Gold Price: కేవలం వారం రోజుల్లో బంగారం ధరల్లో ఇంత మార్పు వచ్చిందా?
Gold Price: పసిడి ధరలు సామాన్యులకు షాక్ ఇస్తున్నాయి. గత వారం రోజులుగా బంగారం ధరలు ఎగుడుదిగుడుగా సాగుతూ, మొత్తం మీద భారీ పెరుగుదలను నమోదు చేశాయి. హైదరాబాద్, విజయవాడ నుంచి ఢిల్లీ వరకు అన్ని ప్రధాన నగరాల్లోనూ పసిడి రేట్లు ప్రియమయ్యాయి.
Gold Price: గత కొద్ది రోజులుగా ఆకాశాన్ని తాకుతున్న బంగారం, వెండి ధరలు ఒక్కసారిగా దిగి వచ్చి మళ్లీ పరుగులు పెడుతున్నాయి. అంతర్జాతీయ మార్కెట్లో చోటుచేసుకున్న పరిణామాలు, డాలర్ బలపడటంతో దేశీయ మార్కెట్లోనూ ధరలు గణనీయంగా తగ్గాయి. పెళ్లిళ్ల సీజన్ ముంచుకొస్తున్న తరుణంలో ఈ ధరల పెరుగుదల సామాన్యులకు మళ్లీ షాకిస్తున్నాయి.
ఇక హైదరాబాద్, విజయవాడ నగరాల్లో ఏప్రిల్ 5వ తేదీన 1,50,930 రూపాయల వద్ద ఉన్న 24 క్యారెట్ల 10 గ్రాముల ధర ఈ రోజుకు (ఏప్రిల్ 11) రూ.1,52,840 వద్దకు చేరింది. అంటే వారం రోజుల్లో గోల్డ్ రేటు పెరుగుతూ.. తగ్గుతూ, మొత్తం మీద 1910 రూపాయలు పెరిగింది. ఇక 22 క్యారెట్ల ధర విషయానికొస్తే.. వారం రోజుల్లో 1,38,350 రూపాయల నుంచి 1,40,100 రూపాయల చేరుకుంది. అంటే ఈ సమయంలో రూ.1750 పెరిగింది.
ఆర్థిక విశ్లేషకుల అంచనా ప్రకారం..
రాబోయే మరికొన్ని రోజులు ధరలు ఇదే స్థాయిలో స్థిరంగా ఉండవచ్చు లేదా స్వల్పంగా తగ్గే అవకాశం ఉందని ఆర్థిక నిపుణులు విశ్లేషిస్తున్నారు. అంతర్జాతీయంగా యుద్ధ వాతావరణం సద్దుమణిగితే ధరలు ఇంకాస్త తగ్గే ఛాన్స్ ఉంది.
అలాగే గుర్తుంచుకోవాల్సిన విషయం ఏంటంటే.. బంగారం ఎప్పుడూ సురక్షితమైన పెట్టుబడి (Safe Haven). ప్రస్తుతం ధరలలో మార్పులు వస్తున్నప్పటికీ భౌగోళిక రాజకీయ పరిస్థితులు మారినా లేదా ద్రవ్యోల్బణం పెరిగినా ధరలు మళ్లీ రికార్డు స్థాయికి చేరే అవకాశం ఉంది. 2026 చివరి నాటికి బంగారం ధరలు మళ్లీ పెరిగే ట్రెండ్ కనిపిస్తోందని నిపుణులు హెచ్చరిస్తున్నారు.
కొనుగోలుదారులకు సూచన:
మీరు ఆభరణాల కోసం లేదా పెట్టుబడి కోసం బంగారం కొనాలనుకుంటే, ఇది ఒక మంచి అవకాశంగా భావించవచ్చు. ధరలు పూర్తిగా తగ్గే వరకు వేచి చూడటం కంటే, ఇప్పుడున్న ధర వద్ద కొంత మొత్తాన్ని కొనుగోలు చేయడం తెలివైన పని.
మరిన్ని బిజినెస్ వార్తల కోసం ఇక్కడ క్లిక్ చేయండి