Bank Account: ఈ బ్యాంకులో ఖాతా తెరిస్తే ఉచిత క్రెడిట్ కార్డు.. రూ.30 లక్షల ప్రయోజనాలు.. ఇంకా మరెన్నో..!
Bank Account: బ్యాంకింగ్‌ రంగంలో ఎన్నో మార్పులు చోటు చేసుకుంటున్నాయి. వినియోగదారులను దృష్టిలో ఉంచుకుని రకరకాల సేవలను అందుబాటులోకి..
Bank Account: బ్యాంకింగ్‌ రంగంలో ఎన్నో మార్పులు చోటు చేసుకుంటున్నాయి. వినియోగదారులను దృష్టిలో ఉంచుకుని రకరకాల సేవలను అందుబాటులోకి తీసుకువస్తున్నాయి. రకరకాల ఆఫర్లు ప్రవేశపెడుతూ మెరుగైన సేవలు అందిస్తున్నాయి. ఇక ప్రభుత్వ రంగ బ్యాంకు అయిన బ్యాంక్ ఆఫ్‌ ఇడియా (BOI) తాజాగా కస్టమర్లకు శుభవార్త అందించింది. కొత్త ఖాతా సేవలు అందుబాటులోకి తీసుకువచ్చింది. ఉద్యోగుల కోసం కొత్త శాలరీ అకౌంట్ అందిస్తోంది. దీని వల్ల ఉచిత బెనిఫిట్స్ పొందే అవకాశం ఉంటుంది. బ్యాంక్ ఆఫ్‌ ఇండియా శాలరీ ప్లస్‌ అకౌంట్ స్కీమ్‌ కేవలం ప్రభుత్వ రంగ ఉద్యోగులకు మాత్రమే అందుబాటులోకి తీసుకువచ్చింది. ఈ అకౌంట్ తెరిస్తే కోటి రూపాయల వరకు ప్రయోజనం పొందవచ్చు ఉచిత ఇన్సూరెన్స్ బెనిఫిట్స్ సదుపాయం కల్పిస్తోంది. ఈ మేరకు బ్యాంక్ ట్విట్టర్ వేదికగా ఈ విషయాన్ని వెల్లడించింది.
ఉద్యోగులు బ్యాంక్‌లో ఈ శాలరీ అకౌంట్ ఓపెన్ చేస్తే ఉచితంగానే రూ.30 లక్షల వరకు యాక్సిడెంటల్ డెత్ కవర్ లభిస్తుంది. అదే విమాన ప్రమాదం సంభవిస్తే.. రూ.కోటి వరకు ప్రమాద బీమా వర్తిస్తుంది. ఇవే కాకుండా ఇతర ప్రయోజనాలను సైతం అందిస్తోంది. అంతేకాకుండా శాలరీ అకౌంట్‌లో రూ.2 లక్షల వరకు ఓవర్ డ్రాఫ్ట్ సదుపాయాన్ని అందిస్తోంది. ఏడాదికి 100 చెక్స్ ఉచితంగానే అందిస్తారు. అలాగే ఉచిత గోల్డ్ ఇంటర్నేషనల్ క్రెడిట్ కార్డు లభిస్తుంది. డీమ్యాట్ అకౌంట్‌పై ఏఎంసీ చార్జీల నుంచి మినహాయింపు పొందవచ్చు. ఇన్ని రకాల ప్రయోజనాలను బ్యాంక్ ఆఫ్‌ ఇండియా ఉద్యోగులకు కల్పిస్తోంది.
ఈ బ్యాంకు ప్రభుత్వ ఉద్యోగులకు ఈ ప్రయోజనాలు అందిస్తుంటే.. ఇతర బ్యాంకులు సామాన్యులకు కూడా మంచి ప్రయోజనాలు అందిస్తు్న్నాయి. కేంద్ర ప్రభుత్వ పథకాలలో ఇన్సూరెన్స్ సదుపాయాలు కూడా అందిస్తున్నాయి. కొన్ని జీరో అకౌంట్ ఖాతాలకు రెండు లక్షల వరకు ప్రయోజనాలు అందిస్తున్నాయి బ్యాంకులు.