GST Reforms: సామాన్యులకు గుడ్‌న్యూస్‌.. వీటి ధరలు తగ్గనున్నాయ్‌..!

GST Reforms: దేశవ్యాప్తంగా పన్ను భారాన్ని తగ్గించే ప్రయత్నంలో ప్రధానమంత్రి నరేంద్ర మోడీ శుక్రవారం తన స్వాతంత్ర్య దినోత్సవ ప్రసంగంలో ‘తదుపరి తరం GST సంస్కరణలను ప్రకటించారు. 2025 దీపావళి నాటికి GST సంస్కరణలు అమలు చేయవచ్చని మోడీ సూచనప్రాయంగా చెప్పారు.

కేంద్ర ఆర్థిక మంత్రిత్వ శాఖ GST నిర్మాణంలో ఒక పెద్ద మార్పుకు సిద్ధమవుతుంది. ప్రస్తుతం ఉన్న నాలుగు GST స్లాబ్‌లను తగ్గించడమే కేంద్రం లక్ష్యంగా పెట్టుకుంది. ప్రస్తుత నాలుగు స్లాబ్‌లు 5%, 12%, 18%, 28%. ఈ స్లాబ్‌లలో 5%, 18% అనే రెండు స్లాబ్‌లను మాత్రమే నిలుపుకోవడమే ఈ చర్య అని నివేదికలు చెబుతున్నాయి.

దీనితో 28% స్లాబ్‌లోని 90 శాతం వస్తువులు 18% స్లాబ్‌కు మారుతాయని, 12% స్లాబ్‌లోని 99 శాతం వస్తువులు 5% స్లాబ్‌కు మారుతాయని వర్గాలు తెలిపాయి. ఈ విధంగా కేంద్రం నిత్యావసరాల వస్తువులతో సహా పన్నులను తగ్గిస్తుందని, ధరలు తగ్గుతాయని భావిస్తున్నారు.

BSNL: 1 రూపాయికే రోజు 2GB డేటా.. అన్‌లిమిటెడ్‌ కాల్స్‌.. అదిరిపోయే ఆఫర్‌

పొగాకు, సిగరెట్లు, కోలాతో సహా ఎరేటెడ్ పానీయాలు, పాన్ మసాలాపై పన్ను రేట్లలో మార్పులు ఉంటాయి. బంగారం, వెండి, వజ్రాలపై ప్రత్యేక తక్కువ రేటు కొనసాగవచ్చు. పెట్రోలియం ఉత్పత్తులు, మద్యంపై రాష్ట్ర ప్రభుత్వాలు పన్నులు విధించే ప్రస్తుత పద్ధతి కొనసాగుతుందని నివేదించింది.

తగ్గుతున్న ధరలు

జీవిత బీమా ప్రీమియంలు, ఆరోగ్య బీమా ప్రీమియంలు ధరలు తగ్గే అవకాశం ఉన్న ప్రధాన వస్తువులు. మందులు, వైద్య పరికరాలు, గ్లూకోజ్ మీటర్లు, పండ్, కూరగాయల రసాలు, ముందుగా ప్యాక్ చేసిన కొబ్బరి నీళ్లు, టెలివిజన్లు, రిఫ్రిజిరేటర్లు, వాషింగ్ మెషీన్లు, ACలు, పురుగుమందులు, నోట్‌బుక్‌లు, జామ్‌లు, పండ్ల జెల్లీలు, వస్త్రాలు, ఎరువులు, పునరుత్పాదక శక్తి, కాంటాక్ట్ లెన్స్‌లు, కంపోస్టింగ్ మెషీన్లు, సైకిళ్ళు, ట్రైసైకిళ్లు, డిష్‌వాషర్లు, పెన్సిళ్లు, జ్యామితి పెట్టెలు, వ్యవసాయ పరికరాలు, హస్తకళలు, సిమెంట్ మొదలైన వాటి ధరలు తగ్గే అవకాశం ఉంది.

ఇది కూడా చదవండి: Accident Video: ఇలాంటి యాక్సిడెంట్‌ వీడియో మీరెప్పుడైనా చూశారా? సీసీటీవీలో రికార్డ్‌!

మరిన్ని బిజినెస్ వార్తల కోసం ఇక్కడ క్లిక్ చేయండి