HDFC Bank: హెచ్​డిఎఫ్​సి బ్యాంక్ 4వ త్రైమాసిక ఫలితాలు విడుదల.. 23 శాతం పెరిగిన లాభం..

దేశంలోని అతిపెద్ద ప్రైవేట్ రంగ బ్యాంకు అయిన హెచ్‌డిఎఫ్‌సి(HDFC) బ్యాంక్ మార్చి 2022 తో ముగిసిన త్రైమాసిక(Q4 Results) ఫలితాలు ప్రకటించింది. ఈ త్రైమాసికంలో లాభం(Profit) 23 శాతం పెరిగి రూ .10,055.2 కోట్లకు చేరుకుంది. క్రితం ఏడాది ఇదే కాలంలో బ్యాంక్ లాభం రూ.8,186.51 కోట్లు. బ్యాంక్ నికర వడ్డీ ఆదాయం 10.2 శాతం పెరిగి రూ. 18,872.7 కోట్లకు చేరుకుంది. గతేడాది ఇదే కాలంలో ఇది రూ.17,120 కోట్లుగా ఉంది.

ఈ నెల ప్రారంభంలో హెచ్‌డిఎఫ్‌సి బ్యాంక్ తన అడ్వాన్స్‌లు ఏడాది ప్రాతిపదికన 20.9 శాతం పెరిగి రూ .13.69 లక్షల కోట్లకు చేరుకున్నాయని పేర్కొంది. బ్యాంకు రిటైల్ రుణాలలో వృద్ధి 15 శాతం, వాణిజ్య, గ్రామీణ బ్యాంకింగ్ రుణాలలో వృద్ధి 30.5% నమోదు చేసింది. బ్యాంకు కార్పొరేట్, ఇతర హోల్‌సేల్ రుణాలు గత ఆర్థిక సంవత్సరం ఇదే కాలంలో 17.5 శాతం వృద్ధిని నమోదు చేశాయి.

డిపాజిట్లలో 16.8% వృద్ధి

మార్చి 2022 వరకు బ్యాంకు డిపాజిట్లు ఏడాది ప్రాతిపదికన 16.8 శాతం పెరిగాయి. ఇందులో రిటైల్ డిపాజిట్లు 18.5 శాతం పెరిగాయి. కాగా, హోల్‌సేల్ డిపాజిట్లు వార్షిక ప్రాతిపదికన 10 శాతం వృద్ధిని నమోదు చేశాయి. మార్చి 2022 నాటికి CASA డిపాజిట్ల వాటా రూ.7.51 లక్షల కోట్లుగా ఉన్నాయి. వార్షిక ప్రాతిపదికన దాదాపు 22 శాతం వృద్ధిని సాధించింది. కాగా, మార్చి 2022 త్రైమాసికంలో CASA డిపాజిట్ల నిష్పత్తి 48 శాతానికి పెరిగింది. గత ఆర్థిక సంవత్సరం ఇదే కాలంలో ఇది 46.1 శాతంగా ఉందని బ్యాంక్ తెలిపింది.

Read Aslo.. Multibagger Returns: ఏడాదిలో లక్షను.. రూ.2.79 లక్షలను చేసి బంపర్ రిటర్న్స్ ఇచ్చిన మల్టీ బ్యాగర్ స్టాక్..!