BSNL 5G: బీఎస్‌ఎన్‌ఎల్‌ యూజర్లకు గుడ్‌న్యూస్‌.. 5జీ సేవలు ప్రారంభం.. సిమ్‌ లేకుండానే ఇంటర్నెట్‌

BSNL రూ.1,499 ప్లాన్: ఈ ప్లాన్‌లో మీరు 336 రోజులు చెల్లుబాటు పొందుతారు. అంటే ఒక సంవత్సరం కన్నా కొంచెం తక్కువ. అలాగే ఈ ప్లాన్ మొత్తం 24GB డేటాను అందిస్తోంది. కానీ ఇది మొత్తం చెల్లుబాటు వరకు ఉంటుంది. అంటే, మీరు ప్రతిరోజూ కాకుండా మొత్తం మీద 24జీబీల డేటా మాత్రమే పొందుతారు. దీనితో పాటు ఈ ప్లాన్ అపరిమిత కాలింగ్‌ను కూడా అందిస్తోంది. అలాగే రోజుకు 100 SMS సౌకర్యాన్ని కూడా పొందుతారు.

ప్రభుత్వ టెలికాం సంస్థ BSNL దేశంలోని అనేక నగరాల్లో తన 5G సేవను ప్రారంభించింది. ప్రస్తుతం ఈ సేవ రిటైల్ సంస్థలకు మాత్రమే ప్రారంభించింది. త్వరలో దీనిని రిటైల్ వినియోగదారులకు విస్తరించనున్నారు. బీఎస్‌ఎన్‌ఎల్‌ Q-5G FWA సేవ ప్రణాళికలు రూ. 999 నుండి ప్రారంభమవుతాయి. దీని కింద సంస్థలు సిమ్ కార్డ్ లేకుండా 5G ఇంటర్నెట్ సౌకర్యాన్ని పొందగలుగుతాయి.

బుధవారం బీఎస్‌ఎన్‌ఎల్‌ తన X ఖాతాలో 5G సేవలను ప్రారంభించినట్లు ప్రకటించింది. ఈ సేవలకు BSNL Q-5G – క్వాంటం 5G పేరుగా పరిచయం చేస్తున్నామని తెలిపింది. కంపెనీ త్వరలో దేశవ్యాప్తంగా 5G నెట్‌వర్క్‌ను తీసుకురావడానికి సన్నాహాలు చేస్తోందని, ప్రస్తుతం మొత్తం దృష్టి 4G సేవలను స్థిరంగా చేయడంపై ఉందని తెలిపింది.

క్వాంటం 5G FWA అంటే ఏమిటి?

BSNL వైర్‌లెస్ 5G సేవ. దీని కింద సిమ్ కార్డ్ లేకుండానే ఎంటర్‌ప్రైజ్ స్థాయిలో హై స్పీడ్ ఇంటర్నెట్ కనెక్టివిటీ అందించబడుతుంది. విస్తృతంగా దీనిని బీఎస్‌ఎన్‌ఎల్‌ వైర్‌లెస్ బ్రాడ్‌బ్యాండ్ సేవ అని పిలుస్తారు. ప్రస్తుతం, బీఎస్‌ఎన్‌ఎల్‌ దీనిని ఎంటర్‌ప్రైజ్ స్థాయిలో అందిస్తోంది. అదే సమయంలో రూ. 50 కోట్ల టర్నోవర్ ఉన్న కంపెనీలు కూడా బీఎస్‌ఎన్‌ఎల్‌ ఈ ఇంటర్నెట్ సర్వీస్ వ్యాపారంలో భాగస్వాములు కావచ్చని సంస్థ తెలిపింది.

ప్లాన్లు రూ. 999 నుండి ప్రారంభం:

బీఎస్‌ఎన్‌ఎల్‌ ఇచ్చిన సమాచారం ప్రకారం.. FWA సర్వీస్ అనేది 5G FWA పై ఇంటర్నెట్ లీజు లైన్. ప్రస్తుతం ఎంపిక చేసిన నగరాల్లో రూ. 999కు సేవలు ప్రారంభమవుతున్నాయి. అయితే BSNL రిటైల్ వినియోగదారులకు కూడా అలాంటి సేవను తీసుకురావాలని యోచిస్తోంది.

4G ఎక్కడికి చేరుకుంది?

ఒకప్పుడు దేశంలోనే అతిపెద్ద టెలికాం కంపెనీలలో ఒకటిగా ఉన్న బీఎస్‌ఎన్‌ఎల్‌ 5Gని ప్రారంభించే అవకాశం ఉంది. కానీ 4G నెట్‌వర్క్ ఎంతవరకు చేరుకుందనేది పెద్ద ప్రశ్న. ఎందుకంటే ఇటీవల ఆ కంపెనీ దేశవ్యాప్తంగా 4G సేవను దూకుడుగా ప్రారంభించింది. టెలికాం శాఖ ప్రకారం బీఎస్‌ఎన్‌ఎల్‌ దేశవ్యాప్తంగా 1 లక్ష 4G టవర్లను ఏర్పాటు చేసింది. వాటిలో 70 వేలకు పైగా టవర్లు యాక్టివ్‌గా ఉన్నాయి.

మరిన్ని బిజినెస్ వార్తల కోసం ఇక్కడ క్లిక్ చేయండి