BSNL 5G: తక్కువ ధరకే హై-స్పీడ్ డేటా.. 4G టవర్లు త్వరలో 5Gకి అప్గ్రేడ్!
BSNL 5G: టెలికాం రంగంలో బీఎస్ఎన్ఎల్ మరింత దూకుడుగా ప్రదర్శిస్తోంది. ఇటీవల దేశ వ్యాప్తంగా 4జీ సేవలను ప్రారంభం కాగా.. ఇప్పుడు 5జీ నెట్ వర్క్ను బలోపేతం చేసేందుకు ప్రయత్నాలు ముమ్మరం చేస్తోంది. ఒక వైపు వినియోగదారులకు చౌకైన ప్లాన్లను అందిస్తూనే మరో వైపు 5జీకి అప్గ్రేడ్ అయ్యే పనులు ముమ్మరం కొనసాగుతున్నాయి..
BSNL 5G: ప్రభుత్వ యాజమాన్యంలోని టెలికాం సంస్థ BSNL కూడా ఊపందుకోవడం ప్రారంభించింది. ఈ కంపెనీ ఇటీవలే తన 4G నెట్వర్క్ను ప్రారంభించింది. ఇప్పుడు 5G రేసులో చేరడానికి సిద్ధంగా ఉంది. 2025లో కౌటిల్య ఎకనామిక్ ఎన్క్లేవ్లో కేంద్ర టెలికాం మంత్రి జ్యోతిరాదిత్య సింధియా 4G టవర్లను 5Gకి అప్గ్రేడ్ చేస్తామని ప్రకటించారు. దీని అర్థం త్వరలో మీరు దేశవ్యాప్తంగా బీఎస్ఎన్ఎల్ నెట్వర్క్ ద్వారా సరసమైన ధరలకు హై-స్పీడ్ 5G సేవలను ఆస్వాదించవచ్చు.
ఇది కూడా చదవండి: Hyderabad’s First Tesla EV: తెలంగాణలో మొట్టమొదటి టెస్లా ఎలక్ట్రిక్ కారును కొన్నది ఎవరో తెలుసా?
4G నుండి 5G కి అప్గ్రేడ్ కావడానికి ఎంత సమయం పడుతుంది?
BSNL 4G టవర్లను 5Gకి అప్గ్రేడ్ చేయడానికి ఆరు నుండి ఎనిమిది నెలల సమయం పడుతుందని కేంద్ర మంత్రి జ్యోతిరాదిత్య సింధియా అన్నారు. గతంలో ZTE, Huawei, Nokia, Samsung, Ericsson వంటి కంపెనీలు ఉన్న 4G టెక్నాలజీ గ్లోబల్ క్లబ్లో భారతదేశం చేరిందని సింధియా పేర్కొన్నారు.
ప్రధానమంత్రి నరేంద్ర మోడీ ఇటీవల 92,564 టవర్లను ప్రారంభించారు. దీని వలన BSNL 4G నెట్వర్క్ దేశాన్ని కాశ్మీర్ నుండి కన్యాకుమారి వరకు, భరూచ్ నుండి అరుణాచల్ ప్రదేశ్ వరకు అనుసంధానించడానికి వీలు కల్పించింది. భారతదేశం దాని స్వంత 4G ప్రమాణాన్ని అభివృద్ధి చేసింది. రాబోయే ఆరు నుండి ఎనిమిది నెలల్, టవర్లు 5Gకి అప్గ్రేడ్ అవుతాయి. దీని వలన భారతదేశం అంతటా ప్రజలు ఎండ్-టు-ఎండ్ 5G నెట్వర్క్ నుండి ప్రయోజనం పొందవచ్చు.
ఇది కూడా చదవండి: Flipkart Diwali Sale: దీపావళీ బిగ్ సేల్ తేదీన ప్రకటించిన ఫ్లిప్ కార్ట్.. అంతకు మించి ఆఫర్లు!
దేశీయ స్టార్టప్లు, టెక్ దిగ్గజాలు రెండూ చురుగ్గా ఉండటం వల్ల భారతదేశంలో వేగవంతమైన ఆవిష్కరణలు జరుగుతున్నాయి. స్మార్ట్ఫోన్ తయారీలో భారతదేశం ఇప్పుడు రెండవ స్థానంలో ఉంది. 150 దేశాల నుండి సుమారు 1500 మంది ఎగ్జిబిటర్లు, 7000 కంటే ఎక్కువ మంది ప్రతినిధులు ఇండియా మొబైల్ కాంగ్రెస్ 2025లో పాల్గొంటారని ఆయన తెలియజేశారు. ఈ సమయంలో క్వాంటం కంప్యూటింగ్, AI, టెక్నాలజీలో కొత్త ఆవిష్కరణలు ప్రపంచానికి ప్రదర్శించబడతాయి. ఇండియా మొబైల్ కాంగ్రెస్ 2025 అక్టోబర్ 8 నుండి అక్టోబర్ 11 వరకు ప్రారంభమవుతుంది.
ఇది కూడా చదవండి: Public Holiday: ఇక్కడ అక్టోబర్ 7న పాఠశాలలు, కార్యాలయాలకు సెలవు.. ప్రభుత్వ ఉత్తర్వులు జారీ
ఇది కూడా చదవండి: Gold Price: రికార్డ్ బద్దలు కొడుతున్న బంగారం ధర.. దీపావళి నాటికి ఎంత పెరుగుతుందో తెలిస్తే షాకవుతారు!
మరిన్ని బిజినెస్ వార్తల కోసం ఇక్కడ క్లిక్ చేయండి