపాజిట్లపై సాధారణ ప్రజలకు 6.5 శాతం, సీనియర్ సిటిజన్లకు 7 శాతం వడ్డీ రేటును ఎస్బీఐ ఇస్తోంది.
- 5 సంవత్సరాల నుంచి 10 సంవత్సరాల వరకు దీర్ఘకాలిక డిపాజిట్లు సాధారణ ప్రజలకు 6.5 శాతం, సీనియర్ సిటిజన్లకు 7.5 శాతం వడ్డీ రేటును అందిస్తాయి.
మరిన్ని బిజినెస్ వార్తల కోసం ఇక్కడ క్లిక్ చేయండి..